Rɔmfuɛ Mun 5:16 - NYANMIƐN NDƐ'N 1998

¹⁶ Like nga Nyanmiɛn fa cɛ'n, ɔ nin sa nga sran kunngba yoli'n, be agualiɛ ti-man kun. Afin sa nga sran kun sɔ'n yoli'n ɔ man Nyanmiɛn bu sran'm be fɔ, sanngɛ kusu like nga Nyanmiɛn fa cɛ ye'n ti, ɔ man ɔ bu be bɔ be yoli sa tɛ kpanngban kpa'n be sran kpa.

Nyanmien nde Ufle

¹⁶ Liké nga Nyanmien fa tye'n, o nin sa nga swran kun yôli'n, bé agualie ti'a kun. Afin sa nga swran kun so'n yôli'n o man Nyanmien bu swran'm bé fo, sannge kusu liké nga Nyanmien fa tye yé'n ti, o man o bu bé bo bé yôli sa te kpanngban kpa'n bé swran kpa.

Rɔmfuɛ Mun 5:16 ပူးပေါင်းရင်းမြစ်များ

Ezai 1:18

Anannganman wan yoo: «Amun `bla man e ti é wun aniɛn. Sɛ amún sa tɛ bɔ amun yo'n be ti kɛ like ɔkwlɛ youun wie sa bɔbɔ'n, be ´fɛn fitafita kɛ jese fɔkɔ sa. Sɛ be ti kɛ like ble tikitiki wie sa bɔbɔ'n, be ´yo ufue fuai kɛ bua ndrɛ sa.

Ezai 43:25

M bɔbɔ min yɛ n yaci amún sa tɛtɛ mun n cɛ amun-ɔn. Mín wla su kpɛn-man amún sa tɛ'm be su kun le.

Ezai 44:22

N nunnunnin amún sa tɛtɛ mun kɛ nyanmiɛn ble'n b'ɔ wie fiakaa'n sa. N nunnunnin amún tɛ mun kɛ lika b'ɔ mlan kpɛkuun ɔ titi weiin'n sa. Amun `sa amun sin m bɔ n ti amun Min'n min wun wa, afin n kpɔli amun ti.

Matthieu 6:14

Sɛ an yaci sa nga sran'm be yo amun'n cɛ be'n, amún Si b'ɔ o nyanmiɛn su lɔ'n, i kusu ɔ ´yaci amun liɛ'n cɛ amun.

Rɔmfuɛ Mun 8:1

I sɔ'n ti siɛn'n be nga be nin Krist-Jésus b'a kaci sran wunmuan'n, Nyanmiɛn su bu-man be fɔ kun .

1 Korɛntfuɛ Mun 11:32

Sanngɛ kɛ ɔ ´yo nan ɔ'a bu-man e nin mɛn'n nunfuɛ mun e fɔ kunngba'n, sɛ ɔ wun fɔ é wun'n, ɔ tu e fɔ.

Galasifuɛ Mun 3:10

Afin be kwlaa nga be fa bé wla gua mmla'n su falɛ su'n, bé wun su jɔ-man be le, afin be klɛli i kɛ: «Sran kwlaa ng'ɔ fa-man ndɛ nga be klɛli i mmla fluwa nun'n i kwlaa su titi'n, i wun jɔ-mɛn i le .»

Jacques 2:10

Afin sran ng'ɔ fa mmla'n kwlaa su b'ɔ yaci kun'n, wuun ɔ'a saci i kwlaa.