Rɔmfuɛ Mun 5:14 - NYANMIƐN NDƐ'N 1998

¹⁴ Sanngɛ kɛ ɔ fin Adam blɛ su lele fa ju Moiz blɛ su'n, kannzɛ sa nga sran wie'm be yoli'n ɔ ti-man kɛ Adam b'ɔ tɔnnin mmla'n i liɛ'n sa'n, sanngɛ wie'n kwla be kwlaa. Kɛ be nian Adam sɔ'n, be wunnin ng'ɔ wa ba'n i wafa .

Nyanmien nde Ufle

¹⁴ Sannge ke o fin Adam ble su lélé fa dyu Moïse ble su'n, kannze sa nga swran wié'm bé yôli'n o ti'a ke Adam b'o toon mmla'n i lie'n sa'n, sannge wié'n kwla bé kwlaa.

Rɔmfuɛ Mun 5:14 ပူးပေါင်းရင်းမြစ်များ

Bo Bolɛ 19:25

Ɔ nunnunnin klɔ sɔ mun nin be asa'n kwlaa su sran mun, ɔ nin be bo'm be kwlakwla .

Bo Bolɛ 4:8

Kɛ ɔ yoli sɔ'n, Kaɛn seli i niaan bian Abɛl kɛ: «E `wɔ bo'n nun lɔ.» Kɛ be juli lɔ'n yɛ ɔ tɔli i su kunnin i-ɔ .

Bo Bolɛ 7:22

Like nga be de wunmiɛn bɔ be o asiɛ'n su be kwlaa be wuli.

Ezipt Lɔ Tulɛ'n 1:22

Siɛn liɛ'n, Ezipt famiɛn wlali i nvlefuɛ'm be kwlaa be su nun kɛ: «Ebre'm be wa yasua nɔnman kwlaa nga be wu be'n, amun `to be gua Nil nzue'n nun lɔ, sanngɛ amun `yaci ba bla'm be lɛ.»

Ezipt Lɔ Tulɛ'n 1:6

I sin'n, Zozɛf wa wuli. I niaan mun nin i sɔ blɛ liɛ nun sran'm be kwlaa be wuli.

Ndɛ Nga Nyanmiɛn I Nuan Ijɔfuɛ Oze Kannin'n 6:7

«Adam klɔ lɔ yɛ amun nin min buli nun-ɔn, lɛ yɛ amun kacili amun sin sili min-ɔn.

Zonas 4:11

Yɛ Niniv b'ɔ ti klɔ dan, bɔ sran akpi-akpi ya sran akpi-akpi ablaɔn (120.000) bɔ be wun-man sa wlɛ'n, be o su'n, ɔ nin nnɛn beblebe'n, yɛ min yɛ n ko si-man be aunnvuɛ-ɔ?»

Rɔmfuɛ Mun 5:12

I sɔ'n ti, an `nian: Sran kun ti yɛ sa tɛ yolɛ'n bali mɛn nun-ɔn, yɛ sa tɛ sɔ'n ti yɛ man wie'n bali-ɔ. Yɛ i ti yɛ man wie'n wo sran'm be kwlaa be su-ɔ, afin be kwlaa be yo sa tɛ.

Rɔmfuɛ Mun 5:17

Nanwlɛ, sran kunngba i sa ng'ɔ yoli'n ti, wie'n kwla sran'm be kwlaa sran kunngba sɔ'n ti. Sanngɛ sa kpa nga Jésus-Krist kusu yoli'n ɔ ti dan kpa trɛ i, afin be kwlaa nga Nyanmiɛn yoli be ye b'ɔ kacili be sran kpa'n, be ´nyan nguan yɛ be ´di famiɛn Krist fanngan nun.

Rɔmfuɛ Mun 5:21

Ɔ man kɛ sa tɛtɛ'n yo sran'm be nzuɛn lele ɔ man be wu'n, i kunngba'n, Nyanmiɛn i aklunye'n ɔ man sa kpa'n kaci be nzuɛn lele be ´nyan anannganman nguan e Min Jésus-Krist fanngan nun.

Rɔmfuɛ Mun 8:20

Afin like ng'ɔ yili be'n, ɔ sieli be kwlaa be kɛ be saci. Be sacilɛ sɔ'n fin-man be bɔbɔ, ɔ fin i b'ɔ sieli be sɔ'n . Sanngɛ bé wla tɛ wo i su,

Rɔmfuɛ Mun 8:22

E si kɛ, kɛ ɔ fin lalaa lele b'ɔ ɔ'a fa ju ndɛ'n, like nga Nyanmiɛn yili be'n, be kwlaa be oto, yɛ be wun nyrɛnnɛn kɛ bla bɔ ɔ'a tran awuliɛ'n sa .

1 Korɛntfuɛ Mun 15:22

Kɛ Adam ti sran'm be kwlaa be wu'n, i kunngba'n, Krist ti Nyanmiɛn man sran'm be kwlaa be ´nyan nguan ekun,

1 Korɛntfuɛ Mun 15:45

I sɔ'n ti be klɛli i kɛ: «Adam b'ɔ ti sran klikli'n, ɔ nyannin nguan yɛ ɔ yoli sran.» Adam kasiɛnfuɛ'n yoli aolia nun sran b'ɔ man nguan.

Hébreu 9:27

Be sieli i kɛ sran wu kpɛ kunngba, i sin be fɛ i kɔ Nyanmiɛn ja su.