Rɔmfuɛ Mun 5:11 - NYANMIƐN NDƐ'N 1998

¹¹ Nán é delɛ sɔ'n ngunmin ti-ɔ, sanngɛ Nyanmiɛn man e klun jɔ e Min Jésus-Krist bɔ i fanngan nun yɛ e nin Nyanmiɛn ye afiɛn a sɛ siɛn'n ti .

Nyanmien nde Ufle

¹¹ Nanh é ti déle so'n ngunmin tio, sannge Nyanmien man é klun dyo é Min Jésus-Christ bo i fanngan nun ye é nin Nyanmien é afien a se sien'n ti.

Rɔmfuɛ Mun 5:11 ပူးပေါင်းရင်းမြစ်များ

Jue Mun 104:34

Man jue nga n ´to'n ɔ yo i fɛ! Kɛ bɔ ɔ ti min Nyanmiɛn'n ti'n, n klun jɔ lele kpe nun.

Jue Mun 149:2

Izraɛlfuɛ mun, man amun klun jɔ i b'ɔ yili amun'n i dunman nun. Man Siɔnfuɛ'm bé wun kpaja be be famiɛn'n ti .

Jue Mun 32:11

Nyanmiɛn sufuɛ nanwlɛfuɛ mun, man amun klun jɔ, man amun wun kpaja amun Anannganman ti. Sran kpa mun, amun klun b'ɔ ti jɔwa'n ti, an `bo sro!»

Jue Mun 43:4

Ee Nyanmiɛn, min Nyanmiɛn, n klun b'ɔ jɔ nin min wun b'ɔ kpaja min'n ti'n, n ´kɔ ɔ sɔwlɛ'n su lɔ, n ´kɔ wɔ sin, nan m ´bo jru m ´manman wɔ.

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

JÉSUS-CHRIST I DYASIN FE'N BO LUC KLELI'N 1:46

Mari seli kɛ: « Mín wun blibli min, ɔ man m ´manman min Min Nyanmiɛn'n.

Jean 1:12

Sanngɛ be kwlaa nga be sɔli i nun bɔ be lafi i su'n, ɔ man be kaci Nyanmiɛn wa .

Rɔmfuɛ Mun 11:15

?Afin sɛ be ase sielɛ kan bɔ Nyanmiɛn sieli be'n ɔ man mɛn nunfuɛ'm be nin Nyanmiɛn be afiɛn a sɛ'n, kɛ ɔ ko fa be ekun'n, ɔ ´yo sɛ? Sɛ ɔ yo i sɔ'n, be nga be wuli'n be ´nyan nguan!

Rɔmfuɛ Mun 2:17

Sanngɛ amun'n, an flɛ amun wun Zuif, an di mmla'n su, an fa Nyanmiɛn di amún nuan,

Rɔmfuɛ Mun 5:1

I sɔ'n ti, Nyanmiɛn a bu ye sran kpa i su bɔ e lafi'n ti, ɔ man siɛn'n e Min Jésus-Krist ti e nin i e afiɛn a sɛ.

Rɔmfuɛ Mun 5:10

Afin sɛ laa bɔ e ti Nyanmiɛn i kpɔfuɛ'n b'ɔ fɛ i Wa'n siesieli ye afiɛn'n, siɛn'n bɔ e nin i ye afiɛn a sɛ'n, i Wa'n i nyin b'ɔ o su'n ti ɔ ´de é kpɛ blu.

Rɔmfuɛ Mun 5:3

Nɛ́n i sɔ ngunmin ti yɛ é wun blibli ye-ɔ, sanngɛ sa ng'ɔ tɔ e su'n kusu ɔ man e klun jɔ ekun, afin e si kɛ nyrɛnnɛn wunlɛ'n man e kaci sran bɔ e tra e anwlɛn,

Rɔmfuɛ Mun 8:23

Nán be ngunmin-ɔn, sanngɛ e bɔ Nyanmiɛn fɛ i Wawɛ'n b'ɔ ti like b'ɔ ´fa man ye'n i nun klikli'n, e kusu e oto, yɛ e minndɛ cɛn nga be ´wun kɛ e ti Nyanmiɛn wa sakpa'n, b'ɔ ´de ye b'ɔ ´kaci e wunnɛn nga'n .

Rɔmfuɛ Mun 9:10

Yɛ kusu Rebeka nin e nannan Izaak be wuli nda.

1 Korɛntfuɛ Mun 10:16

?Kɛ e ´nɔn kɔminiɔn nzan'n bɔ e la Nyanmiɛn ase'n, Krist mmoja'n ti-man e kwlaa e liɛ? ?Kɛ e ´bubu kɔminiɔn kpaun'n nun bɔ e ´di'n, Krist wunnɛn'n ti-man e kwlaa e liɛ ?

2 Korɛntfuɛ Mun 8:19

Yɛ kusu asɔnunfuɛ'm be yili i kɛ ɔ ko sunman ye. Kɛ e nin i e fa nɛnnɛn like sɔ'n ko man'n, e ´yo nan e Min'n nyan nyrun, yɛ amun ´wun kɛ be lika nianlɛ'n wo e klun sakpa.

Galasifuɛ Mun 4:9

?Sanngɛ siɛn'n, kɛ amu'an si Nyanmiɛn'n, annzɛ bɔ Nyanmiɛn bɔbɔ a si amun'n, nguɛ ti yɛ an klo kɛ amun ´sa amun sin kɔ ninnge ngbɛn-ngbɛn bɔ be kwla yo-man like fi'n bé sin ekun kɛ amun ´ko yo be akua-a?

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Filipfuɛ Mun 3:1

N niaan mun, min ndɛ'n i atabo'n yɛ: sran wunmuan bɔ amun nin e Min'n ti'n ti'n, man amun klun jɔ. Ndɛ nga n klɛ blɛli amun laa'n, kɛ n ´klɛ blɛ amun ekun'n, ɔ ti-man min afɛ, yɛ sɛ n yo sɔ man amun-ɔn ɔ ti kpa.

Filipfuɛ Mun 3:3

E yɛ e wla klɛn kpa nin-ɔn, afin e su Nyanmiɛn i Wawɛ'n i fanngan nun, e fa Krist-Jésus di é nuan, e fa-man é wla gua-man e wafa nga e ti'n su.

Filipfuɛ Mun 4:4

Sran wunmuan bɔ amun nin e Min'n ti'n ti'n, cɛn kwlaa man amun klun jɔ, n ´kɛn i ekun: man amun klun jɔ .

Kolɔsfuɛ Mun 2:6

I sɔ'n ti'n kɛ an kplinnin su kɛ Krist-Jésus `yo amun Min'n, man amun nyoliɛ'n kle kɛ amun nin i a kaci sran wunmuan,

1 Piɛr 1:8

Amu'an wun-mɛn i le, sanngɛ an klo i. Kannzɛ an nian wun-mɛn i'n, an lafi i su, ɔ man amun klun jɔ dan kpa, ɔ man an wun-man ndɛ nga an kan-an.

1 Samiɛl 2:1

Yɛ Ani srɛli Nyanmiɛn-ɔn, ɔ seli kɛ: «Anannganman man n klun ɔ'a jɔ dan. Anannganman man m'an kwla man mín ti'n su. E nin min kpɔfuɛ mun e kan-an, ɔ ´kpɛ siɛn'n. Delɛ ng'ɔ deli min'n ti n klun ɔ'a jɔ.