Rɔmfuɛ Mun 5:10 - NYANMIƐN NDƐ'N 1998

¹⁰ Afin sɛ laa bɔ e ti Nyanmiɛn i kpɔfuɛ'n b'ɔ fɛ i Wa'n siesieli ye afiɛn'n, siɛn'n bɔ e nin i ye afiɛn a sɛ'n, i Wa'n i nyin b'ɔ o su'n ti ɔ ´de é kpɛ blu.

Nyanmien nde Ufle

¹⁰ Afin se laa bo é ti Nyanmien i kpofue'n b'o fe i Wa'n siésié é afien'n, sien'n bo é nin i é afien a se'n, i Wa'n i nyin b'o ô su'n ti, oh déh é ti kpe blu.

Rɔmfuɛ Mun 5:10 ပူးပေါင်းရင်းမြစ်များ

2 Be Nyoliɛ 29:24

Nyanmiɛn nyrun jranfuɛ'm be kpɛli be kɔmin, yɛ be fali be mmoja'n guɛli i Nyanmiɛn sɔwlɛ'n su nan Nyanmiɛn yaci Izraɛlfuɛ'm be kwlaa bé sa tɛ'n cɛ be, afin famiɛn'n dun mmua kɛnnin i kɛ Izraɛlfuɛ'm be dunman nun'n, be `yi tɛ nga be yrɛ i nnɛn'n kɔlikɔli'n, ɔ nin Nyanmiɛn kpatalɛ tɛ'n.

Ezekiɛl 45:20

Sran nga bɔ sanvuɛsa yɛ ɔ nyɛnnin i nan ɔ yo sa tɛ'n, amun `yo i sɔ anglo'n i cɛn ba nso'n su. Kɛ amun wa yi min sua'n i wun fiɛn kɛ nga sa.

Daniɛl 9:24

Be mannin ɔ nvle'n nunfuɛ'm be nin klɔ b'ɔ ti Nyanmiɛn liɛ'n i sufuɛ'm be afuɛ ableso sɔ nso kɛ be `fa yaci nyin kekle'n nin sa tɛ'n yolɛ. Blɛ sɔ'n ti cinnjin kɛ ɔ ´yo nan b'a yaci bé sa tɛ mun b'a cɛ be, nan b'a yo sa mun i nuan su, nan sa nga be wun be aolia nun'n be nuan ɔ'a yia, nan Nyanmiɛn i nuan ndɛ bɔ be kannin'n ɔ'a kpɛn su, nan b'a fa Nyanmiɛn i lika kpa tra su'n b'a wlɛ i sa nun'n ti.

Jean 14:19

Ɔ cɛ kan'n, mɛn nunfuɛ'm be su wun-man n kun, sanngɛ amun liɛ'n, amun ´wun min. N wu-man, ɔ man amun kusu amun ´ka lɛ tititi.

Jean 5:26

Kɛ nguan'n wo i Si sa nun'n, ɔ man nguan sɔ'n wo i Wa'n sa nun wie.

Jean 6:40

An `nian, like nga n Si waan sran'm be nyɛn i'n yɛ: i waan sran kwlaa ng'ɔ wun i Wa'n b'ɔ lafi i su'n, ɔ ´nyan Anannganman nguan. Yɛ n ´cɛn i mɛn'n i awieliɛ.»

Jean 6:57

Kɛ n Si b'ɔ lafi-man'n ɔ sunmannin min'n, bɔ i ti yɛ n wo lɛ'n, sran nga kusu b'ɔ di min nnɛn'n, n ti ɔ ´tran lɛ.

Rɔmfuɛ Mun 11:28

Kɛ e niɛn i bue kun'n, e wun kɛ jasin fɛ'n bɔ Zuif'm b'a fa-man su'n ti Nyanmiɛn nin be buli. I sɔ'n yoli amun muae sa. Sanngɛ kɛ e niɛn i bue kun ekun bɔ e wun wafa nga Nyanmiɛn fa sran'n, e wun kɛ be nannan'm be ti'n, be ti Nyanmiɛn i anwlɛn su sran.

Rɔmfuɛ Mun 5:11

Nán é delɛ sɔ'n ngunmin ti-ɔ, sanngɛ Nyanmiɛn man e klun jɔ e Min Jésus-Krist bɔ i fanngan nun yɛ e nin Nyanmiɛn ye afiɛn a sɛ siɛn'n ti .

Rɔmfuɛ Mun 5:6

Afin kɛ e bɔbɔ e nian kwla yo-man sa fi'n, kɛ blɛ nga Nyanmiɛn sieli juli'n, be nga be sro-mɛn i'n be ti Krist wuli.

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.

Rɔmfuɛ Mun 8:34

?Wan yɛ ɔ kwla se kɛ b'a di fɔ-ɔ? Krist-Jésus yɛ ɔ wuli-ɔ, kusu ɔ cɛnnin, ɔ o Nyanmiɛn i fama su, ɔ kpɛtɛ i man ye.

Rɔmfuɛ Mun 8:7

Afin be nga klɔ sran ninnge'n lo be'n, be kpɔ Nyanmiɛn, be klo-man kɛ be fa Nyanmiɛn mmla'n su, yɛ kusu be kwla fa-man su bɔbɔ.

2 Korɛntfuɛ Mun 5:20

Ɔ man e ti Krist i ja nun jranfuɛ, ndɛ nga Nyanmiɛn klo kɛ ɔ ´kan kle amun'n, i bɔbɔ fa wla é nuan, ɔ man e ´srɛ amun Krist dunman nun, man Nyanmiɛn siesie amun nin i bɔbɔ amun afiɛn.

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

Efɛzfuɛ Mun 2:16

Kɛ ɔ wuli waka'n su'n, ɔ man sa ng'ɔ o be nvle nnyɔn'm be afiɛn'n ɔ wieli, b'a kaci sran wunmuan, yɛ ɔ'a siesie be nin Nyanmiɛn be afiɛn.

Efɛzfuɛ Mun 2:3

Laa e kwlaa e ti kɛ be sa, like nga klɔ sran konvi sɔ i'n yɛ e kunndɛ-ɔ, like kwlaa ng'ɔ yo e fɛ bɔ e bu i akunndan'n yɛ e yo-ɔ. Nzuɛn sɔ'n bɔ be wuli ye nin i'n ti'n, san Nyanmiɛn ´fa é wun ya kɛ ɔ fali sran wie'm bé wun ya'n sa.

Hébreu 2:17

Kɛ ɔ ´yo nan ɔ'a yo Nyanmiɛn nyrun jranfuɛ'm be su kpɛn'n, nan ɔ'a si i niaan'm be aunnvuɛ'n nan ɔ'a si Nyanmiɛn junman'n di kpa'n, nan ɔ'a kwla yaci sran'm bé wun sa'n ɔ'a cɛ be'n, san ɔ ´kaci i wun kɛ be sa.

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.

1 Jean 2:1

M mma mun, kɛ ɔ ko yo nan amu'an yo-man sa tɛ'n ti, n ´klɛ ndɛ nga blɛ amun. Sanngɛ sɛ sran wie yo sa tɛ'n, e lɛ é ti ndɛ kanfuɛ, ɔ o e Si Nyanmiɛn wun lɔ, yɛlɛ Jésus-Krist b'ɔ ti sran kpa'n.

1 Jean 4:10

Klolɛ sɔ'n, nán e yɛ e kloli Nyanmiɛn-ɔn, i yɛ ɔ kloli ye-ɔ nan ɔ'a sunmɛn i Wa kunngba'n kɛ ɔ fɛ i wun yi é ti tɛ.

Sa nglô yile 1:18

N ti anannganman, n wuli, sanngɛ n cɛnnin, siɛn'n, mín nyin o su, yɛ n ´ka lɛ tititi. Min yɛ n sie Wie nin-ɔn, yɛ blɔlɔ lɔ lakle'n wo ń sa nun.