Rɔmfuɛ Mun 5:1 - NYANMIƐN NDƐ'N 1998

¹ I sɔ'n ti, Nyanmiɛn a bu ye sran kpa i su bɔ e lafi'n ti, ɔ man siɛn'n e Min Jésus-Krist ti e nin i e afiɛn a sɛ.

Nyanmien nde Ufle

¹ I so'n ti, Nyanmien a bu é swran kpa i su bo é lafi'n ti, o man sien'n é Min Jésus-Christ ti, é nin i é afien a se.

Rɔmfuɛ Mun 5:1 ပူးပေါင်းရင်းမြစ်များ

Zɔb I Nyrɛnnɛn Wunlɛ 21:21

?Kɛ ɔ ko wu ko wie'n, sɛ i osu'n nunfuɛ'm be ´fɛ-ɔ, ɔ fɛtɛ i nzu?

Jue Mun 122:6

An `srɛ Nyanmiɛn man fɔundi tran Zerizalɛm lɔ. Zerizalɛm, be bɔ be klo wɔ'n, man alaje'n ɔ `fua be.

Ezai 27:5

Sanngɛ sɛ be talo min'n, sɛ be kpata min'n, sɛ be tra n ja'n, i liɛ ɔ lɛ i wun.»

Ezai 32:17

Sɛ e ´kwla se'n, like ng'ɔ su sa nuan su yolɛ'n su'n yɛlɛ aunjuɛ. Yɛ ɔ yo man bé wla gua ase tititi, yɛ sa su nyan-man be.

Ezai 54:13

Amun mma'm be kwlaa be ´yo min sɔnnzɔnfuɛ. Be ninnge'm be wa yo ye kpa bé sa nun .

Ezai 55:12

Nanwlɛ, kɛ amun ´fin Babilɔni lɔ fite'n, amun klun ´jɔ, be ´fa amun ba amún mɛn'n nun wɛtɛɛ su. Sɛ oka mun nin kpɔlɛ mun be ti sran'n, wuun n ´se kɛ be ´bo sro, yɛ sɛ blɔ lɔ waka'm be ti sran'n, wuun n ´se kɛ be ´bo ndɛ.

Abakik 2:4

Klɛ i kɛ: Nian, wun tufuɛ'n, i klun akunndan'n ti-man kpa. Sanngɛ sran ng'ɔ lafi n su b'ɔ man ɔ kaci sran kpa'n, ɔ ´nyan nguan .

Zakari 6:13

I yɛ ɔ ´kplan-an. Ɔ ´wla famiɛn ninnge mun, ɔ ´tran famiɛn bia'n su. Ɔ ´sie mɛn'n. Be ´fa min nyrun jranfuɛ kun be ´suɛn i. Be nnyɔn'n bé nuan ´sɛ be wun kpa .›

JÉSUS-CHRIST I DYASIN FE'N BO LUC KLELI'N 19:38

Be seli kɛ: «Famiɛn ng'ɔ ba e Min Nyanmiɛn dunman nun'n, man ɔ nyan nguan! Alaje o Nyanmiɛn lika lɔ. Man Nyanmiɛn manmanlɛ'n tɛ nyanmiɛn su lɔ !»

JÉSUS-CHRIST I DYASIN FE'N BO LUC KLELI'N 19:42

ɔ seli kɛ: «Sɛ ɔ ti kɛ ndɛ an si like nga be man amun alaje'n! Sanngɛ julɛ nga ɔ'a ju yɛ'n, an su wun-mɛn i wlɛ kun.

JÉSUS-CHRIST I DYASIN FE'N BO LUC KLELI'N 2:14

«Man Nyanmiɛn manmanlɛ'n tɛ nyanmiɛn su lɔ, yɛ man sran bɔ Nyanmiɛn klun jɔ bé wun asiɛ'n su wa'n, bé wun jɔ be.»

Jean 14:27

N ´yo man amún wun ´jɔ amun fɔuun, yɛ amun ´di alaje kɛ min sa. Alaje nga mɛn nunfuɛ'm be yra bé nuan kɛ sran di'n, ɔ nin n liɛ'n ti-man kun. Nán amún wla bo, nán srɛ kun amun.

Jean 16:33

N kɛnnin i kwlaa sɔ'n kleli amun nan amún wun `jɔ amun fɔuun sran wunmuan bɔ min nin amun y'a kaci'n ti. Amun wa wun amún nyin su kpa, sanngɛ an `tra amun anwlɛn, mɛn nga nun wa'n, min yɛ n kwlaa-a.»

Jean 20:31

Sanngɛ kɛ ɔ ´yo nan amu'an lafi su kɛ Jésus ti Krist nan ɔ ti Nyanmiɛn i Wa'n, i ti yɛ be klɛli nga-a, yɛ sɛ an lafi i su'n, i ti amun ´nyan nguan .

Jean 5:24

Nanwlɛ, sran ng'ɔ tie min ndɛ'n nan ɔ lafi sran ng'ɔ sunmannin min'n su'n, ɔ lɛ Anannganman nguan, be su fɛ i kɔ-man jɔlɛ difuɛ'n i ja su. Ɔ'a nyɛn i ti wie'n sa nun, yɛ ɔ'a nyan nguan.

Sa nga bé yôli'n 10:36

Ɔ fɛ i ndɛ'n blɛli Izraɛlfuɛ mun, yɛ ɔ kannin alaje bɔ be wa nyɛn i Jésus-Krist b'ɔ ti sran'm be kwlaa be Min'n i ti'n i ndɛ kleli be.

Rɔmfuɛ Mun 1:17

Jasin fɛ sɔ'n yɛ ɔ kle ye wafa nga Nyanmiɛn fa bu sran i sran kpa nin-ɔn, i sɔ'n fin sran i Nyanmiɛn su b'ɔ lafi'n, yɛ kusu ɔ man sran lafi Nyanmiɛn su kpa, afin be klɛli i kɛ: «Sran ng'ɔ lafi Nyanmiɛn su b'ɔ man ɔ kaci sran kpa'n, ɔ ´nyan nguan .»

Rɔmfuɛ Mun 1:7

N ´fa fluwa nga blɛ amun bɔ an wo Rɔm lɔ bɔ Nyanmiɛn klo amun b'ɔ flɛli amun kɛ an kaci i liɛ mlɔnmlɔn'n. Man e Si Nyanmiɛn nin e Min Jésus-Krist be yo man an nyan ye, yɛ man amún wun jɔ amun fɔuun!

Rɔmfuɛ Mun 10:10

Afin kɛ be lafi su kpa'n, Nyanmiɛn bu be sran kpa, yɛ kɛ ɔ fite be nuan'n, be fite nun.

Rɔmfuɛ Mun 10:15

?Sɛ b'a sunman-man sran'n, ɔ ´yo sɛ yɛ ɔ ´kɛn i ndɛ nin-ɔn? Afin be klɛli i kɛ: «Be bɔ be ba jasin fɛ bolɛ'n, be balɛ'n yo sran'm be fɛ .»

Rɔmfuɛ Mun 14:17

Nán kɛ like bɔ sran di'n nin nzan bɔ be nɔn'n yɛ ɔ kle kɛ Nyanmiɛn sie be-ɔ, sanngɛ i Wawɛ'n b'ɔ man sran kaci sran kpa'n, b'ɔ man be di alaje'n, b'ɔ man be klun jɔ'n, yɛ ɔ kle kɛ ɔ sie be-ɔ.

Rɔmfuɛ Mun 15:13

Man Nyanmiɛn bɔ é nyin o i sin'n ɔ man amun klun jɔ, yɛ an di alaje i su bɔ an lafi'n ti nan Nyanmiɛn Wawɛ'n i fanngan nun amún nyin trɛn i sin tititi.

Rɔmfuɛ Mun 15:33

Man Nyanmiɛn b'ɔ man sran di alaje'n, ɔ nian amun kwlaa amun su. Man ɔ yo sɔ!

Rɔmfuɛ Mun 3:22

Nyanmiɛn bu be kwlaa nga be lafi Jésus-Krist su'n be sran kpa, afin i nyrun'n, sran fi kpa tra-man wie.

Rɔmfuɛ Mun 3:30

afin be nga be lafi i su'n sɛ be wlali be klɛn o, sɛ b'a wla-man be klɛn o, Nyanmiɛn kunngba'n yɛ ɔ bu be sran kpa-a .

Rɔmfuɛ Mun 4:5

Sanngɛ sran ng'ɔ yo-man like fi nan ɔ lafi Nyanmiɛn b'ɔ bu sran b'ɔ sro-mɛn i'n i sran kpa'n i su'n, ɔ kaci sran sɔ'n i sran kpa i su b'ɔ lafi'n ti.

Rɔmfuɛ Mun 5:11

Nán é delɛ sɔ'n ngunmin ti-ɔ, sanngɛ Nyanmiɛn man e klun jɔ e Min Jésus-Krist bɔ i fanngan nun yɛ e nin Nyanmiɛn ye afiɛn a sɛ siɛn'n ti .

Rɔmfuɛ Mun 5:18

I sɔ'n ti'n, kɛ Nyanmiɛn fa sran kunngba i sa ng'ɔ yoli'n i lɔnglɛ cili sran'm be kwlaa'n, i kunngba'n, sran kunngba kusu i sa kpa ng'ɔ yoli'n ɔ man Nyanmiɛn bu sran'm be kwlaa be sran kpa, ɔ man be ´nyan nguan.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

Rɔmfuɛ Mun 9:30

?Ɔ man e ´se sɛ? Be bɔ be ti-man Zuif bɔ b'a kunndɛ-man kɛ Nyanmiɛn bu be sran kpa'n, Nyanmiɛn buli be sran kpa i su bɔ be lafili'n ti.

Galasifuɛ Mun 2:16

Kannzɛ e ti sɔ'n, e si kɛ Nyanmiɛn bu-man sran fi sran kpa mmla'n b'ɔ fa su'n ti, san Krist-Jésus su bɔ sran lafi'n ti yɛ man Nyanmiɛn bu i sran kpa-a. E kusu, kɛ ɔ ko yo nan Nyanmiɛn a bu e sran kpa Krist bɔ e lafi i su'n ti'n, nan ɔ'a yo-man kɛ mmla'n bɔ e fa su'n ti yɛ ɔ bu ye sran kpa'n, i ti yɛ e lafili Krist-Jésus su-ɔ. Afin Nyanmiɛn su bu-man sran fi sran kpa mmla'n b'ɔ fa su'n ti .

Galasifuɛ Mun 3:25

Kɛ blɛ nga e kwla lafi Krist su'n juli'n, ɔ man e nun-man sran b'ɔ kle ye atin'n i sa nun kun.

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Efɛzfuɛ Mun 2:7

nan blɛ ng'ɔ ´ba lɔ'n nun, kɛ ɔ ´yi i kpa b'ɔ yoli ye Krist-Jésus ti'n i nglo'n, be ´wun kɛ i ye b'ɔ yoli ye'n i dan'n lɛ-man wunsu.

Kolɔsfuɛ Mun 1:20

Yɛ ɔ siesieli i nun sran mun nin ninnge'm be kwlaa be afiɛn Jésus nun. Kɛ Jésus wuli waka'n su'n, Nyanmiɛn siesieli sa ng'ɔ o i nin like nga be o asiɛ'n su wa nin nyanmiɛn su lɔ'n be kwlaa be afiɛn, ɔ man sa fi nun-man lɛ kun.

Kolɔsfuɛ Mun 3:15

Sɛ é wun nga Krist man ɔ jɔ ye'n ti sran'n, wuun e ´se kɛ man ɔ sie amun nin amun klun akunndan'n kwlaa, afin i sɔ'n ti yɛ Nyanmiɛn flɛli amun kɛ an `yo sran wunmuan nin-ɔn. Yɛ like kwlaa nga Nyanmiɛn yo man amun'n, nán amún wla fi.

1 Tɛsalonikfuɛ Mun 5:23

Man Nyanmiɛn b'ɔ man sran di alaje'n ɔ yo man an kaci i liɛ mlɔnmlɔn, man ɔ nian amun wunmuan'n su, amun klun akunndan'n, nin amun wawɛ'n, nin amun wunnɛn'n, nan cɛn nga e Min Jésus-Krist ´ba'n b'a kputu-man amun!

2 Tɛsalonikfuɛ Mun 3:16

Man e Min'n b'ɔ man sran di alaje'n i bɔbɔ man amún wun jɔ amun fɔuun cɛn kwlaa sa kwlaa nun, yɛ ɔ nin amun tran!

Hébreu 13:20

Nyanmiɛn cɛnnin e Min Jésus b'ɔ ti Bua Tafuɛ Dan'n i mmoja b'ɔ man sran nin Nyanmiɛn be tra aenguɛ tititi'n ti . Man Nyanmiɛn b'ɔ man sran di alaje'n