Rɔmfuɛ Mun 4:6 - NYANMIƐN NDƐ'N 1998

⁶ I kunngba'n David kɛnnin i kɛ sran nga Nyanmiɛn niɛn-mɛn i nyoliɛ'n su yɛ ɔ bu i sran kpa'n, i liɛ su ti ye. Ɔ se kɛ:

Nyanmien nde Ufle

⁶ I kunngba'n David keen i ke, swran nga Nyanmien nie'en i nyôlie'n su ye o bui swran kpa'n, i lie su ti yé. O sé ke:

Rɔmfuɛ Mun 4:6 ပူးပေါင်းရင်းမြစ်များ

Jue Mun 112:1

An `manman Anannganman! Sran nga i nyin yi Anannganman'n, bɔ Anannganman i mmla'm be su falɛ'n ɔ yo i fɛ'n, i liɛ su ti ye!

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Zeremi 22:6

Zida famiɛn'n i sua'n i wun ndɛ nga Anannganman kan'n yɛ: «A ti kɛ Galaad bo nglanman mun annzɛ kɛ Liban oka mun sa min nyrun, sanngɛ n ´yo man a ´kaci kɛ aawlɛ flɛnnɛn sa. Sran fi su tran-man ɔ nun kun.

Zeremi 33:16

I blɛ sɔ nun'n, Zida nvle'n ´fite nun. Zerizalɛm klɔ'n ɔ ´nyan manndran. Ɔ man be wa flɛ Zerizalɛm kɛ: Anannganman'n Ti E Ti Ndɛ Kanfuɛ.›

Daniɛl 9:24

Be mannin ɔ nvle'n nunfuɛ'm be nin klɔ b'ɔ ti Nyanmiɛn liɛ'n i sufuɛ'm be afuɛ ableso sɔ nso kɛ be `fa yaci nyin kekle'n nin sa tɛ'n yolɛ. Blɛ sɔ'n ti cinnjin kɛ ɔ ´yo nan b'a yaci bé sa tɛ mun b'a cɛ be, nan b'a yo sa mun i nuan su, nan sa nga be wun be aolia nun'n be nuan ɔ'a yia, nan Nyanmiɛn i nuan ndɛ bɔ be kannin'n ɔ'a kpɛn su, nan b'a fa Nyanmiɛn i lika kpa tra su'n b'a wlɛ i sa nun'n ti.

Matthieu 25:19

Kɛ ɔ cɛli kpa'n, sran sɔ'm be min'n bali, ɔ flɛli be kɛ be bla man be bu sika b'ɔ mannin be'n i akunndan.

Rɔmfuɛ Mun 1:17

Jasin fɛ sɔ'n yɛ ɔ kle ye wafa nga Nyanmiɛn fa bu sran i sran kpa nin-ɔn, i sɔ'n fin sran i Nyanmiɛn su b'ɔ lafi'n, yɛ kusu ɔ man sran lafi Nyanmiɛn su kpa, afin be klɛli i kɛ: «Sran ng'ɔ lafi Nyanmiɛn su b'ɔ man ɔ kaci sran kpa'n, ɔ ´nyan nguan .»

Rɔmfuɛ Mun 3:27

?Sɛ ɔ ti sɔ'n, nguɛ su yɛ e jran fa di é nuan-an? E lɛ-mɛn i sɔ like mlɔnmlɔn! ?Nguɛ ti yɛ e lɛ-mɛn i sɔ like nin-ɔn? ?Mmla'n b'ɔ man e si like nga e yo'n ti-ɔ? Cɛcɛ, Nyanmiɛn bɔ e lafi i su'n ti-ɔ.

Rɔmfuɛ Mun 4:11

Nyanmiɛn dun mmua buli i sran kpa i su b'ɔ lafi'n ti, i sin yɛ be wlɛli i klɛn-ɔn. Ɔ fa klɛn wlalɛ sɔ'n sieli Abraam nzɔliɛ b'ɔ ti like nga ɔ'a dun mmua yo i'n i lalofuɛ. Be kwlaa nga kannzɛ b'a wla-man be klɛn'n, ɔ bu be kusu be sran kpa wie'n, i su bɔ be lafi'n ti'n, ɔ yoli sɔ nan Abraam yo bé si.

Rɔmfuɛ Mun 4:24

sanngɛ e bɔ e lafi Nyanmiɛn b'ɔ cɛnnin e Min Jésus'n b'ɔ su wa bu e sran kpa wie'n i su'n, e liɛ o nun wie.

Rɔmfuɛ Mun 4:5

Sanngɛ sran ng'ɔ yo-man like fi nan ɔ lafi Nyanmiɛn b'ɔ bu sran b'ɔ sro-mɛn i'n i sran kpa'n i su'n, ɔ kaci sran sɔ'n i sran kpa i su b'ɔ lafi'n ti.

Rɔmfuɛ Mun 4:7

«Be nga be tɔn mmla'n bɔ Nyanmiɛn yaci cɛ be'n, b'ɔ kata bé sa nga be yoli i'n su'n, be liɛ su ti ye!

Rɔmfuɛ Mun 4:9

?Ye sɔ'n, ɔ ti be nga be wlali be klɛn'n be ngunmin be liɛ annzɛ ɔ ti be nga b'a wla-man be klɛn'n be kusu be liɛ wie? Afin e se kɛ: «Nyanmiɛn su bɔ Abraam lafi'n ti ɔ man ɔ bu i sran kpa.»

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

Galasifuɛ Mun 3:14

Ɔ yoli sɔ nan ye nga Nyanmiɛn seli Abraam kɛ ɔ ´yo i'n Jésus-Krist ti, ɔ ´yo man be nga be ti-man Zuif'n, nan e kusu e ´nyan Nyanmiɛn Wawɛ'n bɔ i waan ɔ ´fa man ye'n i su bɔ e lafi'n ti.

Galasifuɛ Mun 4:15

Laa amun klun jɔ mín wun kpa. ?Nguɛ yɛ amu'an wun i siɛn nin-ɔn? Afin m boli amun dunman kɛ sɛ ɔ ti kɛ an kwla tu amun nyinma'n man min'n, wuun an tuli.

Efɛzfuɛ Mun 1:3

E Min Jésus-Krist i Si Nyanmiɛn i kwla o! Kɛ e nin Jésus-Krist e kacili sran wunmuan'n, ɔ fali nyanmiɛn su lɔ ninnge kpakpa'n kwlaa b'ɔ kwla yo e wun sa ye'n mannin ye.

Mmla'n 33:29

Izraɛlfuɛ mun amun liɛ su ti ye. ?Wan yɛ ɔ nin amun sɛ-ɔ? Amun ngunmin yɛ Anannganman deli amun-ɔn. Ɔ ti kɛ amun nyrɛn sa. Ɔ ti kɛ amun tokofi sa bɔ man amun nyan kwlalɛ-ɔ. Sɛ amun kpɔfuɛ'm be ba amun yaci selɛ'n, amun wa tia be amuɛn sɔwlɛ'm be su.»

2 Timote 1:9

Ɔ deli ye, ɔ flɛli ye kɛ e yo i sran, nán kɛ e yoli sa kpa ti yɛ ɔ flɛli ye-ɔ, sanngɛ é wun akunndan bɔ i bɔbɔ dun mmua buli'n, nin ye bɔ i waan Krist-Jésus ti ɔ ´yo ye'n ti-ɔ.

Jacques 2:18

Wienun-ɔn sran wie wa se n kɛ: «Ɔ liɛ'n, a lafi Nyanmiɛn su, yɛ n kusu'n, n yo sa kpakpa.» Yɛ n kusu n ´se i kɛ: «Man n nian ɔ Nyanmiɛn su bɔ a lafi bɔ a yo-man sa kpa'n, yɛ n kusu'n, sa kpakpa nga n yo be'n, m ma fa kle wɔ kɛ n lafi Nyanmiɛn su.»

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.