Rɔmfuɛ Mun 4:25 - NYANMIƐN NDƐ'N 1998

²⁵ Nyanmiɛn yili i kɛ ɔ wa wu sa nga e yoli'n ti, yɛ e sran kpa bulɛ ti yɛ ɔ cɛnnin i-ɔ .

Nyanmien nde Ufle

²⁵ Nyanmien yii i ke o wa wu sa nga é yôli'n ti, ye é swran kpa bule ti ye o tyennin io.

Rɔmfuɛ Mun 4:25 ပူးပေါင်းရင်းမြစ်များ

Ezai 53:4

Sanngɛ kusu wuun e tukpacɛ'n yɛ ɔ fa suali-ɔ, yɛ ye afɛ'n yɛ ɔ fali-ɔ. E liɛ'n e waan wuun Nyanmiɛn su tu i fɔ, e waan wuun ɔ su kle i nyrɛnnɛn, yɛ e waan wuun ɔ su guɛ i nyin ase .

Daniɛl 9:24

Be mannin ɔ nvle'n nunfuɛ'm be nin klɔ b'ɔ ti Nyanmiɛn liɛ'n i sufuɛ'm be afuɛ ableso sɔ nso kɛ be `fa yaci nyin kekle'n nin sa tɛ'n yolɛ. Blɛ sɔ'n ti cinnjin kɛ ɔ ´yo nan b'a yaci bé sa tɛ mun b'a cɛ be, nan b'a yo sa mun i nuan su, nan sa nga be wun be aolia nun'n be nuan ɔ'a yia, nan Nyanmiɛn i nuan ndɛ bɔ be kannin'n ɔ'a kpɛn su, nan b'a fa Nyanmiɛn i lika kpa tra su'n b'a wlɛ i sa nun'n ti.

Daniɛl 9:26

Sɛ blɛ ablesiɛn-nin-nnyɔn sɔ'n wie'n, be wa kun sran bɔ be guɛli i ti su ngo'n, sran fi su kpli-mɛn i ti. I sin, kpɛnngbɛn kun wa ba, ɔ nin i sonja'm be wa saci klɔ'n nin Nyanmiɛn i lika'n. Ɔ nin i sɔ'n ngba, kpɛnngbɛn sɔ'n, awieliɛ'n ɔ wa wie i Nyanmiɛn i ya'n i bo. Sanngɛ lele b'ɔ ´fa ju i wie cɛn'n, ɔ wa kun alɛ, ɔ ´saci like kpa liɛ su, kɛ be sieli i sɔ-ɔ .

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Matthieu 20:28

M bɔ n kacili Sran'n kɛ m balɛ'n ɔ ti sɔ-ɔ, afin m'an ba-man kɛ be su min, sanngɛ m bali kɛ n ´su sran, nan n ´fa min wun kpɔ sran sunman bé ti.»

Rɔmfuɛ Mun 3:25

Kɛ ɔ ´yo nan y'a si kɛ ɔ ti kpa'n ti'n, ɔ fa Jésus mannin kɛ ɔ ´fa yi e ti tɛ nan kɛ be ko kun i'n, be bɔ be lafi i su'n, sa tɛ nga be yoli'n, ɔ `yaci cɛ be Jésus mmoja'n ti. Afin laa sa nga be yoli i'n, ɔ blu su.

Rɔmfuɛ Mun 5:18

I sɔ'n ti'n, kɛ Nyanmiɛn fa sran kunngba i sa ng'ɔ yoli'n i lɔnglɛ cili sran'm be kwlaa'n, i kunngba'n, sran kunngba kusu i sa kpa ng'ɔ yoli'n ɔ man Nyanmiɛn bu sran'm be kwlaa be sran kpa, ɔ man be ´nyan nguan.

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

1 Korɛntfuɛ Mun 15:17

Yɛ sɛ ɔ'a cɛn-man Krist'n, wuun amu'an lafi su ngbɛn yɛ amún sa tɛ'n tɛ jin amún ti su,

2 Korɛntfuɛ Mun 5:15

Ɔ wuli be ngba bé ti, i sɔ'n ti'n, olɛ nga be o lɛ'n, nán be bɔbɔ be olɛ yɛ be wo-ɔ, sanngɛ sran ng'ɔ wuli b'ɔ cɛnnin bé ti'n, i dunman nun yɛ be wo-ɔ.

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

Galasifuɛ Mun 1:4

Kɛ ɔ ko yo nan Krist ɔ'a de é mɛn tɛ kain nga nun'n ti, ɔ fɛ i bɔbɔ wun mannin é sa tɛ'n ti. I sɔ'n ti e Si Nyanmiɛn klun su.

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»

Efɛzfuɛ Mun 5:2

Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Hébreu 8:3

Nyanmiɛn nyrun jranfuɛ'm be su kpɛn kwlaa nga be sie be'n, be sie be kɛ be `fa like nga sran'm be waan be ´fa man Nyanmiɛn'n nin nnɛn nga be ´fa sɔ i'n, be fa mɛn i. Ɔ man e liɛ'n kusu, ɔ fata kɛ ɔ nyan like wie fa mɛn i.

Hébreu 9:28

I kunngba'n, kɛ ɔ ´yo nan Krist a fa sran kpanngban bé wun sa'n, i kusu fɛ i wun sɔli Nyanmiɛn kpɛ kunngba. Balɛ nga ɔ wa ba ekun'n, nán sa tɛ'n ti-ɔ, sanngɛ ɔ ´ba be nga bé nyin tɛ i sin'n be delɛ .

1 Piɛr 1:21

Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.

1 Piɛr 2:24

Krist bɔbɔ jrannin é sa tɛ'n i nuan be boboli i waka'n su nan e nin sa tɛ'n e `bu, yɛ e `yo sa ng'ɔ ti kpa'n. I wunnɛn susuwa'n ti yɛ man y'a yo juejue-ɔ.

1 Piɛr 3:18

Amún ti tɛ yɛ Krist fɛ i wun yili-ɔ. Ɔ yoli i kpɛ kunngba. Ɔ su yo-mɛn i kun. I b'ɔ ti sran kpa'n, sa tɛ yofuɛ'm be ti ɔ wuli nan ɔ ´fa amun man Nyanmiɛn. Be kunnin i, sanngɛ Nyanmiɛn Wawɛ'n cɛnnin i.

1 Jean 2:2

Afin i bɔbɔ fɛ i wun yili é ti tɛ nan Nyanmiɛn yaci sa nga e yoli i'n cɛ ye. Nán e ngunmin é ti tɛ yɛ ɔ yili-ɔ, sran'm be kwlaa be liɛ-ɔ.

Sa nglô yile 5:9

Be to jue uflɛ uflɛ kun, be se kɛ: «Wɔ yɛ a ti fluwa'n i fafuɛ-ɔ, bɔ a kwla kpɛkpɛ like nga be fa cicili i nun-ɔn. Afin be kunnin wɔ, sran'm bɔ be fin nvle-nvle'n kwlaa nun'n, nin be bɔ be aniɛn'n ti wafa-wafa'n kwlaa'n, ɔ nin be nga be fin mɛnmɛn'n kwlaa nun, a fa ɔ́ wun toli be mannin Nyanmiɛn .

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .