Rɔmfuɛ Mun 4:17 - NYANMIƐN NDƐ'N 1998

¹⁷ Afin be klɛli i kɛ: « M man a ´yo nvle kpanngban kpa bé si.» Nyanmiɛn b'ɔ lafi i su'n b'ɔ cɛn sran nga ɔ'a wu'n, b'ɔ bo like nga be nun-man lɛ'n be dunman kɛ like bɔ be o lɛ sa'n, i nyrun'n, ɔ ti é si .

Nyanmien nde Ufle

¹⁷ Afin bé klee ke: «M man ah yôh nvlé kpanngban kpa bé si.» Nyanmien b'o lafi i su'n b'o tyen swran nga wa wu'n, b'o bô liké nga bé nu'an le'n bé dunman ke liké bo bé ô le sa'n, i nyrun'n, o ti é si.

Rɔmfuɛ Mun 4:17 ပူးပေါင်းရင်းမြစ်များ

Bo Bolɛ 17:16

M ´mɛn i muae, n ´yo man ɔ wa wu ba yasua kun man wɔ. Yɛ ɔ ´kaci nvle-nvle'm be nannan. Yɛ i anunman wie'm be ´yo nvle sunman be famiɛn.»

Bo Bolɛ 17:20

Ismaɛl liɛ nga a usali'n, n tili. M ´mɛn i muae, m ´mɛn i ba kpanngban, i osu'n ´trɛ lele tratra su, ɔ ´wu wlengbi blu-nin-nnyɔn . I osu'n ´kaci nvle dan kpa.

Bo Bolɛ 28:3

Man Nyanmiɛn b'ɔ kwla like kwlaa yo'n ɔ jran ɔ sin, man ɔ man ɔ ba kpanngban, man ɔ osu'n trɛ dan kpa.

Ezai 43:6

Sɛ mɛn'n i nglo lo lika'n ti sran'n, wuun n ´se i kɛ: ‹Yaci be nun!› Yɛ n ´se ngua lɔ lika liɛ'n kɛ: ‹Nán tra be nun! Amun `fa min wa yasua mun mmua lɔ bla, amun `fa min mma bla mun asiɛ'n i awieliɛ lɔ bla.

Ezai 44:7

?Wan yɛ ɔ nin min sɛ-ɔ? Man ɔ kan nan ɔ tutu nun wein wein kle min. Man ɔ kan sa nga b'a ju kɛ n fali nvle nga nunfuɛ mun n sieli i lɛ i bo bolɛ lɛ nun lele b'ɔ fa ju yɛ'n. Yɛ kusu man ɔ yi sa nga be wa ju'n be nglo.

Ezai 48:13

M bɔbɔ yɛ n fali mín sa n wlali asiɛ'n i bo ase-ɔ, sɛ nyanmiɛn ng'ɔ la nglo lɔ plaii yɛ'n o ti bɛ'n, wuun n ´se kɛ m bɔbɔ yɛ n fali min sa n tinngɛli nun-ɔn. Sɛ asiɛ'n nin nyanmiɛn'n be ti sran'n, wuun n ´se kɛ, kɛ m bo be dunman cɛ'n, kpɛkuun be ba likawlɛ.

Ezai 49:12

Be yɛ be ´ba yɛ, be fin mmua, wie'm be fin mɛn'n i nglo lɔ, wie'm be fin wia atɔliɛ, wie'm be fin mɛn'n i ngua lɔ Ezipt lɔ.

Ezai 51:2

Amun `nian Abraam b'ɔ ti amún si'n nin Sara b'ɔ wuli amun'n. Afin kɛ n ´flɛ Abraam'n, wuun ɔ lɛ-man ba. N yoli i ye, yɛ n yoli man i osu'n ɔ trɛli.

Ezai 55:12

Nanwlɛ, kɛ amun ´fin Babilɔni lɔ fite'n, amun klun ´jɔ, be ´fa amun ba amún mɛn'n nun wɛtɛɛ su. Sɛ oka mun nin kpɔlɛ mun be ti sran'n, wuun n ´se kɛ be ´bo sro, yɛ sɛ blɔ lɔ waka'm be ti sran'n, wuun n ´se kɛ be ´bo ndɛ.

Matthieu 3:9

Nán an bu amun anwlɛn'n nun se kɛ: ‹E nannan yɛlɛ Abraam,› afin n ´kan kle amun kɛ Nyanmiɛn kwla fa yɛbuɛ nga mun kaci Abraam mma mun .

Jean 5:21

Kɛ i Si'n cɛn sran mun b'ɔ man be nyan nguan'n, Ba'n kusu man sran ng'ɔ klo kɛ ɔ ´nyan nguan'n, ɔ nyɛn i.

Jean 5:25

Nanwlɛ, cɛn wie lele'n, cɛn sɔ'n ɔ'a ju bɔbɔ, be nga be wuli'n be ´ti Nyanmiɛn i Wa'n i nɛn. Be nga be ko ti'n, be ´nyan nguan.

Jean 6:63

Nyanmiɛn Wawɛ'n yɛ ɔ man nguan nin-ɔn, be wunnɛn'n kwla yo-man like fi. Ndɛ nga n kan kleli amun'n be ti Nyanmiɛn Wawɛ'n liɛ, be man nguan.

Rɔmfuɛ Mun 3:29

?Nyanmiɛn'n ti Zuif'm be ngunmin be liɛ? ?Ɔ ti-man be nga be ti-man Zuif'm be liɛ wie? Ɔ ti be liɛ wie,

Rɔmfuɛ Mun 4:18

Abraam lɛ-man like fi b'ɔ kwla fɛ i wla'n gua su-ɔ, kannzɛ ɔ ti sɔ'n, ɔ fɛ i wla'n guali Nyanmiɛn su, ɔ lafi ndɛ nga Nyanmiɛn kannin'n su, ɔ seli kɛ: «Kɛ ɔ osu nunfuɛ'm be wa sɔn kpanngban sɔ-ɔ.» Ɔ man ɔ yoli nvle kpanngban kpa bé si.

Rɔmfuɛ Mun 4:2

Afin sɛ Nyanmiɛn buli Abraam sran kpa i sa kpa b'ɔ yoli'n ti'n, wuun ɔ lɛ like b'ɔ fa di i nuan-an. Sanngɛ ɔ kwla di-mɛn i nuan Nyanmiɛn nyrun,

Rɔmfuɛ Mun 8:11

Nyanmiɛn b'ɔ cɛnnin Jésus'n i Wawɛ'n tran amun nun kɛ i awlo sa, i b'ɔ cɛnnin Krist-Jésus sɔ'n, ɔ man amun kusu bɔ amun wu'n, amun ´yo juejue i Wawɛ b'ɔ tran amun nun sɔ'n ti .

Rɔmfuɛ Mun 9:11

Kɛ be nian wu-man ba sɔ mun bɔ be nian si-man like nga be flɛ i kpa nin tɛ'n, Nyanmiɛn seli Rebeka kɛ: « Ba kpɛnngbɛnfuɛ'n ɔ ´su i sinma'n.» Ɔ yoli i sɔ nan be si kɛ ɔ fa sran nga i bɔbɔ klo'n, ɔ nian-man like nga sran'm be yo'n su yɛ ɔ fa fa be-ɔ, sanngɛ be nga ɔ flɛli be'n be yɛ ɔ fa be-ɔ .

Rɔmfuɛ Mun 9:26

Lika nga n seli lɔfuɛ'm be kɛ: «Nán min sran yɛlɛ amun kun'n, be ´flɛ lɔfuɛ mun Nyanmiɛn b'ɔ lafi-man i mma mun .»

1 Korɛntfuɛ Mun 1:28

Like nga sran'm be bu-man be like kpa'n, nin like nga be yo be finfin'n, nin nga be bu-man be kɛ be o lɛ'n, Nyanmiɛn fa be man like nga be o lɛ'n be nyan-man nyrun kun.

1 Korɛntfuɛ Mun 15:45

I sɔ'n ti be klɛli i kɛ: «Adam b'ɔ ti sran klikli'n, ɔ nyannin nguan yɛ ɔ yoli sran.» Adam kasiɛnfuɛ'n yoli aolia nun sran b'ɔ man nguan.

1 Timote 6:13

Nyanmiɛn b'ɔ man like kwlaa nguan'n, nin Krist-Jésus b'ɔ kan ndɛ nanwlɛ yakpa su kleli Pɔns Pilat'n, be ti ndɛ nga n wa kan kle wɔ yɛ'n i nun lalofuɛ :

Hébreu 11:12

I sɔ'n ti yɛ yasua kunngba sɔ'n bɔ ɔ'a yo kpɛnngbɛn b'ɔ ti kɛ ɔ'a wu sa'n, ɔ wuli ba bɔ i osu'n trɛli kɛ nzraama nin jenvie nuan aunnyan bɔ be kwla ka-man'n sa nin-ɔn .

Hébreu 11:3

Nyanmiɛn su bɔ e lafi ti yɛ e si kɛ i nuan nun ndɛ'n yɛ ɔ fa yili mɛn nin-ɔn, ɔ man ɔ fa like nga be wun-mɛn i'n yɛ ɔ fa yili like nga e wun be yɛ nin-ɔn.

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

1 Piɛr 2:10

Laa an ti-man Nyanmiɛn sran mun, sanngɛ siɛn'n, amu'an kaci i sran mun. Laa Nyanmiɛn a si-man amun aunnvuɛ, sanngɛ siɛn'n, ɔ'a si amun aunnvuɛ .

2 Piɛr 3:8

N sran kpa mun, sa kun o lɛ bɔ nán amún wla fi: yɛlɛ kɛ e Min'n liɛ'n, cɛn ba kun'n ti i nyrun afuɛ akpi, yɛ afuɛ akpi'n ti i nyrun cɛn ba kun .