Rɔmfuɛ Mun 4:13 - NYANMIƐN NDƐ'N 1998

¹³ Nyanmiɛn seli Abraam kɛ mɛn'n ɔ ´yo i nin osu nunfuɛ'm be liɛ. Nán mmla'n b'ɔ fa su'n ti yɛ ɔ seli i sɔ-ɔ, sanngɛ i bɔbɔ Nyanmiɛn i su b'ɔ lafi b'ɔ i kusu bu i sran kpa'n ti yɛ ɔ seli i sɔ-ɔ .

Nyanmien nde Ufle

¹³ Nyanmien séé Abraham ke men'n oh yôh i nin i anunman'm bé lie. Nanh mmla'n b'o fa su'n ti ye o séé i soo, sannge i su b'o lafi b'o bui swran kpa'n ti ye o séé i soo.

Rɔmfuɛ Mun 4:13 ပူးပေါင်းရင်းမြစ်များ

Bo Bolɛ 12:3

Sran ng'ɔ bu ɔ wun akunndan kpa'n, n ´yo i ye. Sran nga kusu b'ɔ bo wɔ sannzan'n, m ´bo i sannzan wie. Ɔ dunman nun yɛ n ´yo nvle-nvle'm be kwlaa be ye-ɔ .»

Bo Bolɛ 17:16

M ´mɛn i muae, n ´yo man ɔ wa wu ba yasua kun man wɔ. Yɛ ɔ ´kaci nvle-nvle'm be nannan. Yɛ i anunman wie'm be ´yo nvle sunman be famiɛn.»

Bo Bolɛ 28:14

Ɔ osu'n nunfuɛ'm be wa sɔn kpanngban kɛ asiɛ'n su ndutre'n sa. Be wa trɛ kɔ wia atɔliɛ bue liɛ'n su lɔ nin wia afiliɛ bue liɛ'n su lɔ, be ´trɛ kɔ mɛn ng'ɔ o yɛ'n i nglo lɔ nin i ngua lɔ. Wɔ nin ɔ osu'n amun ti yɛ n ´yo mɛn i wunmuan i nun nvle-nvle'n kwlaa be ye-ɔ.

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

Jue Mun 2:8

Sɛ ɔ waan n fa mɛnmɛn mun m `man wɔ'n, sɛ ɔ waan n fa asiɛ'n i lika'n kwlaa n `fa man wɔ'n, kan nan n fa man wɔ, be ´yo ɔ liɛ.

Jue Mun 72:11

Famiɛn'm be kwlaa be ´koto i bo, mɛnmɛn nunfuɛ'm be kwlakwla be ´su i.

Sa nga bé yôli'n 13:32

E liɛ'n, e su bo jasin fɛ'n kle amun, jasin sɔ'n yɛlɛ sa nga Nyanmiɛn waan ɔ ´yo man e nannan mun'n, bɔ kɛ ɔ cɛnnin Jésus'n, ɔ yo mannin e bɔ e ti be anunman'n. Afin be klɛli i Nyanmiɛn Jue fluwa i ndɛ tre nnyɔn nun kɛ: ‹A ti n Wa, Ndɛkɛn yɛ n wuli wɔ-ɔ .›

Rɔmfuɛ Mun 4:12

Yɛ be nga be wlali klɛn bɔ be lafi-man be klɛn wlalɛ'n ngunmin su'n, bɔ sanngɛ be nanti ajalɛ kunngba nga Abraam nantili su'n kɛ ɔ nian wla-man klɛn'n ɔ lafi Nyanmiɛn su'n i su wie'n, ɔ ti bé si wie kusu.

Rɔmfuɛ Mun 9:8

Ɔ man, nán be nga be ti Abraam osufuɛ be awuliɛ nun'n be yɛ be ti Nyanmiɛn wa kpa-a, sanngɛ be nga Nyanmiɛn dun mmua seli kɛ be ´wu be'n, be yɛ be bu kɛ be ti i wa kpa-a.

Galasifuɛ Mun 3:29

Sɛ an ti Krist liɛ'n, wuun an ti Abraam anunman, ɔ man like nga Nyanmiɛn waan ɔ ´fa mɛn i sran mun'n, amun ´nyan wie.

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

Hébreu 7:6

Sanngɛ Mɛlkizedɛk b'ɔ fin-man Levi osu nun'n, ɔ fali Abraam i ninnge'm be blusu'n, yɛ Abraam bɔ Nyanmiɛn seli i kɛ ɔ ´yo like kpa mɛn i'n, Mɛlkizedɛk sɔ'n yrɛli i nguan!