Rɔmfuɛ Mun 4:11 - NYANMIƐN NDƐ'N 1998

¹¹ Nyanmiɛn dun mmua buli i sran kpa i su b'ɔ lafi'n ti, i sin yɛ be wlɛli i klɛn-ɔn. Ɔ fa klɛn wlalɛ sɔ'n sieli Abraam nzɔliɛ b'ɔ ti like nga ɔ'a dun mmua yo i'n i lalofuɛ. Be kwlaa nga kannzɛ b'a wla-man be klɛn'n, ɔ bu be kusu be sran kpa wie'n, i su bɔ be lafi'n ti'n, ɔ yoli sɔ nan Abraam yo bé si.

Nyanmien nde Ufle

¹¹ Nyanmien dun mmua bui swran kpa i su b'o lafi'n ti, i sin ye bé wlee i kleon. O fa klen wlale so'n siéé Abraham nzolie b'o ti liké nga wa dun mmua yôé'n i lalôfue, nan Abraham yô bé kwlaa nga, kannze ba wla'a bé klen'n, bé Nyanmien su bo bé lafi'n ti, o bu bé swran kpa kusu wié'n, bé si.

Rɔmfuɛ Mun 4:11 ပူးပေါင်းရင်းမြစ်များ

Bo Bolɛ 17:24

Kɛ be ´wla Abraam klɛn'n, wuun ɔ'a di afuɛ ablangwlan-nin-ngwlan.

Jue Mun 47:9

Nyanmiɛn sie mɛn'n nunfuɛ'm be kwlaa, ɔ ti i famiɛn bia'n su.

Ezipt Lɔ Tulɛ'n 12:13

Mmoja b'ɔ o sua nga an tran be nun'n be anuan'm be su'n ti nzɔliɛ. Kɛ n ´wun mmoja'n, n ´tu tra amun, kpɛkuun kɛ n ´fa nyrɛnnɛn n yi i Eziptfuɛ'm bé su'n, ɔ su ju-man amún su wie .

Ezipt Lɔ Tulɛ'n 31:13

«Kan kle Izraɛlfuɛ'm be kɛ yoo: Amun `bu wunmiɛn-delɛ-cɛn i akunndan nan amun `nian su. Afin blɛ kwlaa nun'n, wunmiɛn-delɛ-cɛn sɔ'n yɛ ɔ wa yo aenguɛ nga e nin amun nin amun osu'n nunfuɛ mun e trali'n i nzɔliɛ-ɔ. I sɔ nun'n sran'm be ´si kɛ min Anannganman yɛ n fali amun kɛ amun `yo min nvle-ɔ.

Ezipt Lɔ Tulɛ'n 31:17

Ɔ ti nzɔliɛ kun b'ɔ o e nin Izraɛlfuɛ mun ye afiɛn b'ɔ ´tran lɛ tititi. Afin min Anannganman, n fali cɛn ba nsiɛn yɛ n fa yili nglo'n nin asiɛ nin-ɔn, sanngɛ i cɛn ba nso'n su n jrannin min junman'n, yɛ n deli wunmiɛn.»

Ezekiɛl 20:12

N kpɛli wunmiɛn-delɛ-cɛn nan n ´fa yi aenguɛ nga e nin be e trali'n i nglo, kɛ ɔ ´yo nan b'a si kɛ n ti Anannganman nan n fali Izraɛl n sieli i ngunmin kɛ ɔ `su min.

Ezekiɛl 20:20

Amun `sie min wunmiɛn-delɛ-cɛn i ngunmin, ɔ ti nzɔliɛ kun b'ɔ o min nin amun ye afiɛn kɛ ɔ ´yo nan b'a si jrɛiin kɛ n ti Anannganman amun Nyanmiɛn'n ti.

Matthieu 16:16

Simɔn Piɛr tɛli su kɛ: «A ti Krist, Nyanmiɛn'n b'ɔ lafi-man i Wa'n yɛlɛ wɔ.»

Matthieu 8:11

N ´kan kle amun kɛ, sran sunman be wa fin wia afiliɛ nin wia atɔliɛ be ´ba, be nin Abraam, nin Izaak, nin Zakɔb be ´tran tabli sin Nyanmiɛn mɛn'n nun.

JÉSUS-CHRIST I DYASIN FE'N BO LUC KLELI'N 19:9

Yɛ Jésus seli i kɛ: «Ndɛkɛn'n, awlo nga nunfuɛ'm b'a nyan bé ti yɛlɛ kɛ bian nga kusu ti Abraam i anunman,

Jean 3:33

Sran ng'ɔ fɛ i ndɛ'n su'n, ɔ si weiin kɛ Nyanmiɛn ti nanwlɛfuɛ,

Jean 3:36

Sran ng'ɔ lafi i Wa'n su'n, ɔ lɛ Anannganman nguan, sanngɛ sran nga i nyin yi-mɛn'n, ɔ nyan-man nguan le, sanngɛ i wun ya o Nyanmiɛn klun .

Jean 6:35

Jésus seli be kɛ: «M bɔbɔ n ti kpaun b'ɔ man nguan. Sran ng'ɔ ba ń sin'n, awe su kun-mɛn i le, yɛ sran ng'ɔ lafi n su'n, nzue we su kun-mɛn i kun.

Jean 6:40

An `nian, like nga n Si waan sran'm be nyɛn i'n yɛ: i waan sran kwlaa ng'ɔ wun i Wa'n b'ɔ lafi i su'n, ɔ ´nyan Anannganman nguan. Yɛ n ´cɛn i mɛn'n i awieliɛ.»

Jean 6:47

Nanwlɛ, sran ng'ɔ lafi n su'n, ɔ lɛ Anannganman nguan.

Jean 8:33

Be seli i kɛ: «E ti Abraam anunman, e nian yo-man sran fi kanga le. ?Ɔ yo sɛ yɛ man a se kɛ, e ´nyan é ti nin-ɔn?»

Rɔmfuɛ Mun 10:11

Afin e kɛnngɛn i Nyanmiɛn Ndɛ nga be klɛli'n nun kɛ: «Sran kwlaa ng'ɔ lafi i su'n, i nyin su gua-man ase .»

Rɔmfuɛ Mun 10:4

Afin be kwlaa nga be lafi Krist su'n, ɔ'a nunnun mmla i su falɛ wafa nga be bu i kɛ sɛ be yo sɔ'n yɛ be ´yo sran kpa'n.

Rɔmfuɛ Mun 10:6

Sanngɛ sɛ sran kpa yolɛ b'ɔ fin Nyanmiɛn i su bɔ be lafi'n ti sran'n, wuun ɔ ´se kɛ: «Nán bu ɔ klun lɔ se kɛ: ‹?Wan yɛ ɔ ´kɔ nyanmiɛn su lɔ-ɔ?› i bo kle kɛ be ko fa Krist ba,

Rɔmfuɛ Mun 3:22

Nyanmiɛn bu be kwlaa nga be lafi Jésus-Krist su'n be sran kpa, afin i nyrun'n, sran fi kpa tra-man wie.

Rɔmfuɛ Mun 3:26

Sanngɛ olɛ nga e o yɛ'n, ɔ kle ye wafa ng'ɔ fa bu sran sran kpa'n, afin ɔ kle i wun kɛ ɔ ti kpa yɛ ɔ bu be nga be lafi Jésus su'n be sran kpa.

Rɔmfuɛ Mun 3:30

afin be nga be lafi i su'n sɛ be wlali be klɛn o, sɛ b'a wla-man be klɛn o, Nyanmiɛn kunngba'n yɛ ɔ bu be sran kpa-a .

Rɔmfuɛ Mun 4:10

?Kɛ ɔ ´bu i sɔ'n, wuun ɔ ti sɛ? ?B'a wlɛ i klɛn annzɛ be nian wlɛ-mɛn i klɛn? Wuun be nian wlɛ-mɛn i klɛn.

Rɔmfuɛ Mun 9:30

?Ɔ man e ´se sɛ? Be bɔ be ti-man Zuif bɔ b'a kunndɛ-man kɛ Nyanmiɛn bu be sran kpa'n, Nyanmiɛn buli be sran kpa i su bɔ be lafili'n ti.

Rɔmfuɛ Mun 9:33

bɔ be klɛli i wun ndɛ kɛ: «An `nian, n ´fa yɛbuɛ kun sie Siɔn lɔ, ɔ ´kpla sran'm bé ja. Yɛbuɛ sɔ'n ti dan, sran'm be ´fin ase su. Sanngɛ sran ng'ɔ lafi i su'n, i nyin su gua-man ase .»

Rɔmfuɛ Mun 9:6

Nanwlɛ, nán kɛ ndɛ nga Nyanmiɛn kannin'n ɔ'a kwlɛ-mɛn i yo ti-ɔ. Afin be kwlaa nga be fin Izraɛl osu nun'n, nán be ngba yɛ be ti Izraɛlfuɛ kpa-a.

2 Korɛntfuɛ Mun 1:22

ɔ sieli e nzɔliɛ ɔ man i Wawɛ'n tran e anwlɛn'n nun, ɔ man e si kɛ ɔ'a tra e ase.

Galasifuɛ Mun 3:22

Sanngɛ e kɛnngɛn i Nyanmiɛn Ndɛ nga be klɛli'n nun kɛ sa tɛ'n ti mɛnmɛnfuɛ'm be kwlaa be nzuɛn. Ɔ yoli sɔ nan like nga Nyanmiɛn waan ɔ ´yo man sran'n, be nga be fa ndɛ sɔ'n su'n be nyɛn i Jésus-Krist bɔ be lafi i su'n ti.

Galasifuɛ Mun 3:29

Sɛ an ti Krist liɛ'n, wuun an ti Abraam anunman, ɔ man like nga Nyanmiɛn waan ɔ ´fa mɛn i sran mun'n, amun ´nyan wie.

Galasifuɛ Mun 3:7

I sɔ'n ti'n, be nga be lafi Nyanmiɛn su'n, be ti Abraam wa .

Galasifuɛ Mun 5:5

E liɛ'n, é wla o Nyanmiɛn su kpa kɛ ɔ ´bu ye sran kpa i su bɔ i Wawɛ'n man e lafi'n ti, e minndɛ kɛ ɔ ´yo e sɔ.

Galasifuɛ Mun 6:16

Be kwlaa nga be fa ndɛ sɔ'n su'n, nin Izraɛlfuɛ nga be ti i liɛ sakpa'n, man Nyanmiɛn wun be aunnvuɛ nan bé wun jɔ be fɔuun !

Efɛzfuɛ Mun 1:13

Amun kusu, kɛ an tili jasin fɛ'n b'ɔ ti nanwlɛ'n, b'ɔ man amun kwla nyan amún ti'n, an lafili Krist su. Kɛ amun nin i amu'an kaci sran wunmuan'n ti, Nyanmiɛn fɛli i Wawɛ'n b'ɔ kɛn i ndɛ'n mannin amun b'ɔ kle kɛ an ti i liɛ mlɔnmlɔn.

Efɛzfuɛ Mun 4:30

Nán an bo Nyanmiɛn Wawɛ'n i wla, afin i yɛ Nyanmiɛn fa mannin amun b'ɔ kle kɛ an ti i liɛ lele ´fa ju cɛn nga e ´nyan é ti mlɔnmlɔn nin-ɔn.

Mmla'n 30:6

Anannganman amun Nyanmiɛn'n i bɔbɔ, ɔ ´yo man amun nin amun osu nunfuɛ mun amun anwlɛn'n ɔ ´yo kpa. Ɔ man amun wa klo i kpa, amun wa fa amun wla'n kwlaa guɛ i su, yɛ amun akunndan'n kwlaa wa trɛn i su, kpɛkuun amun ´tran nguan nun.

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

Sa nglô yile 9:4

Be seli be kɛ nán man be saci ijre, nin nnya mɔnnɛn, nin waka fi, sanngɛ sran nga be lɛ-man Nyanmiɛn i nzɔliɛ'n be ngban su'n, be seli be kɛ be kle be yalɛ .