Rɔmfuɛ Mun 3:5 - NYANMIƐN NDƐ'N 1998

⁵ ?Sɛ sa tɛ nga e yo'n man be wun kɛ Nyanmiɛn ti kpa'n, e ´se sɛ? ?Yɛ sɛ i ya'n jao'n, e ´se kɛ ɔ ti-man kpa? Klɔ sran akunndan yɛ n fa kɛn i sɔ-ɔ.

Nyanmien nde Ufle

⁵ ?Se sa te nga é yô'n man bé wun ke Nyanmien ti kpa'n, é sé se? ?Ye se i ya'n dyaô'n, éh séh ke o ti'a kpa? — Kpo swran akunndan ye n fa ken i soo. —

Rɔmfuɛ Mun 3:5 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

Zɔb I Nyrɛnnɛn Wunlɛ 8:3

?A bu i kɛ wuun Nyanmiɛn ɔ'a kpɛ ndɛ bulɛ'n i wun? ?Nyanmiɛn b'ɔ kwla like kwlaa yo'n ɔ kpɛ nanwlɛ dilɛ'n i wun-ɔn ɔ yo ye?

Naɔm 1:2

Anannganman'n ti Nyanmiɛn kun b'ɔ si kwla. Be yo i sa-a ɔ yaci cɛ-man, ɔ yo be wie, i ya'n ti-man blɛblɛ. I kpɔfuɛ'm be yo i sa-a ɔ yo be wie. Ɔ yaci cɛ-man be .

Rɔmfuɛ Mun 12:19

N sran kpa mun, nán amun se kɛ amun bɔbɔ amun ´tu amun klunngbɔ'n, sanngɛ an `yaci man Nyanmiɛn, afin be klɛli i kɛ: «E Min'n se kɛ: ‹Min yɛ n tu klunngbɔ nin-ɔn, min yɛ n ´tua be kalɛ-ɔ .› »

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Rɔmfuɛ Mun 3:19

E si kɛ ndɛ ng'ɔ o mmla nun'n i kwlaa ɔ ti be nga be di su'm be liɛ, ɔ man sran fi su kwla uke-mɛn i nuan, sanngɛ be ´fa sran'm be kwlaa kɔ Nyanmiɛn ja su.

Rɔmfuɛ Mun 3:7

?Sanngɛ sɛ min ato'n man be wun i weiin kpa kɛ Nyanmiɛn di nanwlɛ b'ɔ i nun ɔ nyan dunman'n, ɔ yo sɛ ti yɛ be tɛ bu min sa tɛ yofuɛ-ɔ?

Rɔmfuɛ Mun 4:1

?Sɛ ɔ ti sɔ'n, e ´kan e nannan Abraam i liɛ'n sɛ? ?Nzu yɛ ɔ nyɛnnin i-ɔ?

Rɔmfuɛ Mun 5:8

Sanngɛ Nyanmiɛn kle ye kɛ ɔ klo e, afin kɛ e ti sa tɛ yofuɛ'n, e ti ɔ man Krist wuli.

Rɔmfuɛ Mun 6:1

?Ɔ man e ´se sɛ? ?E ka sa tɛtɛ yolɛ'n su nan Nyanmiɛn i aklunye'n i nyin fite dan?

Rɔmfuɛ Mun 6:19

Klɔ sran bɔ amun ti bɔ amun anwlɛn sɔ-man'n ti yɛ n fa sran akunndan n kɛn i sɔ-ɔ. Laa'n, an fa amun wun mannin sa tɛtɛ yolɛ'n nin mmla tɔnlɛ'n nan amun ´yo sa sukusuku mun, ɔ man siɛn'n, an `fa amun wun man sa kpa yolɛ'n nan an `fa Nyanmiɛn i nzuɛn'n.

Rɔmfuɛ Mun 7:7

?Ɔ man e ´se sɛ? ?E ´se kɛ mmla'n ti sa tɛ? Ɔ ti-man sɔ mlɔnmlɔn! Afin sɛ ɔ ti-man mmla'n ti'n, wuun n si-man kɛ sa tɛ'n ti tɛ, yɛlɛ kɛ sɛ ɔ ti-man kɛ be klɛli i mmla'n nun kɛ: «Nán ɔ́ nyin blo ɔ wiengu like su'n,» wuun n si-man like nga be flɛ i kɛ bé nyin blo like su'n .

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

Rɔmfuɛ Mun 9:30

?Ɔ man e ´se sɛ? Be bɔ be ti-man Zuif bɔ b'a kunndɛ-man kɛ Nyanmiɛn bu be sran kpa'n, Nyanmiɛn buli be sran kpa i su bɔ be lafili'n ti.

1 Korɛntfuɛ Mun 15:32

?Sɛ sran'm bé nuan ti yɛ min nin nnɛn tɛtɛ mun e tuli ngondin Efɛz lɔ'n, nguɛ yɛ n ´nyɛn nun-ɔn? ?Sɛ sran'm be wu-ɔ be cɛn-man'n, «Man e di like e nɔn nzan, ainman e ´wu, wuun e liɛ a wie .»

1 Korɛntfuɛ Mun 9:8

?Sran'm be nzuɛn'n su yɛ n nian n kɛn i sɔ-ɔ? ?Ɔ nun-man mmla'n nun sɔ wie?

2 Korɛntfuɛ Mun 6:4

Sanngɛ sa kwlaa nun e fa é wun kle kɛ e ti Nyanmiɛn junman difuɛ. Sɛ afɛ wo e su o, sɛ é sa mian o, sɛ e wun nyrɛnnɛn o, sa sɔ'n kwlaa nun, e tra ye anwlɛn.

2 Korɛntfuɛ Mun 7:11

An `nian amun ngokoɛ'n b'ɔ yo Nyanmiɛn fɛ'n, kɛ i agualiɛ ti kpa-a. Ɔ man an nian amun wun su kpa, an kpli amún ti, an fa ya sa tɛ'n ti, amun nyin yi Nyanmiɛn, an de min awuliɛ kpa, an jran min sin, yɛ an tu sran ng'ɔ yo sa'n i fɔ kpa! Sa sɔ'n kwlaa nun, e wun kɛ amún wun sa'n ɔ'a wie .

Galasifuɛ Mun 2:18

Afin sa nga n wlɛli i ase'n, sɛ n sa n sin n yo i ekun'n, wuun kpa yɛ n ti-man-an mmla'n bɔ n sa min sin n di su ekun'n ti.

Galasifuɛ Mun 3:15

Aniaan mun, m ma kan sa kun bɔ sran'm be yo i titi'n kle amun. Sɛ sran nnyɔn bé nuan sɛ sa kun su'n, sran uflɛ kwla kaci-mɛn i, yɛ ɔ kwla uka-man su.

Sa nglô yile 15:3

Be to Moiz b'ɔ ti Nyanmiɛn i sran'n nin Bua Gbanflɛn'n be jue'n, be se kɛ: «Anannganman Nyanmiɛn wɔ bɔ a kwla like kwlaa yo'n, sa dandan nga a yo be'n, be ti abonuan! Nvle-nvle'm be Famiɛn, a ti nanwlɛfuɛ yɛ a yo sa i nuan su !

Sa nglô yile 18:20

Nyanmiɛn su lɔfuɛ mun, an `si able i sacilɛ bɔ ɔ'a saci'n ti! Nyanmiɛn sran mun, nin amun b'ɔ sunmannin amun'n, ɔ nin amun bɔ amun ti i nuan ijɔfuɛ mun, an `si able! Afin Nyanmiɛn a fa sa ng'ɔ yoli amun'n i nuan akatua a mɛn i .› »