Rɔmfuɛ Mun 3:31 - NYANMIƐN NDƐ'N 1998

³¹ ?Nyanmiɛn su bɔ be lafi sɔ'n ti, ɔ man e bu-man mmla'n i like fi kun? E bu-mɛn i sɔ mlɔnmlɔn! Siɛn'n e bu i like dan tra laa'n.

Nyanmien nde Ufle

³¹ ?Nyanmien su bo bé lafi so'n ti, o man é bu'a mmla'n i liké fi kun? É bu'e i so mlonmlon! Sien'n é bui liké dan tra laa'n.

Rɔmfuɛ Mun 3:31 ပူးပေါင်းရင်းမြစ်များ

Jue Mun 119:126

Anannganman, ɔ mmla'n yɛ be ´fɔn i lɛ, nga a ´ko yo'n, yo.

Jue Mun 40:8

I ti min waan: «Sɛ ɔ ti sɔ'n, m bɔbɔ m ba. Min wun ndɛ nga be kannin'n, ɔ o mmla fluwa'n nun.

Ezai 42:21

Anannganman yo sa i nuan su ti i waan ɔ ´yo i mmla'n i dan, yɛ ɔ siesie i kpa,

Matthieu 15:6

I sɔ'n ti amun nzuɛn'n i falɛ'n nun an yi Nyanmiɛn ndɛ'n blo.

Matthieu 3:15

Jésus seli i kɛ: «Yaci, yo ndɛ liɛ'n, afin ɔ ti i su kɛ e `yo sa kwlaa ng'ɔ ti Nyanmiɛn klun su'n.» Yɛ Zan yoli-ɔ.

Matthieu 5:17

«Nán an bu i kɛ m bali Moiz mmla'n nin Nyanmiɛn nuan ijɔfuɛ'm be ndɛ'n bé su nunnunlɛ, be nun yiyilɛ yɛ m bali-ɔ.

Matthieu 5:20

Afin n ´kan kle amun kɛ, sɛ amun nzuɛn'n ɔ'a yo-man kpa a tra-man mmla klefuɛ nin Farizifuɛ'm be liɛ'n, Nyanmiɛn su sie-man amun mlɔnmlɔn!

JÉSUS-CHRIST I DYASIN FE'N BO LUC KLELI'N 20:16

Ɔ ´ba, ɔ wa kun fie'n i sunianfuɛ sɔ mun, yɛ ɔ ´fa fie'n man sran uflɛ mun.» Kɛ be tili ndɛ sɔ'n, be seli kɛ: «Nán man ɔ yo sɔ!»

Rɔmfuɛ Mun 10:4

Afin be kwlaa nga be lafi Krist su'n, ɔ'a nunnun mmla i su falɛ wafa nga be bu i kɛ sɛ be yo sɔ'n yɛ be ´yo sran kpa'n.

Rɔmfuɛ Mun 2:20

an si ngwlɛlɛ nin sa b'ɔ ti nanwlɛ'n i kwlaa amun mmla'n ti. I sɔ'n ti an bu amun wun sinnglinfuɛ'm be fɔ tufuɛ, nin be bɔ be ti kɛ ba kanngan mun sa'n be ngwlɛlɛ klefuɛ.

Rɔmfuɛ Mun 3:4

Ɔ su yo-man sɔ mlɔnmlɔn! Kannzɛ sran'm be kwlaa be yo atofuɛ'n, sanngɛ Nyanmiɛn liɛ'n, san nanwlɛ yɛ ɔ di-ɔ! Afin be klɛli i kɛ: «Kɛ a kan ndɛ'n, san be ´wun kɛ ɔ ndɛ'n yo fɛ, yɛ kɛ be ´di ɔ jɔlɛ'n, san ɔ ndɛ'n ´kwla be nga a nin be kan ndɛ'n .»

Rɔmfuɛ Mun 3:6

Ɔ ti-man sɔ mlɔnmlɔn! ?Afin sɛ Nyanmiɛn di-man nanwlɛ'n, ɔ yo sɛ yɛ ɔ kwla di mɛnfuɛ'm be jɔlɛ-ɔ?

Rɔmfuɛ Mun 4:14

Sɛ be nga be di mmla su'n be yɛ be ´nyan like nga Nyanmiɛn seli kɛ ɔ ´fa man'n, wuun Nyanmiɛn sulafilɛ'n ɔ ti ngbɛn, yɛ kusu wuun like ng'ɔ seli kɛ ɔ ´yo'n, ɔ kɛnnin i ngbɛn.

Rɔmfuɛ Mun 7:22

Nyanmiɛn mmla'n i sufalɛ'n yo n fɛ min anwlɛn'n nun,

Rɔmfuɛ Mun 7:25

Nyanmiɛn kwla o! Afin i yɛ man e Min Jésus-Krist deli ye-ɔ. Kɛ n nian'n, n wun i bue kun kɛ min akunndan'n nun n fa Nyanmiɛn mmla'n su, sanngɛ i bue kun kusu n wun kɛ klɔ sran bɔ n ti'n ti, n yo sa tɛ.

Rɔmfuɛ Mun 8:4

Nyanmiɛn yoli i sɔ nan e bɔ e fa-man sran'm be nzuɛn'n su kun'n, bɔ e yo sa nga Nyanmiɛn Wawɛ'n kle ye kɛ e yo'n, e yo sa kpa nga be klɛli i mmla'n nun kɛ e yo'n.

1 Korɛntfuɛ Mun 9:21

Kɛ n ko yo nan m'an nyan be bɔ be di-man Moiz mmla'n su'n, sɛ n ju be nun'n, n yo min wun kɛ be sa. Kannzɛ n yo sɔ'n, nán kɛ n di-man Nyanmiɛn mmla'n su mlɔnmlɔn ti-ɔ, n di Krist liɛ'n su.

Galasifuɛ Mun 2:19

Afin mmla'n ti'n, n wuli, min nin i a bu, ɔ man olɛ nga n wo yɛ'n, n wo Nyanmiɛn dunman nun. Be boboli min nin Krist waka'n su,

Galasifuɛ Mun 2:21

N kpi-man nɛnnɛn nga Nyanmiɛn dili min'n i ase, afin sɛ mmla'n bɔ be fa su'n ti yɛ Nyanmiɛn bu be sran kpa'n, wuun wulɛ nga Krist wuli'n ɔ wuli ngbɛn.»