Rɔmfuɛ Mun 3:29 - NYANMIƐN NDƐ'N 1998

²⁹ ?Nyanmiɛn'n ti Zuif'm be ngunmin be liɛ? ?Ɔ ti-man be nga be ti-man Zuif'm be liɛ wie? Ɔ ti be liɛ wie,

Nyanmien nde Ufle

²⁹ ?Nyanmien'n ti Juif'm bé ngunmin bé lie? ?O ti'a bé nga bé ti'a Juif'n bé lie wié? O ti bé lie wié,

Rɔmfuɛ Mun 3:29 ပူးပေါင်းရင်းမြစ်များ

Bo Bolɛ 17:18

Yɛ ɔ seli Nyanmiɛn kɛ: «Ismaɛl yɛ ɔ o lɛ-ɔ. Man ɔ tran ɔ nyrun.»

Jue Mun 22:7

Min liɛ'n, m'an kaci kɛ srɛ sa, nán sran yɛlɛ min kun. Sran'm be kwlaa be gua mín nyin ase, nvle'n nunfuɛ'm be kwlaa be yo min finfin .

Jue Mun 67:2

Ee Nyanmiɛn, si ye aunnvuɛ, yo é wun sa ye. Nian e nyrun

Jue Mun 72:17

Nán famiɛn'n i dunman'n nunnun le. Man ɔ cɛ kɛ wia'n sa. Man sran'm be fɛ i dunman'n be yra be wiengu nguan. Man mɛnmɛn'm be nunfuɛ'm be kwlaa be se i kɛ: «Nja ɔ liɛ su ti ye!»

Ezai 54:5

Afin sɛ e ´kwla se'n, sran ng'ɔ yili amun'n yɛ ɔ ti amun wun nin-ɔn. I dunman'n yɛlɛ Anannganman b'ɔ sie mɛn wunmuan'n. Sran ng'ɔ kpɔ amun ti'n, yɛlɛ Izraɛl Nyanmiɛn'n. Be flɛ i kɛ asiɛ wunmuan'n i Nyanmiɛn.

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 31:33

Anannganman kɛn i ekun kɛ: «Aenguɛ nga cɛn wie e nin Izraɛl nvle'n e ´tra'n yɛ: n ´fa min mmla'n n ´wla be akunndan'n nun. Sɛ n ´kwla se'n, n ´fa klɛ be anwlɛn'n nun. N ´yo be Nyanmiɛn, be kusu be ´yo min sran.

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Matthieu 22:32

‹ɔ ti Abraam, nin Izaak, nin Zakɔb be Nyanmiɛn'n› i le? Nyanmiɛn ti-man be nga be wuli'n be liɛ, sanngɛ ɔ ti be nga be nyin o su'm be Nyanmiɛn.»

Matthieu 28:19

I sɔ'n ti, an `wɔ ko kle nvle-nvle'n kwlaa be like man be kaci n sɔnnzɔnfuɛ, yɛ an `yo be batɛm e Si Nyanmiɛn, nin i Wa'n, ɔ nin i Wawɛ'n be dunman nun .

Sa nga bé yôli'n 10:34

Yɛ Piɛr kusu seli kɛ: «Nanwlɛ, m'an wun i wlɛ kɛ Nyanmiɛn liɛ'n, ɔ kpa-man sran nun ,

Sa nga bé yôli'n 22:21

Yɛ ɔ seli n kɛ: ‹Kɔ, m ma sunman wɔ mmua be bɔ be ti-man Zuif'n bé sin.› »

Sa nga bé yôli'n 26:17

M ´ma de wɔ Zuif mun nin be nga be ti-man Zuif'n bɔ m ma sunman wɔ bé sin'n bé sa nun .

Sa nga bé yôli'n 9:15

Sanngɛ e Min'n seli i kɛ: «Kɔ, afin bian sɔ'n, m'an fɛ i kɛ ɔ di n junman'n, nan ɔ bo n dunman'n nvle wie'm be nun famiɛn mun nin Izraɛlfuɛ'm be nyrun,

Rɔmfuɛ Mun 1:16

Nyannzuɛn kun-man min Jasin fɛ'n bolɛ nun. Afin i yɛ ɔ ti fanngan nga Nyanmiɛn fa de sran nga be lafi i su'm be kwlaa-a, Zuif'm be yɛ be ti klikli-ɔ, i sin be nga mun.

Rɔmfuɛ Mun 10:12

Yɛlɛ kɛ ɔ lɛ-man Zuif, yɛ ɔ lɛ-man Grɛk, be kwlaa be Min'n ti kun, ɔ fɛ i ninnge kpakpa'n man be kwlaa nga be bo flɛ i'n,

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Galasifuɛ Mun 3:14

Ɔ yoli sɔ nan ye nga Nyanmiɛn seli Abraam kɛ ɔ ´yo i'n Jésus-Krist ti, ɔ ´yo man be nga be ti-man Zuif'n, nan e kusu e ´nyan Nyanmiɛn Wawɛ'n bɔ i waan ɔ ´fa man ye'n i su bɔ e lafi'n ti.

Efɛzfuɛ Mun 3:6

Sa sɔ'n yɛlɛ kɛ like nga Nyanmiɛn waan ɔ ´fa mɛn i sran mun'n, ɔ nin like ng'ɔ se kɛ ɔ ´yo man be'n, be nga be ti-man Zuif'n be dunman ´tɛ nun wie, yɛ be nin Zuif mun b'a yo kun jasin fɛ b'ɔ man be nin Krist-Jésus b'a kaci sran wunmuan'n ti.

Kolɔsfuɛ Mun 3:11

I sɔ'n ti'n, ɔ lɛ-man kɛ wie ti Grɛk yɛ wie ti Zuif, ɔ lɛ-man kɛ be wlali wie klɛn yɛ b'a wla-man wie klɛn, ɔ lɛ-man kɛ wie'm bé nyin nian ti-man yɛ wie ti sinnglinfuɛ, yɛ ɔ lɛ-man kɛ wie ti kanga yɛ wie ti diewa, sanngɛ Krist ti be like kwlaa, yɛ ɔ tran be kwlaa be anwlɛn'n nun.