Rɔmfuɛ Mun 3:27 - NYANMIƐN NDƐ'N 1998

²⁷ ?Sɛ ɔ ti sɔ'n, nguɛ su yɛ e jran fa di é nuan-an? E lɛ-mɛn i sɔ like mlɔnmlɔn! ?Nguɛ ti yɛ e lɛ-mɛn i sɔ like nin-ɔn? ?Mmla'n b'ɔ man e si like nga e yo'n ti-ɔ? Cɛcɛ, Nyanmiɛn bɔ e lafi i su'n ti-ɔ.

Nyanmien nde Ufle

²⁷ ?Se o ti so'n, nzu su ye é dyran fa di é nuaan? É le'e i so liké mlonmlon! ?Nzu ti ye é le'e i so liké nion? ?Mmla'n b'o man é si liké nga é yô'n tio? Tyetye, Nyanmien bo é lafi i su'n tio.

Rɔmfuɛ Mun 3:27 ပူးပေါင်းရင်းမြစ်များ

Sofoni 3:11

«Cɛn sɔ nun'n sa nga amun yoli min'n, fɔnlɛ nga amun fɔnnin min wun'n, amun su fɛ-mɛn i su afɛ'n kun, afin be nga be tu bé wun beblebe'n, n ´kan be bo amun wun lɛ. Kpɛkuun amun ´yaci amun wun tulɛ min Nyanmiɛn min oka'n su.

Marc 16:16

Sran ng'ɔ lafi su nan be yo i batɛm'n, ɔ ´fite nun, sanngɛ ng'ɔ lafi-man su'n, be ´se kɛ ɔ'a di fɔ.

Jean 3:36

Sran ng'ɔ lafi i Wa'n su'n, ɔ lɛ Anannganman nguan, sanngɛ sran nga i nyin yi-mɛn'n, ɔ nyan-man nguan le, sanngɛ i wun ya o Nyanmiɛn klun .

Rɔmfuɛ Mun 10:5

Afin Moiz kannin mmla'n bɔ be fa su yɛ be yo sran kpa'n i ndɛ kɛ: «Sran ng'ɔ fa mmla'n su'n, ɔ ´nyan nguan .»

Rɔmfuɛ Mun 11:6

Nán sa nga be yoli'n ti yɛ ɔ fali be sɔ-ɔ, sanngɛ i klun-ufue'n ti yɛ ɔ yoli sɔ-ɔ. Afin sɛ like nga be yo'n ti yɛ ɔ fali be'n, wuun nán i klun-ufue'n ti-ɔ.

Rɔmfuɛ Mun 2:17

Sanngɛ amun'n, an flɛ amun wun Zuif, an di mmla'n su, an fa Nyanmiɛn di amún nuan,

Rɔmfuɛ Mun 2:23

?Amun bɔ an fa mmla'n di amún nuan'n, kɛ an tɔn mmla sɔ'n, an gua-man Nyanmiɛn nyin ase?

Rɔmfuɛ Mun 3:19

E si kɛ ndɛ ng'ɔ o mmla nun'n i kwlaa ɔ ti be nga be di su'm be liɛ, ɔ man sran fi su kwla uke-mɛn i nuan, sanngɛ be ´fa sran'm be kwlaa kɔ Nyanmiɛn ja su.

Rɔmfuɛ Mun 3:26

Sanngɛ olɛ nga e o yɛ'n, ɔ kle ye wafa ng'ɔ fa bu sran sran kpa'n, afin ɔ kle i wun kɛ ɔ ti kpa yɛ ɔ bu be nga be lafi Jésus su'n be sran kpa.

Rɔmfuɛ Mun 4:2

Afin sɛ Nyanmiɛn buli Abraam sran kpa i sa kpa b'ɔ yoli'n ti'n, wuun ɔ lɛ like b'ɔ fa di i nuan-an. Sanngɛ ɔ kwla di-mɛn i nuan Nyanmiɛn nyrun,

Rɔmfuɛ Mun 7:21

Ɔ man m'an sie i nzɔliɛ kɛ cɛn kwlaa kɛ n klo kɛ n ´yo sa kpa'n, kpɛkuun sa tɛ'n jin m bue.

Rɔmfuɛ Mun 7:23

sanngɛ n wun kɛ sa uflɛ o lɛ. Min nzuɛn b'ɔ man n yo sa tɛ'n, ɔ nin akunndan nga b'ɔ man n klo kɛ n ´yo sa kpa'n, be ti kɛ sran nnyɔn bɔ be si akplowa sa, lele n fa tɛfuɛ'n su, ɔ man n kaci sa tɛ yofuɛ mlɔnmlɔn.

Rɔmfuɛ Mun 7:25

Nyanmiɛn kwla o! Afin i yɛ man e Min Jésus-Krist deli ye-ɔ. Kɛ n nian'n, n wun i bue kun kɛ min akunndan'n nun n fa Nyanmiɛn mmla'n su, sanngɛ i bue kun kusu n wun kɛ klɔ sran bɔ n ti'n ti, n yo sa tɛ.

Rɔmfuɛ Mun 8:2

Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

Rɔmfuɛ Mun 9:11

Kɛ be nian wu-man ba sɔ mun bɔ be nian si-man like nga be flɛ i kpa nin tɛ'n, Nyanmiɛn seli Rebeka kɛ: « Ba kpɛnngbɛnfuɛ'n ɔ ´su i sinma'n.» Ɔ yoli i sɔ nan be si kɛ ɔ fa sran nga i bɔbɔ klo'n, ɔ nian-man like nga sran'm be yo'n su yɛ ɔ fa fa be-ɔ, sanngɛ be nga ɔ flɛli be'n be yɛ ɔ fa be-ɔ .

Rɔmfuɛ Mun 9:31

Sanngɛ Izraɛlfuɛ'm bɔ be kunndɛ kɛ be ´nyan mmla kun be ´fa su nan Nyanmiɛn bu be sran kpa'n, b'a nyɛn-mɛn i .

Rɔmfuɛ Mun 9:32

?Nguɛ ti-ɔ? Afin be kunndɛ-man kɛ be lafi Nyanmiɛn su nan be yo sran kpa, sanngɛ be bu kɛ be yo sran kpa, bé sa kpakpa bɔ be yo be'n bé ti. Bé ja kplali yɛbuɛ bɔ sran'm be fin ase su'n,

1 Korɛntfuɛ Mun 4:7

?Wan yɛ ɔ se ɔ kɛ a ti kpa tra ɔ wiengu-ɔ? ?Nguɛ yɛ a lɛ i bɔ nán Nyanmiɛn yɛ ɔ mannin wɔ-ɔ? ?Sɛ i yɛ ɔ mannin wɔ'n, nguɛ ti yɛ a fa di ɔ́ nuan kɛ ɔ bɔbɔ ɔ́ sa ti like sa nin-ɔn?

Galasifuɛ Mun 2:16

Kannzɛ e ti sɔ'n, e si kɛ Nyanmiɛn bu-man sran fi sran kpa mmla'n b'ɔ fa su'n ti, san Krist-Jésus su bɔ sran lafi'n ti yɛ man Nyanmiɛn bu i sran kpa-a. E kusu, kɛ ɔ ko yo nan Nyanmiɛn a bu e sran kpa Krist bɔ e lafi i su'n ti'n, nan ɔ'a yo-man kɛ mmla'n bɔ e fa su'n ti yɛ ɔ bu ye sran kpa'n, i ti yɛ e lafili Krist-Jésus su-ɔ. Afin Nyanmiɛn su bu-man sran fi sran kpa mmla'n b'ɔ fa su'n ti .

Galasifuɛ Mun 3:22

Sanngɛ e kɛnngɛn i Nyanmiɛn Ndɛ nga be klɛli'n nun kɛ sa tɛ'n ti mɛnmɛnfuɛ'm be kwlaa be nzuɛn. Ɔ yoli sɔ nan like nga Nyanmiɛn waan ɔ ´yo man sran'n, be nga be fa ndɛ sɔ'n su'n be nyɛn i Jésus-Krist bɔ be lafi i su'n ti.