Rɔmfuɛ Mun 3:20 - NYANMIƐN NDƐ'N 1998

²⁰ Nyanmiɛn su bu-man sran fi sran kpa i mmla'n su falɛ'n ti, afin mmla'n ti yɛ man be si like nga be flɛ i kɛ sa tɛ nin-ɔn .

Nyanmien nde Ufle

²⁰ Nyanmien su bu'a swran fi swran kpa i mmla'n su fale'n ti, afin mmla'n ti ye man bé si liké nga bé fle ke sa te nion.

Rɔmfuɛ Mun 3:20 ပူးပေါင်းရင်းမြစ်များ

Zɔb I Nyrɛnnɛn Wunlɛ 15:15

Anz mun bɔbɔ Nyanmiɛn lafi-man be su, nyanmiɛn su lɔ lika'n ɔ ti-man saun i nyrun,

Jue Mun 130:3

?Anannganman, sɛ ɔ waan a ´nian tɛ nga e yo'n, wan cɛ yɛ ɔ ka lɛ-ɔ ɔ ´yo ye-ɔ ?

Jue Mun 143:2

N ti ɔ sufuɛ, nán se kɛ a ´bu min fɔ. Asiɛ nga su wa'n, sran fi nun-man wa bɔ fiɛn nun-mɛn i wun ɔ́ nyrun-ɔn .

Sa nga bé yôli'n 13:39

Sa nga kɛ an fa Moiz mmla'n su'n amu'an nyan-man amún ti be nun'n, siɛn'n, sran kwlaa ng'ɔ lafi Krist su'n, ɔ ´nyɛn i ti sa sɔ'm be nun.

Rɔmfuɛ Mun 2:13

Nán be nga be si mmla'n yɛ be ti sran kpa Nyanmiɛn nyrun-ɔn, sanngɛ be nga be fa su'n be yɛ Nyanmiɛn ´bu be sran kpa-a.

Rɔmfuɛ Mun 3:28

Afin e bu i kɛ nán mmla'n bɔ sran fa su'n ti yɛ Nyanmiɛn bu i sran kpa-a.

Rɔmfuɛ Mun 4:13

Nyanmiɛn seli Abraam kɛ mɛn'n ɔ ´yo i nin osu nunfuɛ'm be liɛ. Nán mmla'n b'ɔ fa su'n ti yɛ ɔ seli i sɔ-ɔ, sanngɛ i bɔbɔ Nyanmiɛn i su b'ɔ lafi b'ɔ i kusu bu i sran kpa'n ti yɛ ɔ seli i sɔ-ɔ .

Rɔmfuɛ Mun 4:15

Mmla'n yɛ man sran kun Nyanmiɛn ya-a, afin sɛ mmla'n nun-man lɛ'n, wuun be tɔn-man.

Rɔmfuɛ Mun 5:13

Kɛ Nyanmiɛn ´fɛ i mmla'n man'n, wuun sa tɛ'n wo mɛn'n nun wa, sanngɛ i nun bɔ mmla nun-man lɛ'n, be bu-man sa nga sran yo'n kɛ ɔ ti tɛ.

Rɔmfuɛ Mun 5:20

Kɛ ɔ ´yo nan sa tɛtɛ'n ɔ'a sɔn'n, i ti yɛ mmla'n ɔ'a kpɛn afiɛn lɛ-ɔ, sanngɛ lika nga be yo sa tɛtɛ kpanngban lɛ'n, lɛ yɛ Nyanmiɛn i aklunye'n i nyin fite dan-an.

Rɔmfuɛ Mun 7:11

Sɛ n kwla se kɛ sa tɛ b'ɔ ti min nzuɛn'n ti sran'n, wuun n ´se kɛ mmla kun sɔ'n ti like bɔ sa tɛ ɔ'a fa laka min a kun min.

Rɔmfuɛ Mun 9:32

?Nguɛ ti-ɔ? Afin be kunndɛ-man kɛ be lafi Nyanmiɛn su nan be yo sran kpa, sanngɛ be bu kɛ be yo sran kpa, bé sa kpakpa bɔ be yo be'n bé ti. Bé ja kplali yɛbuɛ bɔ sran'm be fin ase su'n,

1 Korɛntfuɛ Mun 15:56

Wie'n i je'n yɛlɛ sa tɛ'n, yɛ mmla'n yɛ man sa tɛ'n lɛ ta nin-ɔn.

Galasifuɛ Mun 2:16

Kannzɛ e ti sɔ'n, e si kɛ Nyanmiɛn bu-man sran fi sran kpa mmla'n b'ɔ fa su'n ti, san Krist-Jésus su bɔ sran lafi'n ti yɛ man Nyanmiɛn bu i sran kpa-a. E kusu, kɛ ɔ ko yo nan Nyanmiɛn a bu e sran kpa Krist bɔ e lafi i su'n ti'n, nan ɔ'a yo-man kɛ mmla'n bɔ e fa su'n ti yɛ ɔ bu ye sran kpa'n, i ti yɛ e lafili Krist-Jésus su-ɔ. Afin Nyanmiɛn su bu-man sran fi sran kpa mmla'n b'ɔ fa su'n ti .

Galasifuɛ Mun 2:19

Afin mmla'n ti'n, n wuli, min nin i a bu, ɔ man olɛ nga n wo yɛ'n, n wo Nyanmiɛn dunman nun. Be boboli min nin Krist waka'n su,

Galasifuɛ Mun 5:4

Amun bɔ amun waan amun ´fa mmla'n su nan Nyanmiɛn bu amun sran kpa'n, amun nin Krist amu'an bu, yɛ ye nga Nyanmiɛn yo sran'n, ɔ'a to a fuan amun.

Hébreu 7:19

Mmla sɔ'n man like fi kwla yo-man kpa, yɛ like uflɛ bɔ i kpa trɛ i'n, bɔ e kwla fa é wla'n gua su'n, be fa sieli i osu, ɔ man e kwla mantan Nyanmiɛn.