Rɔmfuɛ Mun 3:19 - NYANMIƐN NDƐ'N 1998

¹⁹ E si kɛ ndɛ ng'ɔ o mmla nun'n i kwlaa ɔ ti be nga be di su'm be liɛ, ɔ man sran fi su kwla uke-mɛn i nuan, sanngɛ be ´fa sran'm be kwlaa kɔ Nyanmiɛn ja su.

Nyanmien nde Ufle

¹⁹ É si ke nde kwlaa ng'o ô mmla'n nun'n o ti bé nga bé di su'n bé lie, o man swran fi su kwla uke'e i nuan, sannge béh fah swran'n kwlaa ko Nyanmien dyasu.

Rɔmfuɛ Mun 3:19 ပူးပေါင်းရင်းမြစ်များ

Zɔb I Nyrɛnnɛn Wunlɛ 5:16

Ɔ man yalɛfuɛ'n ɔ nyan wla cicilɛ. Kpɛkuun ɔ man be nga be yo sa tɛ'n be nyan-man nuan be kan-man ndɛ.

Jue Mun 107:42

Kɛ sran sɛsɛfuɛ'm be wun i sɔ sa mun'n, be klun jɔ, sanngɛ sran wlɛfuɛ'm be kwla uke-man bé nuan.

Jue Mun 63:11

Man be wɔ sran sɔ'm be kue sa bi! Man nsoso'm be di be fuɛn'n.

Ezekiɛl 16:63

Yɛ ɔ́ wla wa kpɛn laa ndɛ su, nyannzuɛn ´kun wɔ yɛ a su kwla ijɔ-man bɔbɔ, sanngɛ min liɛ'n, i kwlaa nga a yoli'n, n ´yaci cɛ wɔ. Anannganman Nyanmiɛn yɛ n kan sɔ-ɔ.»

Jean 15:25

Sanngɛ sa sɔ'n yo sɔ nan ndɛ nga be klɛli be mmla fluwa'n nun kɛ: ‹Kpɔlɛ nga be kpɔ min'n lɛ-man bo'n› ɔ `kpɛn su .

Jean 8:9

Kɛ be tili ndɛ sɔ'n, be kpɛnngbɛn mun nga jao blɛlɛ kɔ nga jao blɛlɛ kɔ lele ɔ fa toli be kanngan mun, ɔ kali Jésus nin bla'n b'ɔ jin afiɛn lɛ'n.

Rɔmfuɛ Mun 1:20

Sran nyinma wun-man Nyanmiɛn'n, sanngɛ kɛ ɔ fin cɛn ng'ɔ yili mɛn'n, ninnge kwlaa ng'ɔ yo be bɔ be wun be'n, ɔ man be wun i wlɛ weiin kɛ Nyanmiɛn o lɛ yɛ ɔ kwla sa'n kwlaa yo. I sɔ'n ti be lɛ-man ndɛ fi .

Rɔmfuɛ Mun 3:2

Like'n kwlaa nun, nga be nyɛn i'n tra sran wie'm be liɛ'n. Afin be yɛ Nyanmiɛn fɛ i ndɛ'n mannin be-ɔ.

Rɔmfuɛ Mun 3:23

Afin sran'm be kwlaa be yoli sa tɛ, ɔ man anyrunnyan nga Nyanmiɛn waan ɔ ´man be'n, ɔ to fuannin be.

Rɔmfuɛ Mun 3:4

Ɔ su yo-man sɔ mlɔnmlɔn! Kannzɛ sran'm be kwlaa be yo atofuɛ'n, sanngɛ Nyanmiɛn liɛ'n, san nanwlɛ yɛ ɔ di-ɔ! Afin be klɛli i kɛ: «Kɛ a kan ndɛ'n, san be ´wun kɛ ɔ ndɛ'n yo fɛ, yɛ kɛ be ´di ɔ jɔlɛ'n, san ɔ ndɛ'n ´kwla be nga a nin be kan ndɛ'n .»

Rɔmfuɛ Mun 3:9

?Sɛ ɔ ti sɔ'n, e ´yo i sɛ? ?E Zuif mun e ti kpa tra sran nga mun? Ɔ ti-man sɔ mlɔnmlɔn! Afin y'a dun mmua se kɛ sa tɛ'n ɔ'a ka sran'm be kwlaa be nun, Zuif mun o, sran wie mun o.

1 Korɛntfuɛ Mun 1:29

Nyanmiɛn yo i sɔ nan sran fi a di-mɛn i nuan a kle-mɛn i.

Galasifuɛ Mun 3:10

Afin be kwlaa nga be fa bé wla gua mmla'n su falɛ su'n, bé wun su jɔ-man be le, afin be klɛli i kɛ: «Sran kwlaa ng'ɔ fa-man ndɛ nga be klɛli i mmla fluwa nun'n i kwlaa su titi'n, i wun jɔ-mɛn i le .»

Galasifuɛ Mun 4:21

?Amun bɔ an klo kɛ mmla'n su yɛ amun ´di'n, an ti-mɛn i nun ndɛ'n? An `bua n wie.

Galasifuɛ Mun 4:5

Ɔ bali kɛ ɔ ´de be nga be di mmla'n su'n nan e `kaci Nyanmiɛn klun ba mun.

Galasifuɛ Mun 5:18

Sɛ an fa atin nga Nyanmiɛn Wawɛ'n kle amun su'n, Nyanmiɛn jran-man mmla'n su yɛ ɔ ´sie amun-ɔn.

1 Samiɛl 2:9

Ɔ sasa be bɔ bé nyin yi i mun'n, sanngɛ sran tɛfuɛ'm be wu aosin nun. Afin kɛ a wun kɛ sran kun ´nyan kwlalɛ lɛ'n, wuun nɛ́n i bɔbɔ fanngan nun-ɔn.