Rɔmfuɛ Mun 3:1 - NYANMIƐN NDƐ'N 1998

¹ ?Sɛ ɔ ti sɔ'n, kɛ be se kɛ be ti Zuif'n, nguɛ like yɛ be nyɛn i b'ɔ tra sran wie'm be liɛ nin-ɔn? ?Yɛ nguɛ like yɛ be nyɛn i klɛn wlalɛ nun-ɔn?

Nyanmien nde Ufle

¹ ?Se o ti so'n, ke bé sé ke bé ti Juif'n, nzu liké ye bé nyen b'o tra swran wié'm bé lie nion? ?Ye nzu liké ye bé nyen klen wlale'n nuon?

Rɔmfuɛ Mun 3:1 ပူးပေါင်းရင်းမြစ်များ

Bo Bolɛ 25:32

Yɛ Ezau waan: «?N su wa wu ɔ waan kpɛnngbɛn, n ´yo awuliɛ kpɛnngbɛn'n sɛ?»

Jue Mun 147:20

Ɔ'a yo-man nvle uflɛ fi sɔ. Be wie fi si-mɛn i mmla mun . Amun `manman Anannganman!

Akunndanfuɛ'n 6:11

Kɛ sran kun ijɔ kpanngban'n, ɔ kan ndɛ ngbɛn ngbɛn mun. ?Mmlusuɛ onin yɛ sran kwla nyɛn i nun-ɔn?

Akunndanfuɛ'n 6:8

?Nguɛ yɛ ngwlɛlɛfuɛ'n nyɛn i tra sinnglinfuɛ nin-ɔn? ?Yɛ nguɛ like yɛ yalɛfuɛ nga i nzuɛn ti kpa'n, ɔ nyɛn i sran'm be nyrun-ɔn?

Malasi 3:14

Kusu wuun amun ijɔ be se kɛ: ‹?Nyanmiɛn sulɛ'n ti afɛ ngbɛn. ?Kɛ e fali Anannganman i mmla'n su bɔ e trannin awlaboɛ nun'n nguɛ yɛ e nyɛnnin i nun-ɔn?

Jean 4:22

Amun Samarifuɛ mun'n, an si-man sran nga an koto i bo an mɛnmɛn i'n, sanngɛ e liɛ'n, e si sran nga e koto i bo e mɛnmɛn i'n, afin sran'm bé ti nyanlɛ'n fin Zuif mun.

Rɔmfuɛ Mun 3:2

Like'n kwlaa nun, nga be nyɛn i'n tra sran wie'm be liɛ'n. Afin be yɛ Nyanmiɛn fɛ i ndɛ'n mannin be-ɔ.

Rɔmfuɛ Mun 3:9

?Sɛ ɔ ti sɔ'n, e ´yo i sɛ? ?E Zuif mun e ti kpa tra sran nga mun? Ɔ ti-man sɔ mlɔnmlɔn! Afin y'a dun mmua se kɛ sa tɛ'n ɔ'a ka sran'm be kwlaa be nun, Zuif mun o, sran wie mun o.

1 Korɛntfuɛ Mun 15:32

?Sɛ sran'm bé nuan ti yɛ min nin nnɛn tɛtɛ mun e tuli ngondin Efɛz lɔ'n, nguɛ yɛ n ´nyɛn nun-ɔn? ?Sɛ sran'm be wu-ɔ be cɛn-man'n, «Man e di like e nɔn nzan, ainman e ´wu, wuun e liɛ a wie .»

Hébreu 13:9

Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.