Rɔmfuɛ Mun 2:8 - NYANMIƐN NDƐ'N 1998

⁸ Be nga kusu bɔ be bu be bɔbɔ be wun akunndan'n, bɔ be bu-man sran uflɛ akunndan'n, bɔ be fa-man nanwlɛ ndɛ'n su'n, bɔ sa tɛ'n yɛ be klo i'n, ɔ ´fa be wun ya dan i anwlɛn su bɔ be fita'n ti.

Nyanmien nde Ufle

⁸ Bé nga kusu bo bé bu bé bobo bé wun akunndan, bo bé bu'a swran ufle akunndan, bo bé fa'a nanwle nde'n su, bo sa te'n ye bé klôé'n, oh fah bé wun ya dan i awlen bo bé fite'n ti.

Rɔmfuɛ Mun 2:8 ပူးပေါင်းရင်းမြစ်များ

2 Be Nyoliɛ 6:23

kɛ a o nyanmiɛn su lɔ'n, sie ɔ su nan di ɔ sufuɛ'm be jɔlɛ sɔ'n, yɛ yo ng'ɔ fata'n. Sran ng'ɔ yoli sa'n, bu i fɔ, man i sa tɛ'n kaci tɔ i bɔbɔ su. Yɛ sran kun'n kusu, man be wun kɛ i wun a sa.

Zɔb I Nyrɛnnɛn Wunlɛ 24:13

Sran wie'm be ciliɛ yɛlɛ lika weiin'n. Kan lika weiin'n wo lɛ'n, be sin-man lɛ. Be fa-man atin weiin'n be su.

Jue Mun 90:11

?Wan yɛ ɔ kwla si kɛ ɔ ya'n i dan'n fa ti ju-ɔ? ?Wan yɛ ɔ kwla wun ɔ ya'n i wlɛ b'ɔ man i nyin yi wɔ kɛ ɔ fata'n sa-a?

Nyanndra Mun 11:23

Like nga sran kpa'm be kunndɛ kɛ be ´yo'n ɔ ti kunngba, yɛlɛ kpa yolɛ. Like nga kusu bɔ klunwifuɛ'm be gugu kɛ be ´yo'n, ɔ kun Nyanmiɛn i ya.

Nyanndra Mun 13:10

Tutre'n i like ng'ɔ o su'n yɛlɛ utre ba kpɛlɛ. Be nga be sie bé su, be ti afɔtuɛ'n, be sa nun yɛ akunndan'n wo-ɔ.

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Zeremi 34:18

Famiɛn'n i awlo lɔ sran dandan mun nga be o Zida klɔ'm be su'n nin be nga be o Zerizalɛm'n, be nin sran dandan mun, nin Nyanmiɛn nyrun jranfuɛ mun be kpɛli nannin kun bɔ ɔ'a kpɛ cro'n i nun nnyɔn, be sinnin i afiɛn be fa tali nda min nyrun. Sanngɛ b'a nian-man su b'a yo-man i su sa'n . I sɔ'n ti,

Ezekiɛl 22:31

Yɛ n fali min ya dan'n n guali be su-ɔ, min ya b'ɔ ti kɛ sin sa'n, n fa sacili be, n yoli man be suali be nzuɛn tɛ'n i su afɛ'n.» Anannganman Nyanmiɛn'n yɛ ɔ kan sɔ-ɔ.

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Rɔmfuɛ Mun 1:18

Sran'm be nyin b'ɔ yi-man Nyanmiɛn'n nin sa tɛtɛ'n kwlaa bɔ be yo'n ti, Nyanmiɛn kle be kɛ i ya'n wa jaso. Bé sa tɛtɛ yolɛ sɔ'n ti, ɔ man sran'm be wun-man Nyanmiɛn ndɛ'n i nanwlɛ.

Rɔmfuɛ Mun 10:16

Sanngɛ be ngba b'a fa-man jasin fɛ sɔ'n su. Ezai kɛnnin i ekun kɛ: «?Nannan, wan yɛ ɔ lafili ndɛ nga e kannin'n su-ɔ ?»

Rɔmfuɛ Mun 15:18

N lɛ-man ndɛ fi n kan-man san ndɛ nga Krist man n kan kle be b'ɔ man bé nyin yi Nyanmiɛn'n,

Rɔmfuɛ Mun 6:17

N ´yo Nyanmiɛn i kwla o, afin laa'n, sa tɛ'n ti amun nzuɛn, sanngɛ siɛn'n, amu'an fa ndɛ nanwlɛ nga be kleli amun'n su kpa.

Rɔmfuɛ Mun 9:22

?Yɛ Nyanmiɛn kusu yo-man sran'm be kɛ sɛ ufuɛ'n yo i sɛ mun'n sa? ?Sɛ ɔ klo kɛ sran'm be si kɛ ɔ'a fa be wun ya, sɛ ɔ klo kɛ be si kɛ ɔ kwla sa kwlaa yo'n, yɛ sɛ be nga be kun i ya bɔ be nin kunlɛ fata'n b'ɔ blu su'n, ɔ kwla yo-mɛn i sɔ ?

1 Korɛntfuɛ Mun 11:16

Ndɛ nga n ´kɛn i yɛ'n, sɛ sran nga i waan ɔ ´si i akplowa'n, man ɔ si kɛ e nin Nyanmiɛn i asɔnunfuɛ mun e lɛ-mɛn i wafa uflɛ bɔ e ´yo-ɔ.

2 Korɛntfuɛ Mun 12:20

Kɛ n ko ju amun wun lɔ'n bɔ n su wun-man amun kɛ nga m bu i akunndan kɛ n ´wun amun su'n sa'n, bɔ n kusu an su wun-man min kɛ nga an bu i akunndan kɛ amun ´wun min su'n sa'n, i sɔ ti yɛ man srɛ kun min-ɔn. Kɛ n ´ju lɔ'n bɔ n ´wun kɛ amun wie'm be di utre, wie nyin ci i wiengu, wie fa ya, wie si akplowa, wie kan sran wun ndɛ, wie bla, wie tu i wun, yɛ wie kpɛ saɛ'n, i sɔ'n ti yɛ man srɛ kun min-ɔn.

Galasifuɛ Mun 5:20

amuɛn sɔlɛ, bae dilɛ, sran kpɔlɛ, ɔ nin utre. Bé nyin ci be wiengu, be fa ya, bé bo ti-man kun, be bubu bé wun nun,

Filipfuɛ Mun 1:17

Sanngɛ be nga'm be bu be bɔbɔ bé wun akunndan yɛ be kan Krist ndɛ nin-ɔn, be klun akunndan'n ti-man kpa, be waan be ´yo i sɔ nan n `wun min nyrun tra su bisua'n nun wa.

Filipfuɛ Mun 2:3

Nán an bu amun bɔbɔ amún wun akunndan yo like fi, nán an kunndɛ amun dunman, nán an tu amún wun, sanngɛ an `bu sran wie'm be sran tra amun bɔbɔ.

2 Tɛsalonikfuɛ Mun 1:8

Ɔ ´ba sin b'ɔ jue'n nun nan ɔ ´tu be nga be si-man Nyanmiɛn'n nin be nga be fa-man e Min Jésus i jasin fɛ'n su'n be fɔ.

Tite 3:9

Sanngɛ nán fa ɔ wun wla sinnzin akplowa silɛ'n, nin be nannan-nannan'm be osu finwlɛ i kunndɛlɛ'n, nin utre, nin mmla'n su akplowa silɛ'n be nun. Be ti like ngbɛn, be yo-man sa fi ye.

Hébreu 10:27

Like ng'ɔ ka'n b'ɔ yo e sro'n yɛlɛ fɔ nga Nyanmiɛn wa bu i kpɔfuɛ mun'n, ɔ nin sin sroesroe b'ɔ wa yra be'n .

Hébreu 11:8

Nyanmiɛn su bɔ Abraam lafi'n ti, kɛ ɔ flɛli i kɛ ɔ wɔ nvle nga i waan ɔ ´fa mɛn i nun'n, i nyin yili i, ɔ si-man lika ng'ɔ kɔ'n, sanngɛ ɔ ɔli.

Hébreu 5:9

Kɛ ɔ yoli sran wafa nga Nyanmiɛn klo kɛ ɔ `yo'n, ɔ man be kwlaa nga bé nyin yi i'n, be ´nyan bé ti mlɔnmlɔn,

Jacques 3:14

Sanngɛ sɛ amun klunwi'n ti amún nyin ci sran yɛ an bu amun bɔbɔ amun wun akunndan'n, nán an fa amun ngwlɛlɛ'n di amún nuan, yɛ nán an fa nanwlɛ'n kaci ato.

Jacques 3:16

Afin lika nga bé nyin ci sran bɔ be bu be bɔbɔ be wun akunndan lɛ'n, sa sukusuku'n nin sa tɛtɛ'n kwlaa o lɛ.

1 Piɛr 3:1

Mmo mun, amun kusu an `bu amún wun'm be sran, nán an fa amún nyin wlawla be. I liɛ'n sɛ be nun wie'm be fa-man Nyanmiɛn ndɛ'n su'n, kɛ be wun amun nzuɛn kpa'n nin sran bɔ an bu be'n, an su kan-man ndɛ fi nan b'a yaci .

1 Piɛr 4:17

Cɛn nga be ´bo jɔlɛ dilɛ'n bo'n ɔ'a ju, be ´bo i bo Nyanmiɛn bɔbɔ i awlo'n nun. ?Sɛ e su yɛ be ´bo i bo'n, be nga be fa-man Nyanmiɛn jasin fɛ'n su'n, be liɛ'n ´yo sɛ?

Sa nglô yile 14:10

ɔ ´nɔn Nyanmiɛn i nzan muɛn'n b'ɔ fa guɛ i ya klowa nun'n wie. Nzan sɔ'n yɛlɛ Nyanmiɛn i ya'n b'ɔ fa'n. Be kwlaa nga be yo sɔ'n, be ´kle be nyrɛnnɛn sin bɔ sufru o nun'n nun Nyanmiɛn i anz nin Bua Gbanflɛn'n be nyrun lɛ .

Sa nglô yile 16:19

Klɔ dan'n bubuli nun nsan. Yɛ mɛnmɛn'm be kwlaa be nun klɔ'm be sacili. Nyanmiɛn wla a fi-man Babilɔni klɔ dan'n su, ɔ man ɔ nɔnnin nzan b'ɔ o i klowa'n nun'n kɛ sran sa. Nzan sɔ'n yɛlɛ i ya dan'n.