Rɔmfuɛ Mun 2:6 - NYANMIƐN NDƐ'N 1998

⁶ yɛ like nga sran kun yoli'n, ɔ ´mɛn i nuan like .

Nyanmien nde Ufle

⁶ ye liké nga swran kun yôli'n, oh menh i nuan liké.

Rɔmfuɛ Mun 2:6 ပူးပေါင်းရင်းမြစ်များ

Zɔb I Nyrɛnnɛn Wunlɛ 34:11

Sa nga sran yo'n i nuan akatua yɛ ɔ fa mɛn i-ɔ. I nantilɛ'n su yɛ ɔ nian fa mɛn i ninnge mun-ɔn.

Jue Mun 62:12

Nyanmiɛn ɔ'a kɛn i kpalɛ b'ɔ tra nnyɔn bɔbɔ m'an ti. I waan: «Wunmiɛn'n ɔ ti n kunngba n liɛ.»

Ezipt Lɔ Tulɛ'n 32:34

Siɛn'n, kɔ, dun mmua Izraɛlfuɛ'm be nyrun, nan fa be kɔ kan n waan a `fa be wɔ lɔ'n. Min anz'n ´dun mmua ɔ nyrun. Min liɛ'n, n wa yi mín wun nglo cɛn kun, yɛ n ´tu be fɔ bé sa tɛ'm be ti.»

Nyanndra Mun 24:12

Sɛ a se kɛ: «M'an wun-man nun o!» Nyanmiɛn bɔbɔ si nun. Ɔ si ɔ sa nga a yo be'n. I nyin ta wɔ. Ɔ si sa ngba. Sran kun i sa ng'ɔ yo be'n, i su yɛ ɔ nian fa bu i fɔ-ɔ.

Nyanndra Mun 24:2

Afin sa tɛ yolɛ akunndan yɛ be bu-ɔ. Abɔlɛ like nga be ko yo'n i ndɛ yɛ be kan-an.

Nyanndra Mun 26:10

Junman su kpɛn nga sɛ sinnglinfuɛ nga be ´sin'n, ɔ fa be kwlaa wlɛ i junman nun'n, ɔ ti kɛ ta tofuɛ ng'ɔ to i ta'n wɔ sran'm be kwlaa'n sa.

Akunndanfuɛ'n 3:17

N seli min klun lɔ kɛ: «Nyanmiɛn wa di sran kpa nin sran tɛ'm be jɔlɛ. Afin like kwlaa lɛ blɛ. E nyoliɛ'm be ti Nyanmiɛn wa di e jɔlɛ.»

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 32:19

Ninnge nga a bu be akunndan kɛ a ´yo be'n be ti dandan, kusu a kwla be yo klanman. Ninnge nga sran'm be yo'n, ɔ́ nyin tɛ i kwlaa'n. Ninnge sɔ'm be su yɛ a nian a yo be sa ng'ɔ nin be fata nin-ɔn. Be nyoliɛ'n su yɛ a nian a yo be sa ng'ɔ nin be fata nin-ɔn.

Ezekiɛl 18:20

Sran ng'ɔ yo sa tɛ'n, i yɛ ɔ ´wu-ɔ. Ba'm be su tannin-man bé si'm be sa tɛ'n i ti kalɛ. Yɛ siɛ'm be su tua-man be mma'm bé sa tɛ'n i ti kalɛ. Sran ng'ɔ yo sa kpa'n, be ´tuɛ i sa kpa sɔ'n i ti kalɛ be mɛn i. Sran ng'ɔ yo sa tɛ'n, be ´tuɛ i sa tɛ'n i ti kalɛ be mɛn i.»

Ezekiɛl 18:30

I sɔ'n ti n wa di amun jɔlɛ, kɛ sran kun i nzuɛn fa ti'n i su yɛ n ´nian n ´di i jɔlɛ-ɔ.» Anannganman Nyanmiɛn'n yɛ ɔ kan sɔ-ɔ. «Amun `kaci amun nzuɛn, amun `yaci amún sa tɛtɛ nga amun yo'n be yolɛ. Nán amun yaci sa tɛ'n wie lɛ, ɔ kwla yo amun mlinlɛ like .

Ezekiɛl 36:19

N yoli man be bo sanndili nvle-nvle'm be nun, be bo sanndili mɛn wie'm be nun. Kɛ be nzuɛn nin be aeliɛ'n fa ti'n, i su yɛ n niannin buli be fɔ nin-ɔn.

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Rɔmfuɛ Mun 14:22

Ɔ sa wlɛ'n bɔ a wun i sɔ'n, man ɔ tran a nin Nyanmiɛn amun afiɛn. Sran ng'ɔ wun like ng'ɔ yo'n i wlɛ b'ɔ wun kɛ sɛ ɔ yo-ɔ i klun su ti-mɛn i'n, i liɛ su ti ye!

1 Korɛntfuɛ Mun 3:8

Sran ng'ɔ ta'n nin ng'ɔ gua su nzue'n, be nnyɔn'n be sɛ, kɛ sran kun fa di i junman'n juli'n, Nyanmiɛn ´mɛn i i nuan like.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 11:15

Ɔ man i junman difuɛ mun be yo bé wun kɛ be nga be junman yɛlɛ nanwlɛ'n i klelɛ'n be liɛ'n sa'n, wuun b'a fɛ-mɛn i ase. Be agualiɛ'n ɔ ´yo kɛ be junman'n sa.

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .

2 Timote 4:14

Alɛksandri b'ɔ ti blalɛ bofuɛ'n ɔ yoli n tɛ dan kpa. Sa ng'ɔ yoli min'n, Nyanmiɛn ko tuɛ i kalɛ.

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .

Sa nglô yile 20:12

Yɛ n wunnin be nga be wuli'n, sɛ be lɛ nyrun o, sɛ be lɛ-man nyrun o, be jinjin bia'n nyrun lɛ. Be trɛli fluwa wie'm be nun. Yɛ be trɛli kun ekun nun, i yɛ ɔ ti nguan fluwa nin-ɔn. Be niannin fluwa'm be nun, be wunnin sa nga be bɔ be wuli'm be yoli'n, i su yɛ be jran be dili be jɔlɛ nin-ɔn.

Sa nglô yile 22:12

Jésus seli kɛ: «Nian, m ´ba icra'n! Yɛ like nga sran'm be yoli'n, i kwlaa i nuan like'n wo ń sa nun, n ´fa man be .