Rɔmfuɛ Mun 2:5 - NYANMIƐN NDƐ'N 1998

⁵ Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Nyanmien nde Ufle

⁵ Amun nyin kéklé'n nin sa nga an yôli bo an yatyi'e i yôle'n, Nyanmien bu sié, o man oh fah amun wun ya kpa tyen nga i ya'n dyaô, bo éh wunh ke o di dyole nanwle su'n,

Rɔmfuɛ Mun 2:5 ပူးပေါင်းရင်းမြစ်များ

2 Be Nyoliɛ 30:8

Nán amun yo nyin kekle kɛ amun nannan'm be yoli'n sa. Amun `fa amun wun man Anannganman man ɔ sie amun. Amun `bla i sua'n bɔ i bɔbɔ ɔ'a yo i saun'n nun. Sua sɔ'n, ɔ ´yo saun tititi. Yɛ amun `su Anannganman amun Nyanmiɛn'n, kɛ ɔ ´yo nan i ya dan'n b'ɔ fɛli i amún wun'n ɔ'a jɔ'n ti.

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Zɔb I Nyrɛnnɛn Wunlɛ 21:30

Kɛ nyrɛnnɛn'n ɔ ba'n, ɔ kpɛ sran ng'ɔ bu-man Nyanmiɛn like fi'n yaci. Kɛ Nyanmiɛn i ya cɛn'n ju'n, sa ju-man i su wie.

Jue Mun 110:5

Min Min'n ɔ jin ɔ́ sa fama su. Cɛn nga i ya cɛn'n ko ba'n, ɔ ´nunnun famiɛn wie mun.

Jue Mun 95:8

an `tie, nán an yo nyin kekle i su kɛ amún nannan'm be ko yo i Mɛriba lɔ aawlɛ flɛnnɛn'n nun lɔ i nun bɔ sa wie ko ju Masa lɔ'n sa .

Ezipt Lɔ Tulɛ'n 14:17

Min liɛ kusu, n wa kete Eziptfuɛ'm be anwlɛn'n, nan be wlu amún sin jenvie'n nun. Kwlalɛ bɔ n wa kwla Ezipt famiɛn'n nin i alɛ kunfuɛ mun, ɔ nin i nnɛn kpanngɔ su fufuɛ mun'n, yɛ sacilɛ bɔ n wa saci i kakaklolo mun'n i dunman nun ti sran'm be wa manman min.

Ezipt Lɔ Tulɛ'n 32:34

Siɛn'n, kɔ, dun mmua Izraɛlfuɛ'm be nyrun, nan fa be kɔ kan n waan a `fa be wɔ lɔ'n. Min anz'n ´dun mmua ɔ nyrun. Min liɛ'n, n wa yi mín wun nglo cɛn kun, yɛ n ´tu be fɔ bé sa tɛ'm be ti.»

Ezipt Lɔ Tulɛ'n 8:15

Blɛ sɔ'n nun yɛ atrɛ yifuɛ'm be seli Ezipt famiɛn'n kɛ: «Nyanmiɛn i tinmin'n yɛ ɔ su di junman ng'ɔ o lɛ nin-ɔn.» Sanngɛ kɛ Nyanmiɛn fa dun mmua kannin'n i su yɛ ɔ yoli-ɔ. Famiɛn'n i anwlɛn'n keteli, ɔ'a sie-mɛn i su Moiz nin Aarɔn be ndɛ'n bo.

Nyanndra Mun 1:18

Be sua be bɔbɔ bé wun aya.

Nyanndra Mun 11:4

Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Nyanndra Mun 28:14

Sran ng'ɔ sro sa tɛ'n i yolɛ mlɔnmlɔn'n, i liɛ su ti ye! Sran nga kusu bɔ be se i sa-a ɔ fɛ-mɛn i ti de-man'n, san nyrɛnnɛn'n yɛ ɔ ´tɔ i su-ɔ.

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Akunndanfuɛ'n 12:14

Afin Nyanmiɛn wa usa é like nga e yoli'n i kwlaa i su ndɛ. Sa kwlaa ng'ɔ ti fiawa o, ng'ɔ ti kpa o, ng'ɔ ti tɛ o, ɔ ´di be jɔlɛ .

Ezai 48:4

Kɛ bɔ n si kɛ amún nyin ti kekle'n nan amun anwlɛn'n ti ketewa, nan be bli amun-ɔn ɔ bli-man'n,

Zeremi 40:3

Sa ti bɔ i sɔ sa'n juli amun su sakpa'n yɛlɛ fɔnlɛ bɔ amun fɔnnin Anannganman wun'n, yɛlɛ i ndɛ bɔ amu'an fa-man su'n.

Ezekiɛl 11:19

N wa man amun anwlɛn kunngba. N ´fa wawɛ uflɛ n ´wla amun nun, n ´yi anwlɛn kekleke kɛ yɛbuɛ sa b'ɔ o amun nun'n, kpɛkuun m ´man amun anwlɛn wɛtɛɛ

Ezekiɛl 3:7

Sanngɛ Izraɛlfuɛ'm be liɛ'n, be su tie-man ɔ ndɛ'n, afin be kunndɛ-man kɛ be ´ti mín nuan nun ndɛ'n, yɛlɛ kɛ bé nyin su ti kekle, yɛ be nzuɛn'n ti tɛ.

Daniɛl 5:20

Sanngɛ famiɛn'n ɔ wa tuli i wun, ɔ wa keteli i anwlɛn'n, yɛ ɔ yoli nuan difuɛ. I blɛ sɔ nun'n, Nyanmiɛn tuli i famiɛn bia'n su, kpɛkuun ɔ'a nyan-man nyrun kun.

Ndɛ Nga Nyanmiɛn I Nuan Ijɔfuɛ Oze Kannin'n 13:12

Efraimfuɛ'm be fɔnlɛ nga be fɔnnin'n, mín wla o su. Sa tɛ nga be yoli'n, ɔ mlin min klun-ɔn ɔ yo-man ye.

Amɔs 3:10

Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Rɔmfuɛ Mun 1:18

Sran'm be nyin b'ɔ yi-man Nyanmiɛn'n nin sa tɛtɛ'n kwlaa bɔ be yo'n ti, Nyanmiɛn kle be kɛ i ya'n wa jaso. Bé sa tɛtɛ yolɛ sɔ'n ti, ɔ man sran'm be wun-man Nyanmiɛn ndɛ'n i nanwlɛ.

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

Rɔmfuɛ Mun 9:22

?Yɛ Nyanmiɛn kusu yo-man sran'm be kɛ sɛ ufuɛ'n yo i sɛ mun'n sa? ?Sɛ ɔ klo kɛ sran'm be si kɛ ɔ'a fa be wun ya, sɛ ɔ klo kɛ be si kɛ ɔ kwla sa kwlaa yo'n, yɛ sɛ be nga be kun i ya bɔ be nin kunlɛ fata'n b'ɔ blu su'n, ɔ kwla yo-mɛn i sɔ ?

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .

Mmla'n 2:30

Sanngɛ Siɔn b'ɔ ti Ɛsbɔn famiɛn'n waan nán i yɛ ɔ ko yaci e nun e ko sin-ɔn. Kannzu Anannganman amun Nyanmiɛn'n yɛ ɔ keteli i anwlɛn nin-ɔn, kɛ ɔ ´yo nan amu'an kwlɛ i nan amu'an fɛ i mɛn nga amun o nun ndɛkɛn yɛ'n ti.

Mmla'n 32:34

Sa nga m'an gugu kɛ n ´fa yo be'n, m bɔbɔ min kunngba yɛ n si-ɔ.

2 Tɛsalonikfuɛ Mun 1:5

I sɔ'n kle ye weiin kpa kɛ Nyanmiɛn yo sa i nuan su. Ɔ ´bu amun kɛ amun nin i famiɛn dilɛ'n wie fata, afin i ti yɛ an wun nyrɛnnɛn nin-ɔn.

Hébreu 3:13

Sanngɛ kɛ ɔ ´yo nan b'a laka-man amun nun wie nan ɔ'a yo-man sa tɛ ɔ'a kete-man'n, an `tu amun wun fɔ cɛn'n kwlaa bɔ be tɛ se kɛ: «Ndɛkɛn'n.»

Hébreu 3:15

E tɛ kanngan Nyanmiɛn Ndɛ nga be klɛli'n nun kɛ: «Sɛ ndɛkɛn an ti ndɛ nga Nyanmiɛn kan'n, nán an yo nyin kekle i su kɛ i nun bɔ amun jaoli i wun amun yoli'n sa .»

Hébreu 4:7

I sɔ'n ti yɛ Nyanmiɛn sie cɛn uflɛ kun ekun kɛ: «Ndɛkɛn» nin-ɔn. Kɛ ɔ sieli cɛn sɔ'n b'ɔ cɛ lele'n, ɔ man David kɛnnin i ndɛ bɔ e kɛnnin i ndɛ icra'n kɛ: «Sɛ ndɛkɛn an ti ndɛ nga Nyanmiɛn kan'n, nán an yo nyin kekle i su .»

Jacques 5:3

Amun sika ɔkwlɛ'n nin amun jɛtɛ ufue'm b'a dun, i dunlɛ sɔ'n ɔ ´yiyi amún bo, yɛ ɔ ´yra amun kɛ sin sa. Mɛn nga y'a ju i bue nuan yɛ'n, amu'an tian amun ninnge'm bé nuan!

Zozie 11:20

Afin Anannganman man mɛn sɔ nunfuɛ'm be waan san alɛ yɛ be nin Izraɛlfuɛ'm be ´kun-ɔn. I sɔ'n ti, Izraɛlfuɛ'm be kusu be kunnin be kwlakwla kɛ Anannganman fa kan kleli Moiz'n sa.

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.

2 Piɛr 3:7

Nyanmiɛn kunngba'n yɛ ɔ seli ekun kɛ man be sie nyanmiɛn su lɔ'n nin asiɛ nga be o lɛ ndɛ'n, be lɛ man sin di be. Be ´sie be lɛ lele ´fa ju cɛn nga be ´bu sran nga be sro-man Nyanmiɛn'n be fɔ bɔ be ´saci be'n.

Jude 1:6

Yɛ n ´kan kle amun ekun kɛ anz nga b'a tran-man junman nga Nyanmiɛn sieli bé su i su'n, bɔ be yacili be lika'n, Nyanmiɛn ci be guali aosin tuun kpa'n nun, ɔ su nyannji-man be mlɔnmlɔn nan sɛ i jɔlɛ dilɛ cɛn dan'n ju-ɔ ɔ'a di be ndɛ'n.

Sa nglô yile 2:21

N yacili i lɛ kaan kɛ ɔ kaci i nzuɛn'n, sanngɛ ɔ yaci-mɛn i tekle'n i bolɛ.

Sa nglô yile 6:17

Afin cɛn nga be ya'n ɔ ´jao dan'n ɔ'a ju. ?Wan yɛ ɔ ´kwla jran be nyrun-ɔn ?»

1 Samiɛl 6:6

Nán amun yo nyin kekle kɛ Eziptfuɛ mun nin be famiɛn'n be yoli'n sa. Be yoli sɔ kusu-ɔ, Anannganman kleli be yalɛ kpa nan b'a yaci Izraɛlfuɛ'm be nun.