Rɔmfuɛ Mun 2:3 - NYANMIƐN NDƐ'N 1998

³ ?Amun bɔ an bu sran fɔ i sɔ sa'n ti'n bɔ sanngɛ an yo sa kunngba'n, an bu kɛ Nyanmiɛn su bu-man amun fɔ wie?

Nyanmien nde Ufle

³ ?Amun bo an bu swran fo i so sa'n ti bo an yô sa kunngba'n, an bu ke Nyanmien su bu'a amun fo wié?

Rɔmfuɛ Mun 2:3 ပူးပေါင်းရင်းမြစ်များ

2 Samiɛl 10:3

Amɔn famiɛn i awlo lɔ sran dan dan'm be seli be min Anɛn kɛ: «?Ɔ yo wɔ kɛ ɔ́ si i nɛnnɛn dilɛ ti yɛ David yi sran bali ɔ yako yolɛ yɛ nin-ɔn? ?Nán klɔ'n i nzɔliɛ sielɛ nin i kplalɛ kɛ ɔ ko yo nan b'a utu i cɛn wie'n, i ti yɛ be bali-ɔ?»

Zɔb I Nyrɛnnɛn Wunlɛ 35:2

?Kɛlɛ a bu i kɛ ɔ ndɛ yo fɛ ti yɛ ɔ waan a ti sɛsɛ Nyanmiɛn nyrun nin-ɔn?

Jue Mun 50:21

Sa nga a yoli'n yɛ ɔ o lɛ-ɔ, sanngɛ m'an kan-man ndɛ. A bu i kɛ wuun n ti kɛ wɔ sa. N wa ijɔ wɔ yɛ sa nga a yoli'n b'ɔ ti-man kpa'n, n wa tutu nun weiin-weiin n kle wɔ.

Jue Mun 56:7

Be cici min wun ndɛ, be di min sasabu. Kan kwlaa nga n ´kɔ'n, san be ´usa nun be ´ti nun, yɛlɛ kɛ be kunndɛ kɛ be ´kun min.

Nyanndra Mun 11:21

Kannzɛ ɔ yo sɛ klunwifuɛ'm be fɔ tulɛ'n ɔ su to fuan-man be. Klun-ufuefuɛ'm be osu'n nun mma'm be liɛ'n, be nyan bé ti. Klunwifuɛ mun ɔ lɛ-man kɛ be su nyan-man be klunwi'n i nuan like.

Nyanndra Mun 16:5

Be nga be yo bé wun dandan'n, Anannganman i nyin ci be. Kannzɛ ɔ yo sɛ ɔ su yaci cɛ-man be.

Ezekiɛl 17:15

Sanngɛ famiɛn uflɛ'n jasoli ng'ɔ kwlali i'n i wun, ɔ sunmannin sran Ezipt lɔ kɛ be kɔ srɛ nnɛn kpanngɔ nin sonja kpanngban kpa. ?Sran ng'ɔ yoli sa sɔ'n, ɔ ´fite nun? Ɔ sacili aenguɛ'n, i ti ɔ su fite-man nun.

Ezekiɛl 17:18

Kɛ b'ɔ dun mmua kplinnin su laa'n, bɔ i sin ɔ wa yoli sa ng'ɔ ti-man su'n, i ti ɔ su fite-man nun.› »

Daniɛl 10:19

Yɛ ɔ seli min kɛ: ‹Nyanmiɛn i anwlɛn su sran, nán srɛ kun wɔ. Man ɔ́ wun jɔ wɔ fɔuun. Tra wɔ anwlɛn, man ɔ wunmiɛn'n bla.› Kɛ ɔ ´kan ndɛ'n kle min sɔ'n, kpɛkuun min wunmiɛn'n bali min nun. Yɛ n seli i kɛ: ‹Nannan, sɛ ɔ waan a ´kan ndɛ'n kan, afin w'a man min wunmiɛn.›

Matthieu 23:33

?Wuo mun, ɔnda mma mun, sɛ yɛ amun ´yo nan b'a bu-man amun fɔ nan b'a fa-man amun a ɔ-man nyrɛnnɛn lika'n nun-ɔn?

Matthieu 26:53

?A bu i kɛ n kwla flɛ-man n Si kɛ ɔ blɛ min anz bɔ be tra akpi fa blu-nin-nnyɔn icra'n?

JÉSUS-CHRIST I DYASIN FE'N BO LUC KLELI'N 12:14

Yɛ Jésus seli i kɛ: «?Nja, wan yɛ ɔ fa min sieli kɛ n yo amun jɔlɛ difuɛ nin amun ninnge cɛfuɛ-ɔ?»

JÉSUS-CHRIST I DYASIN FE'N BO LUC KLELI'N 22:58

Kɛ ɔ cɛli kan ekun'n, sran uflɛ wunnin i, yɛ ɔ seli i kɛ: «Wɔ, a o minniɛn sɔ'm be nun wie.» Yɛ Piɛr seli i kɛ: «Nja, n nun-man be nun wie o!»

JÉSUS-CHRIST I DYASIN FE'N BO LUC KLELI'N 22:60

Yɛ Piɛr seli i kɛ: «Ɔ liɛ'n, ndɛ kpa nga a kan'n, n wun-mɛn i wlɛ.» I nuan nian tɔ-man kpɛkuun akɔ nyinman'n ɔ'a bo.

Rɔmfuɛ Mun 1:32

Be si kɛ be klɛli i Nyanmiɛn mmla'n nun kɛ sran ng'ɔ yo i sɔ sa'n, ɔ nin kunlɛ fata, sanngɛ be yo, yɛ kɛ sran wie'm be yo sa kunngba sɔ'n, ɔ yo be fɛ.

Rɔmfuɛ Mun 2:1

I sɔ'n ti'n, amun kwlaa bɔ an bu sran fɔ'n, an lɛ-man ndɛ fi. Afin kɛ an bu sran fɔ bɔ an yo sa kunngba nga sran sɔ'n yo'n, an bu amun bɔbɔ amun wun fɔ.

Rɔmfuɛ Mun 2:2

E si kɛ Nyanmiɛn di be nga be yo i sɔ sa'n be jɔlɛ nanwlɛ su.

Rɔmfuɛ Mun 9:20

?Ɔ bɔ a usa sɔ'n, a ti ɔ liɛ sɛ bɔ a yiyi Nyanmiɛn nuan nun-ɔn? ?Like nga be fa ufa wu'n, ɔ kwla usɛ i ufuɛ'n kɛ: «Ɔ yo sɛ ti yɛ a wuli n sɔ-ɔ ?»

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.

Hébreu 2:3

wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.