Rɔmfuɛ Mun 2:27 - NYANMIƐN NDƐ'N 1998

²⁷ An si mmla'n kwlaa, yɛ be wlali amun klɛn, sanngɛ an tɔn mmla sɔ'n. ?Sɛ ɔ ti sɔ'n, sran nga b'a wlɛ-mɛn i klɛn sanngɛ ɔ fa mmla'n su'n, ɔ se-man kɛ amu'an di fɔ?

Nyanmien nde Ufle

²⁷ ?Ye swran nga ba wle'e i klen sannge o fa mmla'n su'n, o sé'a ke amuan di fo? Afin an si mmla'n kwlaa, bé wlaa amun klen, sannge an ton mmla so'n.

Rɔmfuɛ Mun 2:27 ပူးပေါင်းရင်းမြစ်များ

Matthieu 3:15

Jésus seli i kɛ: «Yaci, yo ndɛ liɛ'n, afin ɔ ti i su kɛ e `yo sa kwlaa ng'ɔ ti Nyanmiɛn klun su'n.» Yɛ Zan yoli-ɔ.

Sa nga bé yôli'n 13:22

Kɛ Nyanmiɛn tuli i famiɛn'n su'n, ɔ fa David sieli i osu. Ɔ kɛnnin i ndɛ kɛ: ‹N wunnin kɛ Izai i wa David ti min anwlɛn su sran, i liɛ'n, like kwlaa nga n se i kɛ ɔ yo'n, ɔ ´yo .›

Rɔmfuɛ Mun 13:10

Sran ng'ɔ klo i wiengu'n, ɔ yo-mɛn i tɛ, ɔ man sran ng'ɔ klo sran'n, wuun ɔ'a wie mmla'n kwlaa su fa.

Rɔmfuɛ Mun 2:15

Kɛ be yo sɔ'n, ɔ kle kɛ be si sa nga be klɛli i mmla'n nun kɛ sran `yo'n be anwlɛn'n nun lɔ. Sa wlɛ bɔ be wun i'n nin be akunndan bɔ be bu'n man be wun sa nga sran yo'n i wlɛ, sɛ ɔ ti kpa o, sɛ ɔ ti tɛ o, be wun i wlɛ.

Rɔmfuɛ Mun 2:20

an si ngwlɛlɛ nin sa b'ɔ ti nanwlɛ'n i kwlaa amun mmla'n ti. I sɔ'n ti an bu amun wun sinnglinfuɛ'm be fɔ tufuɛ, nin be bɔ be ti kɛ ba kanngan mun sa'n be ngwlɛlɛ klefuɛ.

Rɔmfuɛ Mun 2:25

Nanwlɛ, sɛ an fa mmla'n su'n, klɛn wlalɛ'n ti kpa, sanngɛ sɛ an fa-man su'n, klɛn wlalɛ'n yo-man sa fi ye.

Rɔmfuɛ Mun 2:26

?Ɔ mɛn i sɔ'n ti'n, sɛ sran nga b'a wlɛ-mɛn i klɛn'n nan ɔ fa mmla'n su'n, Nyanmiɛn bu-mɛn i klɛn wlafuɛ?

Rɔmfuɛ Mun 2:29

sanngɛ Zuif kpa'n yɛlɛ sran ng'ɔ ti sɔ i anwlɛn nun'n, yɛ klɛn wlalɛ kpa'n yɛlɛ nga Nyanmiɛn Wawɛ'n wlɛ i sran i anwlɛn'n nun b'ɔ fin-man mmla nga be klɛli nun'n. Nán sran mun yɛ be yi Zuif kpa sɔ'n i ayɛ-ɔ, Nyanmiɛn bɔbɔ yɛ ɔ yi i ayɛ-ɔ.

Rɔmfuɛ Mun 3:30

afin be nga be lafi i su'n sɛ be wlali be klɛn o, sɛ b'a wla-man be klɛn o, Nyanmiɛn kunngba'n yɛ ɔ bu be sran kpa-a .

Rɔmfuɛ Mun 8:4

Nyanmiɛn yoli i sɔ nan e bɔ e fa-man sran'm be nzuɛn'n su kun'n, bɔ e yo sa nga Nyanmiɛn Wawɛ'n kle ye kɛ e yo'n, e yo sa kpa nga be klɛli i mmla'n nun kɛ e yo'n.

1 Korɛntfuɛ Mun 7:19

Sɛ be wla klɛn o, sɛ b'a wla-man klɛn o, ɔ ti-man sa cinnjin, sa ng'ɔ ti cinnjin'n yɛlɛ Nyanmiɛn mmla'n i su falɛ'n.

2 Korɛntfuɛ Mun 3:6

I kunngba sɔ'n i yɛ man e kwla di aenguɛ uflɛ nga ɔ nin sran'm be trali'n i junman nin-ɔn. Ɔ ti-man mmla bɔ be klɛli-ɔ, sanngɛ ɔ ti Nyanmiɛn Wawɛ'n liɛ. Afin mmla nga be klɛli'n, ɔ man sran wu, sanngɛ Nyanmiɛn Wawɛ'n liɛ'n, ɔ man sran nyan nguan .

Galasifuɛ Mun 5:14

Afin be boli mmla'n kwlaa kpɔlɛ ndɛ kun nun seli kɛ: «Klo ɔ wiengu kɛ a fa klo ɔ bɔbɔ wun'n sa .»

Efɛzfuɛ Mun 2:11

I sɔ'n ti'n, an `bu wafa nga an ti laa'n i akunndan. Amun bɔ amun osu'n fin-man Zuif'n, Zuif'm bɔ be flɛ be klɛn wlafuɛ'n, bɔ sran yɛ ɔ fɛli i sa wlali be klɛn'n, be se amun kɛ an ti-man klɛn wlafuɛ.

2 Timote 3:15

Kɛ ɔ fin ɔ ba kaan nun'n, a si Nyanmiɛn Ndɛ nga be klɛli'n yɛ man a si ngwlɛlɛ b'ɔ man sɛ be lafi Krist su-ɔ be nyan bé ti nin-ɔn.

Hébreu 11:3

Nyanmiɛn su bɔ e lafi ti yɛ e si kɛ i nuan nun ndɛ'n yɛ ɔ fa yili mɛn nin-ɔn, ɔ man ɔ fa like nga be wun-mɛn i'n yɛ ɔ fa yili like nga e wun be yɛ nin-ɔn.