Rɔmfuɛ Mun 2:22 - NYANMIƐN NDƐ'N 1998

²² ?Amun bɔ an se kɛ nán be kunndɛ bla bé yi bo annzɛ bian bé wun bo'n, an bɔbɔ an yo-man? ?Amun bɔ an kpɔ amuɛn'n, an wua-man like amuɛn sua'n nun?

Nyanmien nde Ufle

²² ?Amun bo an sé ke, nanh bé kunnde bla bé yi bô annze bian bé wun bô'n, an bobo an yôman? ?Amun bo an kpo amuen'n, an wua'a liké amuen sua'n nun?

Rɔmfuɛ Mun 2:22 ပူးပေါင်းရင်းမြစ်များ

Zeremi 5:7

«?N ´yaci ɔ wun sa'n cɛ wɔ sɛ? Zerizalɛm bɔ ɔ fuɛ'm be yili min ase'n, bɔ amuɛn mun yɛ be bo be dunman be fa ta nda'n, like ng'ɔ nin be fata'n, n fa mannin be tratrali su bɔbɔ, sanngɛ kpɛkuun be ko kunndɛ bian min bo. Be kpli yɛ be kɔ tekle bla'n i awlo lɔ-ɔ.

Zeremi 9:2

«B'a sa cɛiin ato bualɛ'n ti kɛ ta bɔ b'a cuɛn nun bɔ be su wa to'n sa. Kwlalɛ nga be kwla'n, nán nanwlɛ'n i fanngan nun-ɔn, ato'n i fanngan nun-ɔn. Sa tɛ nga be yo'n, be si-mɛn i nuan. Be si-man min.» Anannganman'n yɛ ɔ kan sɔ-ɔ.

Ezekiɛl 22:11

Ɔ lɔ'n, be kunndɛ be wiengu'm bé yi mun, wie'm be laka be wa'n i yi annzɛ be mian be niaan bla bɔ be nin i be si ti-man kun'n be nin i be la.

Malasi 1:14

Anannganman b'ɔ sie mɛn wunmuan'n waan: «Gblɛfuɛ nga nnɛn yasua kpa kun wo i nnɛn'm be nun bɔ nnɛn tukpacɛfuɛ nga ɔ'a yo kokloo kain'n yɛ ɔ ti like yɛ ɔ fa man min'n , i yako! Afin n ti famiɛn dan kun, min dunman'n yo sro mɛn wunmuan'n nun!»

Malasi 1:8

Anannganman b'ɔ sie mɛn wunmuan'n usa kɛ yoo: «?Kɛ amun fa nnɛn nga be nyinma ti siwa, wie kusu-ɔ nga bé ja ti buwa, wie kusu-ɔ nga be kwla-man nanti'n be fa man min'n, ɔ ti kpa? ?Sɛ amun fɛ i sɔ nnɛn be man amun sran ng'ɔ sie amun'n, i klun ´jɔ su? ?Ɔ ´nian amun nyrun?

Malasi 3:8

Yɛ n ´tɛ amun su kɛ yoo: ‹?Nyanmiɛn i lakalɛ bɔ be lɛkɛ i'n ɔ ti kpa? Sanngɛ kusu amun liɛ'n, amun laka min.› Kpɛkuun amun usa min kɛ yoo: ‹?Lakalɛ sɛ yɛ e laka wɔ-ɔ?› Like nga amun lakalaka min su'n, yɛlɛ ninnge nga amun nyɛn i'n, i blusu'n, ɔ nin like nga amun fa ba min manlɛ'n.

Matthieu 12:39

Yɛ ɔ seli be kɛ: «Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be klo kɛ be `yi atrɛ kle be. Be su yi-man atrɛ fi kle-man be san Nyanmiɛn nuan ijɔfuɛ Zonas liɛ'n cɛ.

Matthieu 16:4

Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be waan be yi atrɛ kle be. Be su yi-man atrɛ fi kle-man be, san Zonas liɛ'n cɛ yɛ be ´yi-ɔ .» I sin ɔ yaci be lɛ ɔli.

Marc 11:17

Kɛ ɔ ´kle be like'n, ɔ se be kɛ: «?B'a klɛ-mɛn i kɛ: Be wa flɛ ń sua'n kɛ nvle-nvle'm be kwlaa be Nyanmiɛn srɛlɛ sua? Sanngɛ amu'an fa kaci awiefuɛ'm be fiawlɛ .»

Sa nga bé yôli'n 19:37

Afin minniɛn nga'm bɔ b'a kan-man e amuɛn bla'n i ciliɛ'n, bɔ kusu b'a saci-mɛn i dunman'n, an fa be bali.

Rɔmfuɛ Mun 12:9

Nán amun sran klolɛ'n ɔ yo amún nuan bui su. An `kpɔ sa tɛ'n, nán an nian, sanngɛ like nga be ti kpa'n, man be lo amun.

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.