Rɔmfuɛ Mun 2:2 - NYANMIƐN NDƐ'N 1998

² E si kɛ Nyanmiɛn di be nga be yo i sɔ sa'n be jɔlɛ nanwlɛ su.

Nyanmien nde Ufle

² É si ke Nyanmien di bé nga bé yô i so sa'n bé dyole nanwle su.

Rɔmfuɛ Mun 2:2 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

Zɔb I Nyrɛnnɛn Wunlɛ 34:23

Nyanmiɛn flɛ-man sran usɛ-usɛ-mɛn i kosan lele kwlaa nan ɔ'a di i jɔlɛ.

Jue Mun 145:17

Ninnge nga Anannganman yo be'n, be kwlaa be kle kɛ ɔ yo sa'n i nuan su nan i klun ti ufue.

Jue Mun 9:4

Min kpɔfuɛ mun b'a kaci bé sin, be su kɔ. Kɛ be wun wɔ'n, srɛ kun be, bé wun usu be, kpɛkuun b'a tɔ b'a wu.

Jue Mun 96:13

Anannganman nyrun! Afin ɔ su ba, ɔ wa di asiɛ'n sufuɛ'm be jɔlɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman .

Jue Mun 98:9

be `manman Anannganman, afin ɔ su ba asiɛ'n sufuɛ'm be jɔlɛ dilɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman.

Ezai 45:19

Ndɛ nga n kannin'n, m'an kɛn-mɛn i nvialiɛ nun, m'an kɛn-mɛn i asiɛ'n i lika tuun wie nun. M'an se-man Zakɔb osu nunfuɛ'm be kɛ be kunndɛ min kan like fi nun-man lɛ'n! Min, Anannganman n kan ndɛ ng'ɔ ti i su'n, n kan ndɛ nanwlɛ .»

Ezai 45:21

Amun `kan amun nuan su ndɛ mun, amun `kan sa nga amun jran su kan ndɛ'n. Amun `wun amún wun bɔbɔ. ?Wan yɛ ɔ boli sa nga be wa ju'n be su lalaa-a? ?Wan yɛ ɔ dun mmua yili be nglo nan b'a ju-ɔ? ?Nán min Anannganman-an? Sɛ be san mín wun'n, be wun-man Nyanmiɛn fi kun. Nyanmiɛn b'ɔ ti nanwlɛfuɛ b'ɔ de sran'n, sɛ be san min wun'n, be su wun-mɛn i sɔ Nyanmiɛn kun.

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Ezekiɛl 18:25

Amun se kɛ: ‹Nga Anannganman yo'n ɔ ti-man su.› Izraɛlfuɛ mun, amun `tie. ?Nga n yo i yɛ'n ɔ ti-man su? ?Nán nga amun bɔbɔ amun yo'n yɛ ɔ ti-man su-ɔ?

Ezekiɛl 18:29

Sanngɛ amun Izraɛlfuɛ mun amun se kɛ: ‹Sa nga Anannganman yo'n ti-mɛn i nuan su.› ?Mín sa nga n yo be'n be yɛ be ti-mɛn i nuan su-ɔ? ?Izraɛlfuɛ mun, nán amún sa liɛ nga amun yo be mun, yɛ be ti-mɛn i nuan su-ɔ?

Sofoni 3:5

Kusu wuun sa kpa yolɛ ti yɛ Anannganman'n wo klɔ'n su-ɔ, nán sa tɛ yolɛ ti-ɔ. Nglɛmun kwlakwla ɔ yiyi i mmla'n nun, ɔ lɛ-man cɛn. Sanngɛ ɔ nin sɔ ngba'n, aeliɛ tɛfuɛ'm be ´yo sa'n sa-a, nyannzuɛn kaan sa kun-man be.

Sa nga bé yôli'n 17:31

Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»

Rɔmfuɛ Mun 2:1

I sɔ'n ti'n, amun kwlaa bɔ an bu sran fɔ'n, an lɛ-man ndɛ fi. Afin kɛ an bu sran fɔ bɔ an yo sa kunngba nga sran sɔ'n yo'n, an bu amun bɔbɔ amun wun fɔ.

Rɔmfuɛ Mun 2:3

?Amun bɔ an bu sran fɔ i sɔ sa'n ti'n bɔ sanngɛ an yo sa kunngba'n, an bu kɛ Nyanmiɛn su bu-man amun fɔ wie?

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Rɔmfuɛ Mun 9:14

?Ɔ man e ´se sɛ? ?E ´se kɛ Nyanmiɛn yo-man sa i nuan su? Ɔ ti-man sɔ mlɔnmlɔn!

Sa nglô yile 16:5

Yɛ n tili anz b'ɔ nian nzue'm bé su'n i nɛn, ɔ seli kɛ: «Ɔ bɔ a o lɛ'n, bɔ a o lɛ lalaa'n, bɔ ɔ nzuɛn'n nin klɔ sran liɛ'n ti-man kun'n, ndɛ nga a di yɛ'n ɔ ti i su.

Sa nglô yile 19:2

I ndɛ ng'ɔ di'n ɔ ti nanwlɛ, yɛ ɔ ti su! Afin bla dan'n b'ɔ fɛli i tekle bolɛ'n sacili asiɛ'n ɔ'a bu i fɔ, yɛ ɔ tuli i sran bɔ bla sɔ'n ɔ kunnin be'n be klunngbɔ'n .»