Rɔmfuɛ Mun 2:16 - NYANMIƐN NDƐ'N 1998

¹⁶ Jasin fɛ'n bɔ n kan'n, ɔ kle kɛ be wa wun i wlɛ sɔ cɛn nga Nyanmiɛn man Krist-Jésus wa nian sa kpa annzɛ sa tɛ nga sran'm be yo fia'n .

Nyanmien nde Ufle

¹⁶ Dyasin fe'n bo n kan'n, o klé ke bé wa wun i wle so tyen nga Nyanmien man Christ-Jésus wa nian sa nga swran'm bé yô fia'n, se o ti kpa ô, se o ti te ô.

Rɔmfuɛ Mun 2:16 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

Jue Mun 50:6

Kpɛkuun nyanmiɛn su lɔfuɛ'm be wa kpan be ´se kɛ: «Nyanmiɛn'n di nanwlɛ, i yɛ ɔ ti jɔlɛ difuɛ nin-ɔn.»

Jue Mun 96:13

Anannganman nyrun! Afin ɔ su ba, ɔ wa di asiɛ'n sufuɛ'm be jɔlɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman .

Jue Mun 98:9

be `manman Anannganman, afin ɔ su ba asiɛ'n sufuɛ'm be jɔlɛ dilɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman.

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Akunndanfuɛ'n 12:14

Afin Nyanmiɛn wa usa é like nga e yoli'n i kwlaa i su ndɛ. Sa kwlaa ng'ɔ ti fiawa o, ng'ɔ ti kpa o, ng'ɔ ti tɛ o, ɔ ´di be jɔlɛ .

Akunndanfuɛ'n 3:17

N seli min klun lɔ kɛ: «Nyanmiɛn wa di sran kpa nin sran tɛ'm be jɔlɛ. Afin like kwlaa lɛ blɛ. E nyoliɛ'm be ti Nyanmiɛn wa di e jɔlɛ.»

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

JÉSUS-CHRIST I DYASIN FE'N BO LUC KLELI'N 8:17

Afin sa fi su ka-man nvialiɛ nun b'ɔ su tɛ-man nglo-ɔ, yɛ aswre nun ndɛ fi su ka-man lɛ b'ɔ su fite-man su-ɔ.

Jean 12:48

Sran ng'ɔ sɔ-man min nun b'ɔ fa-man min ndɛ'n su'n, sran ng'ɔ nin i be ´di jɔlɛ'n wo lɛ. Ndɛ nga n kannin'n su yɛ be wa jran bu i fɔ mɛn'n i awieliɛ-ɔ.

Sa nga bé yôli'n 10:42

Yɛ Jésus kaleli ye cinnjin kpa kɛ e kan kle sran'm be kɛ i bɔbɔ yɛ Nyanmiɛn sieli i kɛ ɔ di be nga be nyin o su'n nin be nga be wuli'm be ndɛ nin-ɔn.

Sa nga bé yôli'n 17:31

Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»

Rɔmfuɛ Mun 16:25

Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su.

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Rɔmfuɛ Mun 3:6

Ɔ ti-man sɔ mlɔnmlɔn! ?Afin sɛ Nyanmiɛn di-man nanwlɛ'n, ɔ yo sɛ yɛ ɔ kwla di mɛnfuɛ'm be jɔlɛ-ɔ?

1 Korɛntfuɛ Mun 15:1

Aniaan mun, jasin fɛ nga m bo kleli amun laa'n, n ´kpɛn amún wla ekun. Amu'an fa jasin fɛ sɔ'n su, ɔ man an jran kekle.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .

Galasifuɛ Mun 1:11

Aniaan mun, man n kan ndɛ kun kle amun: jasin fɛ nga n kan kleli amun'n, nán sran mun yɛ be kpɛ wlali min nuan-an.

1 Timote 1:11

Kɛ be klɛli Nyanmiɛn bɔ be bo i dunman fɛ titi'n i jasin fɛ'n b'ɔ fa wlali n sa nun'n nun sɔ-ɔ.

2 Timote 2:8

Bu Jésus-Krist, David i anunman b'ɔ cɛnnin'n i akunndan. Kɛ n fa kɛn i jasin fɛ bɔ n bo'n i nun sa.

2 Timote 4:1

Ndɛ nga n wa kan kle wɔ yɛ'n, Nyanmiɛn nin Krist-Jésus b'ɔ wa di be nga be wuli'n nin be nga bé nyin o su'n be ndɛ'n, be ti n lalofuɛ. I balɛ b'ɔ wa ba'n nin i famiɛn b'ɔ wa di'n ti, n ´srɛ wɔ kpa,

2 Timote 4:8

Siɛn'n, like nga be fa yo sran ng'ɔ yo kpa'n i mo'n, b'a sie i lɔ a sie min. E Min'n b'ɔ di jɔlɛ nanwlɛ nun'n yɛ ɔ ´fa man min jɔlɛ dilɛ cɛn sɔ'n nun-ɔn. Nán min ngunmin yɛ ɔ ´fa man min-ɔn, sanngɛ ɔ ´fa man be kwlaa nga bé nyin tɛ o balɛ i sin'n.

Hébreu 9:27

Be sieli i kɛ sran wu kpɛ kunngba, i sin be fɛ i kɔ Nyanmiɛn ja su.

1 Piɛr 4:5

Sanngɛ be wa kan sa nga be yoli'n kle Nyanmiɛn b'ɔ wa di be nga bé nyin o su'n, nin be nga be wuli'n be jɔlɛ'n.

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.