Rɔmfuɛ Mun 2:14 - NYANMIƐN NDƐ'N 1998

¹⁴ Afin kɛ be bɔ be ti-man Zuif'n bɔ be si-man mmla'n be yo sa nga be klɛli mmla'n nun kɛ sran `yo'n, kannzɛ be lɛ-mɛn i sɔ mmla'n, sanngɛ sa nga be yo'n ɔ kle kɛ be lɛ be bɔbɔ be mmla.

Nyanmien nde Ufle

¹⁴ Afin ke bé bo bé ti'a Juif'n bo bé si'a mmla'n bé yô sa nga bé klee mmla'n nun ke swran yô'n, kannze bé le'e i so mmla'n, sannge sa nga bé yô'n o klé ke bé le bé bobo bé mmla.

Rɔmfuɛ Mun 2:14 ပူးပေါင်းရင်းမြစ်များ

Sa nga bé yôli'n 10:35

sanngɛ nvle kwlaa nun'n, sran ng'ɔ sro i b'ɔ yo i klun sa'n, i klun jɔ i wun.

Sa nga bé yôli'n 14:16

Laa'n ɔ yacili nvle'm be kwlaa be yoli be bɔbɔ be klun sa.

Sa nga bé yôli'n 17:30

I nun bɔ sran'm be wun-man sa wlɛ'n, sa nga be yoli'n, Nyanmiɛn a fa sie-mɛn i klun, sanngɛ siɛn'n, ɔ kan kleli be kwlaa kɛ be kaci be nzuɛn'n.

Rɔmfuɛ Mun 1:32

Be si kɛ be klɛli i Nyanmiɛn mmla'n nun kɛ sran ng'ɔ yo i sɔ sa'n, ɔ nin kunlɛ fata, sanngɛ be yo, yɛ kɛ sran wie'm be yo sa kunngba sɔ'n, ɔ yo be fɛ.

Rɔmfuɛ Mun 2:12

Be kwlaa nga be si-man Moiz mmla'n bɔ be yo sa tɛ'n, be ´mlin, sanngɛ be su jran-man mmla'n su yɛ be ´di be jɔlɛ nin-ɔn. Sanngɛ be kwlaa nga be si mmla'n bɔ be yo sa tɛ'n, be ´jran mmla'n su yɛ be ´di be jɔlɛ nin-ɔn.

Rɔmfuɛ Mun 2:15

Kɛ be yo sɔ'n, ɔ kle kɛ be si sa nga be klɛli i mmla'n nun kɛ sran `yo'n be anwlɛn'n nun lɔ. Sa wlɛ bɔ be wun i'n nin be akunndan bɔ be bu'n man be wun sa nga sran yo'n i wlɛ, sɛ ɔ ti kpa o, sɛ ɔ ti tɛ o, be wun i wlɛ.

Rɔmfuɛ Mun 2:27

An si mmla'n kwlaa, yɛ be wlali amun klɛn, sanngɛ an tɔn mmla sɔ'n. ?Sɛ ɔ ti sɔ'n, sran nga b'a wlɛ-mɛn i klɛn sanngɛ ɔ fa mmla'n su'n, ɔ se-man kɛ amu'an di fɔ?

1 Korɛntfuɛ Mun 11:14

?Sran'm be nyrun, sɛ yasua kun sie i ti ndrɛ'n tɛnndɛn'n, ɔ ti-man nyannzuɛn?

1 Korɛntfuɛ Mun 9:21

Kɛ n ko yo nan m'an nyan be bɔ be di-man Moiz mmla'n su'n, sɛ n ju be nun'n, n yo min wun kɛ be sa. Kannzɛ n yo sɔ'n, nán kɛ n di-man Nyanmiɛn mmla'n su mlɔnmlɔn ti-ɔ, n di Krist liɛ'n su.

Efɛzfuɛ Mun 2:12

I nun sɔ nun'n, amun nin Krist di-man mlɔnmlɔn, yɛ an ti Izraɛl nvle'n nun aofuɛ, like nga Nyanmiɛn seli kɛ ɔ ´yo man i sran mun ndɛ ng'ɔ kan kleli Abraam ti'n, amun liɛ nun-man nun, kɛ an wo lɛ'n, an lɛ-man like bɔ an fa amún wla gua su-ɔ, an si-man Nyanmiɛn.

Efɛzfuɛ Mun 2:3

Laa e kwlaa e ti kɛ be sa, like nga klɔ sran konvi sɔ i'n yɛ e kunndɛ-ɔ, like kwlaa ng'ɔ yo e fɛ bɔ e bu i akunndan'n yɛ e yo-ɔ. Nzuɛn sɔ'n bɔ be wuli ye nin i'n ti'n, san Nyanmiɛn ´fa é wun ya kɛ ɔ fali sran wie'm bé wun ya'n sa.

Mmla'n 4:7

?Nvle nga be ti dandan bɔbɔ'n, be nun onin cɛ yɛ i amuɛn'm be mɛntɛn i dan kɛ Anannganman e Nyanmiɛn'n bɔ blɛ kwlaa nga e flɛ i'n ɔ mantan ye'n sa-a?

Filipfuɛ Mun 4:8

Aniaan mun, min ndɛ'n i atabo'n yɛ: man amun akunndan'n tran like kwlaa ng'ɔ ti kpa'n, nin sa kwlaa bɔ sran yo-ɔ ɔ ti kpa'n bé su, yɛlɛ: ndɛ nanwlɛ'n, nin like nga be bu i like kpa'n, nin like ng'ɔ ti i nuan su'n, nin sa ng'ɔ ti-man tɛ mlɔnmlɔn'n, nin like ng'ɔ ti klanman'n, yɛ ndɛ nga be ti-ɔ ɔ jɔ be klun'n.