Rɔmfuɛ Mun 2:13 - NYANMIƐN NDƐ'N 1998

¹³ Nán be nga be si mmla'n yɛ be ti sran kpa Nyanmiɛn nyrun-ɔn, sanngɛ be nga be fa su'n be yɛ Nyanmiɛn ´bu be sran kpa-a.

Nyanmien nde Ufle

¹³ Nanh bé nga bé ti mmla'n ye bé ti swran kpa Nyanmien nyruon, sannge bé nga bé fa su'n bé ye Nyanmien buh bé swran kpaa.

Rɔmfuɛ Mun 2:13 ပူးပေါင်းရင်းမြစ်များ

Jue Mun 143:2

N ti ɔ sufuɛ, nán se kɛ a ´bu min fɔ. Asiɛ nga su wa'n, sran fi nun-man wa bɔ fiɛn nun-mɛn i wun ɔ́ nyrun-ɔn .

Zeremi 11:6

Anannganman'n seli min kɛ: «Kan ndɛ ng'ɔ o yɛ'n Zida klɔ'm be su, kan sin Zerizalɛm akpɔ'm be su. Se kɛ: ‹An `nian aenguɛ sɔ'n su be nanti.

Ezekiɛl 20:11

N fali mín nuan su ndɛ nin min mmla'n n kleli be kɛ ɔ ´yo nan be nga be fa su'n b'a nyan nguan'n ti.

JÉSUS-CHRIST I DYASIN FE'N BO LUC KLELI'N 18:14

Nanwlɛ, kɛ gua bo sika defuɛ sɔ'n ´kɔ i awlo'n, Nyanmiɛn nin i be afiɛn a sɛ, sanngɛ ɔ nin kun'n be afiɛn a sɛ-man. Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

JÉSUS-CHRIST I DYASIN FE'N BO LUC KLELI'N 8:21

Ɔ seli be kɛ: «Min nin nin min niaan mun yɛlɛ be nga be ti Nyanmiɛn ndɛ'n bɔ be fa su'n.»

Jean 13:17

Sɛ an si sa sɔ'n nan an fa su'n, amun liɛ su ti ye.

Sa nga bé yôli'n 13:39

Sa nga kɛ an fa Moiz mmla'n su'n amu'an nyan-man amún ti be nun'n, siɛn'n, sran kwlaa ng'ɔ lafi Krist su'n, ɔ ´nyɛn i ti sa sɔ'm be nun.

Rɔmfuɛ Mun 10:5

Afin Moiz kannin mmla'n bɔ be fa su yɛ be yo sran kpa'n i ndɛ kɛ: «Sran ng'ɔ fa mmla'n su'n, ɔ ´nyan nguan .»

Rɔmfuɛ Mun 2:25

Nanwlɛ, sɛ an fa mmla'n su'n, klɛn wlalɛ'n ti kpa, sanngɛ sɛ an fa-man su'n, klɛn wlalɛ'n yo-man sa fi ye.

Rɔmfuɛ Mun 3:20

Nyanmiɛn su bu-man sran fi sran kpa i mmla'n su falɛ'n ti, afin mmla'n ti yɛ man be si like nga be flɛ i kɛ sa tɛ nin-ɔn .

Rɔmfuɛ Mun 3:23

Afin sran'm be kwlaa be yoli sa tɛ, ɔ man anyrunnyan nga Nyanmiɛn waan ɔ ´man be'n, ɔ to fuannin be.

Rɔmfuɛ Mun 3:30

afin be nga be lafi i su'n sɛ be wlali be klɛn o, sɛ b'a wla-man be klɛn o, Nyanmiɛn kunngba'n yɛ ɔ bu be sran kpa-a .

1 Korɛntfuɛ Mun 4:4

N klun ti-man min sa fi nun, sanngɛ nɛ́n i sɔ'n ti yɛ man mín wun sali-ɔ. E Min'n yɛ ɔ ti n jɔlɛ difuɛ-ɔ.

Galasifuɛ Mun 2:16

Kannzɛ e ti sɔ'n, e si kɛ Nyanmiɛn bu-man sran fi sran kpa mmla'n b'ɔ fa su'n ti, san Krist-Jésus su bɔ sran lafi'n ti yɛ man Nyanmiɛn bu i sran kpa-a. E kusu, kɛ ɔ ko yo nan Nyanmiɛn a bu e sran kpa Krist bɔ e lafi i su'n ti'n, nan ɔ'a yo-man kɛ mmla'n bɔ e fa su'n ti yɛ ɔ bu ye sran kpa'n, i ti yɛ e lafili Krist-Jésus su-ɔ. Afin Nyanmiɛn su bu-man sran fi sran kpa mmla'n b'ɔ fa su'n ti .

Galasifuɛ Mun 5:4

Amun bɔ amun waan amun ´fa mmla'n su nan Nyanmiɛn bu amun sran kpa'n, amun nin Krist amu'an bu, yɛ ye nga Nyanmiɛn yo sran'n, ɔ'a to a fuan amun.

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Mmla'n 5:1

Moiz flɛli Izraɛlfuɛ'm be kwlaa, nan ɔ'a se be kɛ: Izraɛlfuɛ mun, amun `tie mmla fanunfanun nga n ´kan be n ´kle amun ndɛ yɛ'n. Amun `suan be, yɛ amun `nian bé su `nanti.

Mmla'n 6:3

Izraɛlfuɛ mun, amun `fa amun su sie mmla sɔ'm be su nan amun `fa bé su. I liɛ'n, amun wun ´jɔ amun fɔuun, kpɛkuun amun ´trɛ dan kɛ Anannganman amun Nyanmiɛn'n kannin'n sa. Ɔ seli amun kɛ mɛn ng'ɔ ´fa man amun'n, i asiɛ'n ɔ ´yo like ye kpa, yɛ i kunngba'n ɔ ti nnɛn tawlɛ klanman.

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.

1 Jean 2:29

An si kɛ Krist ti sran kpa, i sɔ'n ti, sran kwlaa ng'ɔ yo sa ng'ɔ ti i nuan su'n, ɔ ti Nyanmiɛn wa.

1 Jean 3:7

M mma mun, nán an fa amun wun man sran fi man ɔ laka amun. Sran ng'ɔ yo sa b'ɔ kɔ atin su'n, ɔ ti sran kpa kɛ Krist ti sran kpa'n sa.