Rɔmfuɛ Mun 2:12 - NYANMIƐN NDƐ'N 1998

¹² Be kwlaa nga be si-man Moiz mmla'n bɔ be yo sa tɛ'n, be ´mlin, sanngɛ be su jran-man mmla'n su yɛ be ´di be jɔlɛ nin-ɔn. Sanngɛ be kwlaa nga be si mmla'n bɔ be yo sa tɛ'n, be ´jran mmla'n su yɛ be ´di be jɔlɛ nin-ɔn.

Nyanmien nde Ufle

¹² Bé kwlaa nga bé si'a Moïse mmla'n bo bé yô sa te'n, béh mlinh, sannge bé su dyra'an mmla'n su ye béh dih bé dyole nion. Sannge bé kwlaa nga bé si mmla'n bo bé yô sa te'n, béh dyranh mmla'n su ye béh dih bé dyole nion.

Rɔmfuɛ Mun 2:12 ပူးပေါင်းရင်းမြစ်များ

Matthieu 11:22

I sɔ'n ti, n ´kan kle amun kɛ, jɔlɛ dilɛ cɛn'n nun'n, Tirfuɛ mun nin Sidɔnfuɛ mun be nyrɛnnɛn liɛ'n ɔ ´yo sɔsɔ tra amun liɛ'n.

Matthieu 11:24

I sɔ'n ti, n ´kan kle amun kɛ jɔlɛ dilɛ cɛn nun'n Sodɔmfuɛ'm be nyrɛnnɛn liɛ'n ɔ ´yo sɔsɔ tra amun liɛ'n.»

Jean 19:11

Jésus tɛli i su kɛ: «Sɛ Nyanmiɛn a man-man wɔ atin'n, a kwla yo-man n sa fi. I sɔ'n ti'n, sran ng'ɔ fa min mannin wɔ'n, i fɔ'n b'ɔ dili'n i dan tra ɔ liɛ'n.»

Sa nga bé yôli'n 2:23

Kɛ Nyanmiɛn bɔbɔ dun mmua buli i akunndan b'ɔ sieli i kɛ be `fa bian sɔ'n be man sran mun'n, be kunnin i.

Rɔmfuɛ Mun 1:32

Be si kɛ be klɛli i Nyanmiɛn mmla'n nun kɛ sran ng'ɔ yo i sɔ sa'n, ɔ nin kunlɛ fata, sanngɛ be yo, yɛ kɛ sran wie'm be yo sa kunngba sɔ'n, ɔ yo be fɛ.

Rɔmfuɛ Mun 4:15

Mmla'n yɛ man sran kun Nyanmiɛn ya-a, afin sɛ mmla'n nun-man lɛ'n, wuun be tɔn-man.

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

1 Korɛntfuɛ Mun 9:21

Kɛ n ko yo nan m'an nyan be bɔ be di-man Moiz mmla'n su'n, sɛ n ju be nun'n, n yo min wun kɛ be sa. Kannzɛ n yo sɔ'n, nán kɛ n di-man Nyanmiɛn mmla'n su mlɔnmlɔn ti-ɔ, n di Krist liɛ'n su.

Galasifuɛ Mun 3:10

Afin be kwlaa nga be fa bé wla gua mmla'n su falɛ su'n, bé wun su jɔ-man be le, afin be klɛli i kɛ: «Sran kwlaa ng'ɔ fa-man ndɛ nga be klɛli i mmla fluwa nun'n i kwlaa su titi'n, i wun jɔ-mɛn i le .»

Galasifuɛ Mun 3:22

Sanngɛ e kɛnngɛn i Nyanmiɛn Ndɛ nga be klɛli'n nun kɛ sa tɛ'n ti mɛnmɛnfuɛ'm be kwlaa be nzuɛn. Ɔ yoli sɔ nan like nga Nyanmiɛn waan ɔ ´yo man sran'n, be nga be fa ndɛ sɔ'n su'n be nyɛn i Jésus-Krist bɔ be lafi i su'n ti.

Mmla'n 27:26

«Sran nga ɔ'a fa-man mmla nga i nun ndɛ'm bé su'n, nan ɔ'a nian-man su ɔ'a nanti-man'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

Jacques 2:10

Afin sran ng'ɔ fa mmla'n kwlaa su b'ɔ yaci kun'n, wuun ɔ'a saci i kwlaa.