Rɔmfuɛ Mun 2:11 - NYANMIƐN NDƐ'N 1998

¹¹ Afin Nyanmiɛn liɛ'n, ɔ kpa-man sran nun .

Nyanmien nde Ufle

¹¹ Afin Nyanmien lie'n, o kpa'a swran nun.

Rɔmfuɛ Mun 2:11 ပူးပေါင်းရင်းမြစ်များ

2 Be Nyoliɛ 19:7

I sɔ'n ti, amun nyin `yi Anannganman kpa. Like nga amun yo i sa'n, amun `nian su kpa. Yɛlɛ kɛ Anannganman e Nyanmiɛn'n klo-man gblɛgblɛ sa mun nin sran nun kpalɛ'n, ɔ nin adi ninnge nga be fa kaci sran akunndan'n.»

Zɔb I Nyrɛnnɛn Wunlɛ 34:19

I liɛ'n, ɔ sa-man famiɛn i awlo lɔ sran dandan'm be nyan. Ɔ bu-man sikafuɛ'm be sran tra-man yalɛfuɛ mun. Afin i yɛ ɔ yili be kwlakwla-a.

Matthieu 22:16

Be sunmannin be sɔnnzɔnfuɛ mun nin Erɔdfuɛ mun Jésus wun lɔ, be wa seli i kɛ: «Nja, e si kɛ a di nanwlɛ yɛ a kle sran mun Nyanmiɛn atin'n nanwlɛ nun, yɛ e si kɛ a sro-man sran fi, afin a nian-man sran nyrun yɛ a yo sa-a.

JÉSUS-CHRIST I DYASIN FE'N BO LUC KLELI'N 20:21

Sran sɔ'm be wa seli Jésus kɛ: «Nja, e si kɛ ndɛ nga a kan'n nin like nga a kle'n ɔ ti nanwlɛ, a nian-man sran nyrun yɛ a yo sa-a, yɛ a kpa-man sran nun, sanngɛ a kle sran mun Nyanmiɛn atin'n weiin.

Sa nga bé yôli'n 10:34

Yɛ Piɛr kusu seli kɛ: «Nanwlɛ, m'an wun i wlɛ kɛ Nyanmiɛn liɛ'n, ɔ kpa-man sran nun ,

Rɔmfuɛ Mun 9:14

?Ɔ man e ´se sɛ? ?E ´se kɛ Nyanmiɛn yo-man sa i nuan su? Ɔ ti-man sɔ mlɔnmlɔn!

Galasifuɛ Mun 2:6

Be nga be ti be nun kpakpa'n, sɛ be ti sɛ be ti sɛ laa o, nán min ndɛ-ɔ, afin Nyanmiɛn liɛ'n ɔ nian-man sran nyrun yɛ ɔ yo i sa liɛ nin-ɔn. Be kpakpa sɔ'm be liɛ'n, b'a se-man n kɛ n yo like uflɛ fi .

Efɛzfuɛ Mun 6:9

Amun bɔ an lɛ kanga'n, amun kusu, akunndan kunngba nga amun kanga'm be bu i amun wun'n, an `bu bé wun wie. Nán an kpankpan bé su, afin an si kɛ amun kwlaa amun Min'n ti kun, ɔ o nyanmiɛn su lɔ, i liɛ'n ɔ kpa-man sran nun .

Mmla'n 10:17

Yɛlɛ kɛ Anannganman amun Nyanmiɛn'n ɔ ti dan tra amuɛn'm be ngba. Ɔ ti miɛn'm be Miɛn. Ɔ ti Nyanmiɛn Kpli, ɔ lɛ wunmiɛn, ɔ yo sro, ɔ kpa-man sran nun, be cɛ i like kɛ ɔ jran bé sin-ɔn ɔ yo-man ye.

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.

Kolɔsfuɛ Mun 3:25

Afin sran ng'ɔ yo sa ng'ɔ ti-man kpa'n, ɔ ´nyɛn i nuan like yɛlɛ kɛ Nyanmiɛn kpa-man sran nun .

1 Piɛr 1:17

An flɛ Nyanmiɛn b'ɔ nian-man sran nyrun yɛ ɔ di jɔlɛ'n, sanngɛ ndɛ sin yɛ ɔ jran di jɔlɛ'n, amun Si. I sɔ'n ti, kɛ an tɛ wo asiɛ'n su wa'n, an `yo sa ng'ɔ kle kɛ amún nyin yi i'n.