Rɔmfuɛ Mun 2:1 - NYANMIƐN NDƐ'N 1998

¹ I sɔ'n ti'n, amun kwlaa bɔ an bu sran fɔ'n, an lɛ-man ndɛ fi. Afin kɛ an bu sran fɔ bɔ an yo sa kunngba nga sran sɔ'n yo'n, an bu amun bɔbɔ amun wun fɔ.

Nyanmien nde Ufle

¹ I so'n ti, amun kwlaa bo an bu swran fo'n, an le'a nde fi. Afin ke an bu swran fo bo an yô sa kunngba nga swran so'n yô'n, an bu amun bobo amun wun fo.

Rɔmfuɛ Mun 2:1 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 12:14

Yɛ Jésus seli i kɛ: «?Nja, wan yɛ ɔ fa min sieli kɛ n yo amun jɔlɛ difuɛ nin amun ninnge cɛfuɛ-ɔ?»

JÉSUS-CHRIST I DYASIN FE'N BO LUC KLELI'N 19:22

Yɛ wlengbi'n seli i kɛ: ‹A ti sran tɛ, ɔ ndɛ'n b'ɔ fin ɔ́ nuan fite'n ɔ bu wɔ fɔ, a si kɛ n ti sran bɔ min like yolɛ yo ya, a si kɛ n fa like ng'ɔ ti-man n liɛ'n yɛ n kpɛ awie nga nán min yɛ n guali'n.

JÉSUS-CHRIST I DYASIN FE'N BO LUC KLELI'N 6:37

«Nán an kan sran wun ndɛ, yɛ Nyanmiɛn su kan-man amún wun ndɛ, nán an bu sran fɔ, yɛ Nyanmiɛn su bu-man amun fɔ, an `yaci sa nga be yo amun'n cɛ , yɛ Nyanmiɛn kusu ɔ ´yaci amun liɛ'n cɛ amun-ɔn.

Rɔmfuɛ Mun 14:22

Ɔ sa wlɛ'n bɔ a wun i sɔ'n, man ɔ tran a nin Nyanmiɛn amun afiɛn. Sran ng'ɔ wun like ng'ɔ yo'n i wlɛ b'ɔ wun kɛ sɛ ɔ yo-ɔ i klun su ti-mɛn i'n, i liɛ su ti ye!

Rɔmfuɛ Mun 2:2

E si kɛ Nyanmiɛn di be nga be yo i sɔ sa'n be jɔlɛ nanwlɛ su.

Rɔmfuɛ Mun 2:3

?Amun bɔ an bu sran fɔ i sɔ sa'n ti'n bɔ sanngɛ an yo sa kunngba'n, an bu kɛ Nyanmiɛn su bu-man amun fɔ wie?

Rɔmfuɛ Mun 3:9

?Sɛ ɔ ti sɔ'n, e ´yo i sɛ? ?E Zuif mun e ti kpa tra sran nga mun? Ɔ ti-man sɔ mlɔnmlɔn! Afin y'a dun mmua se kɛ sa tɛ'n ɔ'a ka sran'm be kwlaa be nun, Zuif mun o, sran wie mun o.

Rɔmfuɛ Mun 9:20

?Ɔ bɔ a usa sɔ'n, a ti ɔ liɛ sɛ bɔ a yiyi Nyanmiɛn nuan nun-ɔn? ?Like nga be fa ufa wu'n, ɔ kwla usɛ i ufuɛ'n kɛ: «Ɔ yo sɛ ti yɛ a wuli n sɔ-ɔ ?»

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

1 Korɛntfuɛ Mun 7:16

? Mmo, sɛ ɔ ti yɛ man ɔ́ wun'n ɔ ´nyɛn i ti o, a wun i wlɛ sɛ? ?Nja, sɛ ɔ ti yɛ man ɔ́ yi'n ɔ ´nyɛn i ti o, a wun i wlɛ sɛ?

Jacques 2:20

Eee, sran finfinfuɛ! ?A klo kɛ a wun i wlɛ kɛ sran ng'ɔ se kɛ ɔ lafi Nyanmiɛn su, sanngɛ ɔ yo-man sa kpakpa'n, i Nyanmiɛn su b'ɔ lafi'n ɔ yo-man sa fi ye?

Jacques 4:11

Aniaan mun, nán an kan amun wiengu wun ndɛ tɛ. Sran ng'ɔ kɛn i niaan wun ndɛ tɛ annzɛ ɔ bu i fɔ'n, wuun mmla'n yɛ ɔ kɛn i ndɛ tɛ kɛ ɔ ti sa ɔ ti sa-a. Ɔ man sɛ an se kɛ mmla'n ti sa ti sa'n, wuun amun waan ɔ ti-man kpa.