Rɔmfuɛ Mun 16:7 - NYANMIƐN NDƐ'N 1998

⁷ N ´yo Andrɔnikis nin Zinias bɔ be ti n osufuɛ'n, be like. Be ti n wiengu bisuafuɛ, be nga Jésus sunmannin be'n, be bo be dunman kpa. Be dun mmua fa be wun mannin Krist nan man fa min wun a mɛn i.

Nyanmien nde Ufle

⁷ Nh yôh Andronicus nin Junias bo bé ti n wôsufue'n, bé liké. Bé ti n wiéngu bisuafue, bé nga Jésus sunmaan bé'n, bé bô bé dunman kpa. Bé dun mmua fa bé wun maan Christ, nan man fa min wun a men.

Rɔmfuɛ Mun 16:7 ပူးပေါင်းရင်းမြစ်များ

Ezai 45:17

Sanngɛ Izraɛlfuɛ'm be liɛ'n, Anannganman yɛ ɔ de be-ɔ, be ´ka sɔ tititi. Be nyin su gua-man ase le, Be su wun-man nyannzuɛn le .

Ezai 45:25

Sanngɛ Anannganman ɔ ´bu Izraɛlfuɛ'm be sran kpa, yɛ be ´fɛ i sɔ'n di bé nuan.

Jean 14:20

I cɛn sɔ'n nun'n, amun ´wun i wlɛ kɛ min nin n Si e ti sran wunmuan, yɛ amun wun i wlɛ kɛ min nin amun kusu y'a kaci sran wunmuan.

Jean 15:2

N sama kwlaa ng'ɔ su-man'n, ɔ kpɛ, yɛ ng'ɔ su'n, ɔ kpɛkpɛ su nan ɔ `yo kpa yɛ ɔ `su tra laa liɛ'n.

Jean 6:56

Sran ng'ɔ di min nnɛn'n b'ɔ nɔn min mmoja'n, wuun min nin i y'a kaci sran wunmuan, e su ti-man nun.

Rɔmfuɛ Mun 16:10

N ´yo Apɛlɛs b'ɔ ti Kristfuɛ kpa'n, i like. N ´yo Aristɔbil i awlofuɛ mun be like.

Rɔmfuɛ Mun 16:11

N ´yo Erɔdiɔn b'ɔ ti n osufuɛ'n, i like. N ´yo Narsis i awlofuɛ'm bɔ be lafi e Min'n su'n, be like.

Rɔmfuɛ Mun 16:21

Timote b'ɔ ti n wiengu bɔ min nin i e junman'n, nin Lisiis, nin Zazɔn, nin Sozipatɛr be ´yo amun like, yɛ n osufuɛ'm be ´yo amun like kusu.

Rɔmfuɛ Mun 16:3

N ´yo Priska nin Akilas bɔ be ti n wiengu bɔ e nin be di Krist-Jésus i junman'n, be like.

Rɔmfuɛ Mun 16:6

N ´yo Mari b'ɔ dili junman dan mannin amun'n, i like.

Rɔmfuɛ Mun 16:8

N ´yo Anplias b'ɔ ti n sran kpa e Min'n ti'n, i like.

Rɔmfuɛ Mun 16:9

N ´yo Irbɛn bɔ ti e wiengu'n bɔ e nin e di Krist i junman ɔ nin Stasis b'ɔ ti n sran kpa'n, be like.

Rɔmfuɛ Mun 8:1

I sɔ'n ti siɛn'n be nga be nin Krist-Jésus b'a kaci sran wunmuan'n, Nyanmiɛn su bu-man be fɔ kun .

Rɔmfuɛ Mun 8:11

Nyanmiɛn b'ɔ cɛnnin Jésus'n i Wawɛ'n tran amun nun kɛ i awlo sa, i b'ɔ cɛnnin Krist-Jésus sɔ'n, ɔ man amun kusu bɔ amun wu'n, amun ´yo juejue i Wawɛ b'ɔ tran amun nun sɔ'n ti .

Rɔmfuɛ Mun 9:3

Afin sɛ Nyanmiɛn bo n sannzan bɔ min nin Krist e bu nan n niaan'm bɔ min nin be e ti nvle kun'n be nyan bé ti'n, n ´se Nyanmiɛn kɛ ɔ yo n sɔ .

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

2 Korɛntfuɛ Mun 11:23

M ´ma kan ndɛ kɛ m'an jinmin sa: Sɛ be ti Krist junman difuɛ'n, n kusu n ti i junman difuɛ'n wie dan. N di junman trali be, be wlali min bisua trali be, be boli min trali su. Cɛn kwlaa n trannin wie'n i nuan,

2 Korɛntfuɛ Mun 12:2

N si Kristfuɛ kun bɔ Nyanmiɛn mɛnnin i su lele fa juli nyanmiɛn su mmua kpa lɔ i afuɛ blu-nin-nnan yɛ, sɛ ɔ mɛnnin i su sakpa o, sɛ kusu ɔ man ɔ wunnin like aolia nun o, n wun-mɛn i wlɛ, Nyanmiɛn yɛ ɔ wun i wlɛ-ɔ.

2 Korɛntfuɛ Mun 5:17

Sɛ sran kun nin Krist be kaci sran wunmuan'n, wuun Nyanmiɛn ɔ'a bo i uflɛ, i akunndan'n nin i nzuɛn laa'n ɔ'a wie, i akunndan'n nin i nzuɛn'n kwlaa a kaci.

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

Galasifuɛ Mun 1:22

I nun sɔ'n nun'n, Krist i asɔnunfuɛ nga be o Zide lɔ'n, be si-man min,

Galasifuɛ Mun 2:2

Sa ti bɔ n wɔli'n yɛlɛ kɛ Nyanmiɛn seli n kɛ n wɔ. Min nin be kaklaakla mun e yiali e ngunmin kan, yɛ jasin fɛ'n bɔ n kan kle be nga be ti-man Zuif'n, n kan n kleli be nan n junman nga n dili i laa'n, nin nga n tɛ di'n, min sa a kpi-man ase.

Galasifuɛ Mun 2:6

Be nga be ti be nun kpakpa'n, sɛ be ti sɛ be ti sɛ laa o, nán min ndɛ-ɔ, afin Nyanmiɛn liɛ'n ɔ nian-man sran nyrun yɛ ɔ yo i sa liɛ nin-ɔn. Be kpakpa sɔ'm be liɛ'n, b'a se-man n kɛ n yo like uflɛ fi .

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Galasifuɛ Mun 6:15

Sɛ be wla klɛn o, sɛ b'a wla-man klɛn o, nɛ́n i li yɛ be nian-an, nga be nian'n yɛlɛ uflɛ bɔ Nyanmiɛn bo ye'n.

Efɛzfuɛ Mun 2:10

Afin e ti i sa nuan like, kɛ e nin Krist-Jésus e yoli sran wunmuan'n, Nyanmiɛn boli ye uflɛ nan e `yo nyoliɛ kpakpa ng'ɔ dun mmua sieli ye kɛ e `yo'n.

Kolɔsfuɛ Mun 4:10

Aristark b'ɔ nin min o bisua'n nun wa'n ɔ nin Barnabas i niaan Mark be ´yo amun like. B'a dun mmua kɛn i ndɛ a kle amun kɛ sɛ ɔ ba amun wun lɔ'n, an sɔ i nun kpa.

Filemɔn 1:23

Epafras b'ɔ ti n wiengu bisuafuɛ Krist ti'n, ɔ ´yo wɔ like .

1 Jean 4:13

Sa nga b'ɔ man e si kɛ e nin Nyanmiɛn y'a kaci sran wunmuan nan e nin i e tran'n yɛlɛ kɛ ɔ fɛ i Wawɛ'n mannin ye.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

Sa nglô yile 1:9

Min Zan bɔ n ti amun niaan'n, kɛ e nin Jésus e kacili sran wunmuan'n ti, ɔ man min nin amun e wun nyrɛnnɛn, ɔ sie ye, yɛ e tra ye anwlɛn. Nyanmiɛn ndɛ nin Jésus ndɛ bɔ n kan'n ti, be fa min ɔli lika bɔ be flɛ i Patmɔs'n, bɔ nzue sin yiɛ i'n nun.