Rɔmfuɛ Mun 16:26 - NYANMIƐN NDƐ'N 1998

²⁶ Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i.

Nyanmien nde Ufle

²⁶ sannge sien'n, fluwa nga i nuan idyofue'm bé kleli'n man ya wun i wle wéiin. Anannganman Nyanmien siéli i so nan bé kwlaa nga bé ti'a Juif'n bé lafi i su ye bé nyin yii.

Rɔmfuɛ Mun 16:26 ပူးပေါင်းရင်းမြစ်များ

Bo Bolɛ 21:33

Abraam tali tamaris waka kun Beɛr-Seba lɛ nan ɔ'a bo Anannganman b'ɔ ti adudua'n i dunman ɔ'a srɛ i.

Ezai 40:28

?Amun si-man sɔ? ?B'a kan kle-man amun? Anannganman Nyanmiɛn b'ɔ ti adudua'n yɛ ɔ yili asiɛ'n kɛ ɔ fɛ i bue kun su lele fa ju i bue kun su lɔ nin-ɔn. I wunmiɛn'n wie-man, ɔ fɛ-man. Be kwla wun-mɛn i ngwlɛlɛ'n i bo.

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Marc 16:15

Yɛ ɔ seli be kɛ: «An `wɔ mɛn wunmuan'n nun, an `kan jasin fɛ'n kle sran'm be kwlaa bɔ Nyanmiɛn yili be'n .

Sa nga bé yôli'n 10:43

Nyanmiɛn nuan ijɔfuɛ'm be kwlaa be kɛnnin i ndɛ kɛ sran kwlaa ng'ɔ lafi i su'n, i dunman nun Nyanmiɛn ´yaci i wun sa'n cɛ i.»

Sa nga bé yôli'n 6:7

Nyanmiɛn ndɛ'n truli, yɛ Jésus sɔnnzɔnfuɛ'm be trɛli dan kpa Zerizalɛm lɔ. Nyanmiɛn nyrun jranfuɛ kpanngban kpa be fa ndɛ bɔ Kristfuɛ'm be fa su'n i su wie.

Rɔmfuɛ Mun 1:2

b'ɔ yoli man i nuan ijɔfuɛ'm be kɛnnin i ndɛ laa i Ndɛ nga be klɛli'n nun'n.

Rɔmfuɛ Mun 1:20

Sran nyinma wun-man Nyanmiɛn'n, sanngɛ kɛ ɔ fin cɛn ng'ɔ yili mɛn'n, ninnge kwlaa ng'ɔ yo be bɔ be wun be'n, ɔ man be wun i wlɛ weiin kɛ Nyanmiɛn o lɛ yɛ ɔ kwla sa'n kwlaa yo. I sɔ'n ti be lɛ-man ndɛ fi .

Rɔmfuɛ Mun 1:5

I ti yɛ Nyanmiɛn bu n sran-an, ɔ sunmannin min kɛ n kɛn i ndɛ'n kle nvle-nvle'n kwlaa i bɔbɔ dunman nun nan be lafi i su yɛ bé nyin yi i.

Rɔmfuɛ Mun 15:18

N lɛ-man ndɛ fi n kan-man san ndɛ nga Krist man n kan kle be b'ɔ man bé nyin yi Nyanmiɛn'n,

Rɔmfuɛ Mun 15:4

Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

Rɔmfuɛ Mun 3:21

Sanngɛ siɛn'n, Nyanmiɛn kle ye wafa ng'ɔ fa bu sran sran kpa'n, b'ɔ fin-man mmla'n nun'n, afin be klɛli i mmla'n nun yɛ Nyanmiɛn nuan ijɔfuɛ'm be kɛn i ndɛ kɛ,

Galasifuɛ Mun 3:8

Yɛ be boli su Nyanmiɛn Ndɛ nga be klɛli'n nun kɛ cɛn wie be nga be ti-man Zuif bɔ be lafi Nyanmiɛn su'n, ɔ ´bu be sran kpa, ɔ man ɔ boli ndɛ fɛ sɔ'n su kleli Abraam, ɔ seli i kɛ: «Ɔ ti'n, n ´yo nvle-nvle'm be kwlaa be nunfuɛ'm be ye .»

Efɛzfuɛ Mun 1:9

ɔ man e si i klun sa b'ɔ fiɛli sran'm be nyrun'n, ɔ nin sa klanman nga i waan Krist `yo man ye'n.

Efɛzfuɛ Mun 2:20

An ti kɛ sua bɔ be fa tɛkɛ i bo nga be bɔ Jésus sunmannin be'n be nin Nyanmiɛn nuan ijɔfuɛ'm be wlɛli i ase'n i su'n sa, yɛ Jésus-Krist bɔbɔ yɛ ɔ ti yɛbuɛ kpa b'ɔ tra sua sɔ'n i cɔnjɔ'n i ase nin-ɔn.

Mmla'n 33:27

Kɛ ɔ fin lalafuɛ nun lele'n, Nyanmiɛn yɛ ɔ ti ɔ fiawlɛ nin-ɔn. I fanngan b'ɔ o lɛ titi'n ti, ɔ sasa wɔ. Ɔ fuan ɔ kpɔfuɛ mun ɔ nyrun. Ɔ se wɔ kɛ: ‹Nunnun be.›

Kolɔsfuɛ Mun 1:26

I ndɛ sɔ'n, kɛ ɔ fin lalafuɛ nun'n, ɔ fiɛli i sran'm be kwlaa be nyrun, sanngɛ siɛn'n ɔ'a yi i nglo a kle i sran mun.

1 Timote 1:17

Famiɛn b'ɔ ti anannganman'n, b'ɔ wu-man, bɔ be wun-mɛn i'n, b'ɔ ti Nyanmiɛn bɔ like fi nun-mɛn i sin'n, man be mɛnmɛn i, yɛ be yi i ayɛ tititi, nán be yaci i le! Man ɔ yo sɔ!

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

2 Timote 1:10

E blɛ liɛ'n su kɛ e Defuɛ Krist-Jésus bali'n, yɛ ɔ yili ye sɔ'n i nglo-ɔ. Ɔ sacili wie'n i kwlalɛ'n, yɛ i jasin fɛ'n ti ɔ man y'a si nguan b'ɔ man sran wu-man'n.

Hébreu 13:8

Kɛ Jésus-Krist fa ti anunman'n, ɔ ti sɔ ndɛ, yɛ ɔ ti sɔ tititi.

Hébreu 9:14

Sɛ ɔ ti sɔ'n, Krist kwla fɛ i mmoja liɛ'n kusu yo like b'ɔ tra wun fiɛn kplolɛ'n fatifati! Kɛ ɔ ti aolia nun sran b'ɔ ti anannganman'n ti'n, ɔ fɛ i bɔbɔ bɔ fiɛn kaan sa nun-mɛn i wun'n mannin Nyanmiɛn. Ɔ man like nga be yo-man like fi ye bɔ e yo be man e klun titi ye'n, ɔ ´wie nan e ´kwla su Nyanmiɛn b'ɔ lafi-man'n!

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

Sa nglô yile 1:17

Kɛ n wunnin i'n, n finnin ase i bo lɛ, yɛ n kacili kɛ fuɛn sa. Ɔ fɛ i sa fama'n fuali min wun yɛ ɔ seli kɛ: «Nán srɛ kun wɔ ! Min yɛ n ti like'n kwlaa i klikli nin i awieliɛ nin-ɔn.

Sa nglô yile 19:10

Yɛ n utuli mín nyin ase i bo lɛ kɛ m ´mɛnmɛn i, sanngɛ ɔ seli min kɛ: «Nán yo sɔ! Wɔ nin ɔ niaan nga be fa ndɛ nanwlɛ nga Jésus yili nglo'n i su'n, n ti amun wiengu junman difuɛ. Koto Nyanmiɛn bo mɛnmɛn i! Ndɛ nanwlɛ nga Jésus yili i nglo'n yɛ man Nyanmiɛn nuan ijɔfuɛ'm be kɛn i bɔbɔ Nyanmiɛn i nuan ndɛ nin-ɔn.»