Rɔmfuɛ Mun 16:21 - NYANMIƐN NDƐ'N 1998

²¹ Timote b'ɔ ti n wiengu bɔ min nin i e junman'n, nin Lisiis, nin Zazɔn, nin Sozipatɛr be ´yo amun like, yɛ n osufuɛ'm be ´yo amun like kusu.

Nyanmien nde Ufle

²¹ Timothée b'o ti n wiéngu dyunman nun'n, nin Lucius, nin Jason, nin Sosipater, ye n wôsufue mun béh yôh amun liké.

Rɔmfuɛ Mun 16:21 ပူးပေါင်းရင်းမြစ်များ

Sa nga bé yôli'n 13:1

Asɔnun ng'ɔ o Antiɔs lɔ'n, Nyanmiɛn nuan ijɔfuɛ mun nin like klefuɛ'm be o nun. Be yɛ: Barnabas yɛ Simɔn bɔ be flɛ i Nizɛr'n, Lisiis b'ɔ fin Sirɛni'n, Manaɛn bɔ nin Erɔd b'ɔ sie nvle'n i bue'm be kaan nun be tran awlo kun nun'n, yɛ Sɔl.

Sa nga bé yôli'n 17:14

Kpɛkuun e niaan'm be yoli man Pɔl ɔli jenvie'n nuan lɔ, sanngɛ Silas nin Timote be kali lɛ.

Sa nga bé yôli'n 17:5

Sanngɛ Zuif'm be fali bé nyin cili Pɔl nin Silas. Be ko tuli sran wie bɔ be lɛ-man like yo-man'n, yɛ be ko yiali sran kpanngban be tɔli klɔ'n su, yɛ awuyomo'n tɛli klɔ'n nun-ɔn. Be tɔli Zazɔn i awlo'n su kɛ be ´tra Pɔl nin Silas kɔ nzra nun lɔ.

Sa nga bé yôli'n 18:5

Sanngɛ kɛ Silas nin Timote be fin Maseduani bali'n, Pɔl fɛ i wun mannin Nyanmiɛn ndɛ kanlɛ'n mlɔnmlɔn. Ɔ kan kle Zuif'm be weiin kɛ Jésus yɛ ɔ ti Krist nin-ɔn.

Sa nga bé yôli'n 19:22

Ɔ man Timote nin Erast bɔ be ukɛ i'n be dunnin mmua Maseduani lɔ, yɛ i bɔbɔ kali Azi mɛn'n nun lɛ kan.

Sa nga bé yôli'n 20:4

I sunmanfuɛ mun yɛlɛ Piris b'ɔ fin Bere'n i wa Sopatɛr, nin Aristark, nin Sekɔndis bɔ be fin Tɛsalonik'n, nin Gaiis b'ɔ fin Dɛrbu'n, nin Timote, ɔ nin Tisik nin Trofim bɔ be fin Azi mɛn'n nun'n.

Rɔmfuɛ Mun 16:11

N ´yo Erɔdiɔn b'ɔ ti n osufuɛ'n, i like. N ´yo Narsis i awlofuɛ'm bɔ be lafi e Min'n su'n, be like.

Rɔmfuɛ Mun 16:7

N ´yo Andrɔnikis nin Zinias bɔ be ti n osufuɛ'n, be like. Be ti n wiengu bisuafuɛ, be nga Jésus sunmannin be'n, be bo be dunman kpa. Be dun mmua fa be wun mannin Krist nan man fa min wun a mɛn i.

Rɔmfuɛ Mun 9:3

Afin sɛ Nyanmiɛn bo n sannzan bɔ min nin Krist e bu nan n niaan'm bɔ min nin be e ti nvle kun'n be nyan bé ti'n, n ´se Nyanmiɛn kɛ ɔ yo n sɔ .

2 Korɛntfuɛ Mun 1:1

M Pɔl bɔ Nyanmiɛn klo kɛ Krist-Jésus sunman min'n, min nin e niaan Timote e ´klɛ fluwa nga blɛ amun bɔ an ti Nyanmiɛn i asɔnunfuɛ Korɛnt lɔ'n, ɔ nin be kwlaa bɔ b'a kaci Nyanmiɛn liɛ Akai akpasua wunmuan su'n.

2 Korɛntfuɛ Mun 1:19

Afin Nyanmiɛn Wa Krist-Jésus bɔ min nin Silvɛn, ɔ nin Timote e kɛn i ndɛ kleli amun'n, ɔ ti-man nuan nun nnyɔn-nnyɔn difuɛ, ɔ ti nanwlɛfuɛ.

Filipfuɛ Mun 1:1

M Pɔl, min nin Timote bɔ e ti Krist-Jésus i sran'n, e yɛ e klɛ fluwa nga blɛ amun kwlaa bɔ an ti Nyanmiɛn sran bɔ amun nin Krist-Jésus amu'an kaci sran wunmuan'n, nin asɔnun i sunianfuɛ mun, nin asɔnunfuɛ'm be lika nianfuɛ'm bɔ an wo Filip lɔ mun-ɔn.

Kolɔsfuɛ Mun 1:1

M Pɔl bɔ Nyanmiɛn klo kɛ Krist-Jésus sunman min'n, min nin e niaan Timote

1 Tɛsalonikfuɛ Mun 1:1

M Pɔl, min nin Silvɛn, ɔ nin Timote e ´klɛ fluwa nga blɛ amun asɔnunfuɛ bɔ an wo Tɛsalonik lɔ'n, bɔ amun nin e Si Nyanmiɛn nin e Min Jésus-Krist amu'an yo sran wunmuan'n. E ´yra é nuan kɛ an nyan ye, yɛ man amún wun jɔ amun fɔuun!

1 Tɛsalonikfuɛ Mun 3:2

Yɛ e sunmannin e niaan Timote b'ɔ nin e dili Nyanmiɛn junman e kannin Krist i jasin fɛ'n, amun wun lɔ nan ɔ `wla amun fanngan, yɛ ɔ `uka amun man an lafi Krist su kpa,

1 Tɛsalonikfuɛ Mun 3:6

Sanngɛ kɛ Timote fin amun wun lɔ icra'n b'ɔ juli wa'n, ɔ kannin amun wun lɔ ndɛ fɛ kleli e kɛ an tɛ lafi Krist su, yɛ i waan an klo Nyanmiɛn nin sran, yɛ an bu ye akunndan kpa titi, i waan amún wla lo e kɛ e kusu é wla lo amun'n sa.

2 Tɛsalonikfuɛ Mun 1:1

M Pɔl, min nin Silvɛn, ɔ nin Timote e ´klɛ fluwa nga blɛ amun asɔnunfuɛ bɔ an wo Tɛsalonik lɔ'n bɔ amun nin e Si Nyanmiɛn nin e Min Jésus-Krist amu'an yo sran wunmuan'n.

1 Timote 1:2

n ´klɛ fluwa nga blɛ wɔ Timote. A ti mín wa sakpa, afin min yɛ man a lafili Krist su-ɔ. Man é Si Nyanmiɛn nin e Min Krist-Jésus be man a nyan ye, man be si wɔ aunnvuɛ, yɛ man ɔ́ wun jɔ wɔ fɔuun.

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

1 Timote 6:20

Timote, n sran kpa, fa sa nga be kan kleli wɔ'n su kpa. Ndɛ ngbɛn-ngbɛn b'ɔ nin Nyanmiɛn ndɛ'n ti-man kun'n, nin akplowa nga be bɔ be bu bé wun kɛ be si sa'n be si'n, nán sie ɔ su bé su.

Hébreu 13:23

An `tie ndɛ fɛ kun: b'a yi e niaan Timote bisua'n nun. Sɛ ɔ to n wa icra'n, min nin i e ´ba amun wun lɔ.