Rɔmfuɛ Mun 16:19 - NYANMIƐN NDƐ'N 1998

¹⁹ Sran'm be kwlaa be se kɛ an ti anyinyiɛfuɛ. Kɛ an yo sɔ'n, ɔ jɔ n klun, sanngɛ n klo kɛ an yo ngwlɛlɛfuɛ bɔ be yo sa sa kpa, n klo-man kɛ sa tɛ bɔ kaan sa tran amun wun.

Nyanmien nde Ufle

¹⁹ Swran'n kwlaa bé sé ke an ti anyinyiefue. Ke an yô so'n, o dyo n klun, sannge n klô ke an yô ngwlelefue bo bé yô sa kpa, ye nanh man sa te bo kaan sa tran amun wun.

Rɔmfuɛ Mun 16:19 ပူးပေါင်းရင်းမြစ်များ

Jue Mun 101:2

N ´fa min nyin n sie be nga be nanti sein'n be atin'n su kpa. ?Cɛn onin yɛ a ´ba mín wun-ɔn? N ´nanti sein nin anwlɛn kpa min awlofuɛ'm be nyrun.

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Matthieu 10:16

«An `nian, amun bɔ an ti kɛ bua mun sa'n, n ´sunman amun gboklo'm be afiɛn. I sɔ'n ti, an `yo ngwlɛlɛfuɛ kɛ wuo sa, yɛ an `yo wɛtɛɛfuɛ kɛ auble sa.

JÉSUS-CHRIST I DYASIN FE'N BO LUC KLELI'N 10:3

An `nian, n ´sunman amun bɔ an ti kɛ bua sa'n gboklo'm be afiɛn, an `wɔ.

Rɔmfuɛ Mun 1:8

Jésus-Krist ti n la min Nyanmiɛn'n i ase amun ndɛ bɔ n tili'n ti, afin be kan amun Nyanmiɛn sulafilɛ ndɛ'n mɛn wunmuan'n nun.

1 Korɛntfuɛ Mun 14:20

Aniaan mun, nán an bu akunndan kɛ bakan sa, an `bu kpɛnngbɛn akunndan, sanngɛ an `yo kɛ ba nɔnman b'ɔ si-man gblɛ kpɛ'n sa.

Efɛzfuɛ Mun 5:17

I sɔ'n ti'n, nán an yo sinnglinfuɛ, sanngɛ an `mian amún nyin kɛ amun ´si like nga e Min'n klo kɛ an yo'n.

Filipfuɛ Mun 1:9

Yɛ n srɛ i kɛ an ´klo i nin sran'm be kpa yɛ an ´si ngwlɛlɛ, yɛ an ´wun sa'm be wlɛ kpa weiin.

Filipfuɛ Mun 2:15

i sɔ'n nun'n, be su kwla kan-man amun wún ndɛ tɛ fi, yɛ be su wun-man sa tɛ kaan sa amun wun. Sɛ an yo sɔ'n, amun ´yo Nyanmiɛn mma mun bɔ be kwla kputu-man amun ajulisufuɛ tɛtɛ bɔ b'a saci'n be nun. An ti kɛ nzraama b'ɔ kpaja mɛn'n nun sa sran sɔ'm be nun,

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.