Rɔmfuɛ Mun 16:10 - NYANMIƐN NDƐ'N 1998

¹⁰ N ´yo Apɛlɛs b'ɔ ti Kristfuɛ kpa'n, i like. N ´yo Aristɔbil i awlofuɛ mun be like.

Nyanmien nde Ufle

¹⁰ Nh yôh Apellès b'o ti Christfue kpa'n, i liké. Nh yôh Aristobule i awlôfue'm bé liké.

Rɔmfuɛ Mun 16:10 ပူးပေါင်းရင်းမြစ်များ

Rɔmfuɛ Mun 14:18

Sran ng'ɔ di Krist i junman'n kɛ nga sa'n, Nyanmiɛn klun jɔ i wun, yɛ sran'm be bo i dunman.

Rɔmfuɛ Mun 16:3

N ´yo Priska nin Akilas bɔ be ti n wiengu bɔ e nin be di Krist-Jésus i junman'n, be like.

Rɔmfuɛ Mun 16:7

N ´yo Andrɔnikis nin Zinias bɔ be ti n osufuɛ'n, be like. Be ti n wiengu bisuafuɛ, be nga Jésus sunmannin be'n, be bo be dunman kpa. Be dun mmua fa be wun mannin Krist nan man fa min wun a mɛn i.

Rɔmfuɛ Mun 8:11

Nyanmiɛn b'ɔ cɛnnin Jésus'n i Wawɛ'n tran amun nun kɛ i awlo sa, i b'ɔ cɛnnin Krist-Jésus sɔ'n, ɔ man amun kusu bɔ amun wu'n, amun ´yo juejue i Wawɛ b'ɔ tran amun nun sɔ'n ti .

1 Korɛntfuɛ Mun 11:19

afin san amún wun nun bubulɛ sɔ'n nun yɛ e ´wun sran nga be ti kpa sakpa nin-ɔn.

2 Korɛntfuɛ Mun 12:2

N si Kristfuɛ kun bɔ Nyanmiɛn mɛnnin i su lele fa juli nyanmiɛn su mmua kpa lɔ i afuɛ blu-nin-nnan yɛ, sɛ ɔ mɛnnin i su sakpa o, sɛ kusu ɔ man ɔ wunnin like aolia nun o, n wun-mɛn i wlɛ, Nyanmiɛn yɛ ɔ wun i wlɛ-ɔ.

2 Korɛntfuɛ Mun 2:9

Kɛ n ´klɛ amun fluwa sɔ'n, n waan n ´sa amun nian nan n ´wun i wlɛ sɛ amun fa ndɛ nga n kan kleli amun'n su o.

2 Korɛntfuɛ Mun 5:17

Sɛ sran kun nin Krist be kaci sran wunmuan'n, wuun Nyanmiɛn ɔ'a bo i uflɛ, i akunndan'n nin i nzuɛn laa'n ɔ'a wie, i akunndan'n nin i nzuɛn'n kwlaa a kaci.

2 Korɛntfuɛ Mun 8:22

E sunmannin be nin e niaan bɔ e niɛnnin i sa sunman nun lele e wunnin kɛ sran'm be lika nianlɛ'n lo i kpa'n. Yɛ i wla b'ɔ o amun su'n ti'n, sran'm be lika nianlɛ'n lo i kpa tra laa'n.

Galasifuɛ Mun 1:22

I nun sɔ'n nun'n, Krist i asɔnunfuɛ nga be o Zide lɔ'n, be si-man min,

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

Filipfuɛ Mun 2:22

Amun bɔbɔ an si kɛ Timote i nzuɛn'n ti kpa, ɔ uka min di junman jasin fɛ kanlɛ'n nun. Ɔ uka min kɛ ba yasua kun ukɛ i si'n sa.

1 Timote 3:10

Man be dun mmua sa be nian, sɛ be nian be bɔ b'a wun-man fɔ be wun'n, be ko di be junman sɔ'n.

2 Timote 4:19

N ´yo Priska nin Akilas, ɔ nin Onezifɔr awlofuɛ'm be like.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.