Rɔmfuɛ Mun 15:8 - NYANMIƐN NDƐ'N 1998

⁸ Yoo: Jésus-Krist bali be nga be wla klɛn'n be lika nianlɛ nan be wun kɛ Nyanmiɛn ti nanwlɛfuɛ. Ɔ bali kɛ ɔ ´yo like nga Nyanmiɛn seli e nannan'm be kɛ ɔ ´yo man be'n.

Nyanmien nde Ufle

⁸ N sé ke yiô: Jésus-Christ baa bé nga bé wla klen'n bé lika nianle, nan bé wun ke Nyanmien ti nanwlefue, ye oh yôh liké nga Nyanmien séé é nannan'm bé ke oh yôh man bé'n,

Rɔmfuɛ Mun 15:8 ပူးပေါင်းရင်းမြစ်များ

Nyanndra Mun 8:7

Nanwlɛ ndɛ yɛ n kan-an. Gblɛ ndɛ sa fin-man mín nuan nun fite-man, ɔ ti min ciliɛ.

Mise 7:20

A nin Zakɔb osu nunfuɛ mun amun ´tran klanman, a ´yi ɔ klun-ufue'n i nglo ´kle Abraam i osu'n nunfuɛ mun. A ´yi kle be kɛ a fua kleli e nannan mun lalafuɛ nun'n sa .

Matthieu 15:24

Yɛ i waan: «Izraɛl osu'n nun bua'm bɔ b'a mlin'n bé sin yɛ be sunmannin min-ɔn.»

Matthieu 20:28

M bɔ n kacili Sran'n kɛ m balɛ'n ɔ ti sɔ-ɔ, afin m'an ba-man kɛ be su min, sanngɛ m bali kɛ n ´su sran, nan n ´fa min wun kpɔ sran sunman bé ti.»

Jean 1:11

Ɔ bɛli i bɔbɔ nvle'n nun, b'a sɔ-mɛn i nun.

Jean 10:16

M bua'm be wie be o lɛ bɔ be nun-man tuin nga nun. San n ´fa be sɔfuɛ mun ba, be ´ti min nɛn, be akpasua'n ´yo kun yɛ be tafuɛ'n ´yo kunngba .

Sa nga bé yôli'n 13:46

Sanngɛ Pɔl nin Barnabas be trali be anwlɛn be kan kleli be weiin kɛ: «Amun yɛ be waan e `dun mmua kan Nyanmiɛn ndɛ'n e kle amun-ɔn, sanngɛ kɛ amu'an fa-man'n, bɔ an bu i kɛ anannganman nguan'n nin amun fata-man'n, i ti e ´kpɛ é nyin kɔ be bɔ be ti-man Zuif'n bé sin.

Rɔmfuɛ Mun 11:22

I sɔ'n ti, nian, Nyanmiɛn ti kpa, yɛ kusu ndɛ ng'ɔ kan'n ɔ lɛ-man kaciwlɛ. Kɛ a niɛn i bue kun'n, a wun kɛ ndɛ ng'ɔ kan kle be nga be lafi-mɛn i su kun'n ɔ lɛ-man kaciwlɛ, yɛ kɛ a niɛn i bue kun ekun'n, a wun kɛ sɛ a yo kɛ ɔ ´yo ɔ kpa'n, ɔ ´yo ɔ kpa. Sɛ ɔ'a yo-man sɔ'n, ɔ ´kpɛ wɔ yi.

Rɔmfuɛ Mun 11:30

Laa'n, amún nyin yi-man Nyanmiɛn, sanngɛ Zuif'm bé nyin kekle'n bɔ be yoli'n ti Nyanmiɛn a wun amun aunnvuɛ.

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Rɔmfuɛ Mun 3:26

Sanngɛ olɛ nga e o yɛ'n, ɔ kle ye wafa ng'ɔ fa bu sran sran kpa'n, afin ɔ kle i wun kɛ ɔ ti kpa yɛ ɔ bu be nga be lafi Jésus su'n be sran kpa.

Rɔmfuɛ Mun 3:3

?Ɔ man e ´se sɛ? ?Sɛ sran wie'm be lafi-man Nyanmiɛn su'n, i su bɔ be lafi-man'n ti'n, ɔ man i nanwlɛfuɛ b'ɔ ti'n ɔ ´kaci?

Rɔmfuɛ Mun 4:16

I sɔ'n ti'n, like nga Nyanmiɛn waan ɔ ´fa man be'n, ɔ fa man be i su bɔ be lafi'n nin ye dan b'ɔ yo be'n ti, ɔ man sa nga Nyanmiɛn seli kɛ ɔ ´yo'n, san ɔ ´yo man Abraam i osu nunfuɛ'm be kwlaa. Ɔ ti-mɛn i osu nunfuɛ nga be di mmla'n su'n be ngunmin be liɛ, sanngɛ i mma mun nin i anunman nga be lafi Nyanmiɛn su kɛ i b'ɔ ti e kwlaa e nannan'n i liɛ'n sa'n, ɔ ti be liɛ wie.

1 Korɛntfuɛ Mun 1:12

Ndɛ sɔ'n yɛlɛ kɛ amun nun wie se kɛ: «N liɛ'n, Pɔl liɛ yɛlɛ min!» Wie waan: «Apolɔs liɛ yɛlɛ min!» Wie kusu waan: «Sefas liɛ yɛlɛ min!» Yɛ wie waan: «N liɛ'n, Krist liɛ yɛlɛ min!»

1 Korɛntfuɛ Mun 10:19

?I sɔ'n ti'n, kɛ n kɛn i sɔ'n, n waan nnɛn bɔ be fa sɔ amuɛn'n ti like dan? ?Annzɛ n waan amuɛn'n bɔbɔ ti like dan?

1 Korɛntfuɛ Mun 10:29

Ndɛ nga n ´kɛn i yɛ'n, nán kɛ amun bɔbɔ amun klun titilɛ ti-ɔ, sran sɔ'n liɛ ti-ɔ. Sran wie ´usa kɛ: «?Nguɛ ti yɛ n like liɛ nga n kwlɛ i yo'n, sran wie'm be klun titilɛ'n ti n kwla yo-mɛn i kun-ɔn?»

1 Korɛntfuɛ Mun 15:50

Aniaan mun, n se kɛ yo, sran wunnɛn b'ɔ o yɛ'n ɔ kwla fa yo-man Nyanmiɛn mɛn nun lɔfuɛ, i kunngba'n, like ng'ɔ kplɔ'n, ɔ kwla sin-man like b'ɔ kplɔ-man'n i osu.

2 Korɛntfuɛ Mun 1:20

Afin sa kwlaa nga Nyanmiɛn waan ɔ ´yo'n, Krist kplin su yɛ ɔ yiɛ i nuan. I sɔ'n ti, Jésus ti e kusu e yra é nuan se kɛ: «Man ɔ yo sɔ!» I sɔ'n nun Nyanmiɛn nyan nyrun.

Efɛzfuɛ Mun 2:12

I nun sɔ nun'n, amun nin Krist di-man mlɔnmlɔn, yɛ an ti Izraɛl nvle'n nun aofuɛ, like nga Nyanmiɛn seli kɛ ɔ ´yo man i sran mun ndɛ ng'ɔ kan kleli Abraam ti'n, amun liɛ nun-man nun, kɛ an wo lɛ'n, an lɛ-man like bɔ an fa amún wla gua su-ɔ, an si-man Nyanmiɛn.