Rɔmfuɛ Mun 15:5 - NYANMIƐN NDƐ'N 1998

⁵ Man Nyanmiɛn b'ɔ wla sran fanngan b'ɔ man be tra be anwlɛn'n, ɔ man amun akunndan'n yo kun kɛ Krist-Jésus bɔbɔ kle ye kɛ e yo'n sa.

Nyanmien nde Ufle

⁵ Man Nyanmien b'o wla swran fanngan b'o man bé tra bé awlen'n, o man amun akunndan'n yô kun ke Christ-Jésus bobo klé é ke é yô'n sa.

Rɔmfuɛ Mun 15:5 ပူးပေါင်းရင်းမြစ်များ

2 Be Nyoliɛ 30:12

Zida lɔ kusu'n, Anannganman dili junman sran'm be nun, ɔ man be kwlaa be kplinnin su kɛ be ´yo sa bɔ Nyanmiɛn man famiɛn'n nin i awlo lɔ sran dandan'm be kannin'n i su sa.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Ezipt Lɔ Tulɛ'n 34:6

I sin ɔ sinnin Moiz i nyrun lɛ, ɔ seli i ekun kɛ: «N ti Anannganman. N ti Nyanmiɛn aklunyefuɛ, nin aunnvuɛ sifuɛ, n fa-man ya ndɛndɛ. Min aklunye'n ti dan, yɛ sa nga n kan kɛ n ´yo be'n, n ´yo be.

Zeremi 32:39

N ´yo man be akunndan'n ´yo kun. Be nantiwlɛ'n ´yo kun. Be ´sro min titi, ɔ man be nin be osu'n be ´nyan muae.

Ezekiɛl 11:19

N wa man amun anwlɛn kunngba. N ´fa wawɛ uflɛ n ´wla amun nun, n ´yi anwlɛn kekleke kɛ yɛbuɛ sa b'ɔ o amun nun'n, kpɛkuun m ´man amun anwlɛn wɛtɛɛ

Sa nga bé yôli'n 4:32

Sran kaka nga be lafili Krist su'n, bé bo yoli kun, yɛ be akunndan'n ti kun. Be nun wie fi se-man kɛ i ninnge'm be ti i ngunmin liɛ, sanngɛ like ng'ɔ ti sran kun liɛ'n, ɔ ti be kwlaa be liɛ.

Rɔmfuɛ Mun 12:16

Man amún nuan sɛ. Nán an bu akunndan dandan, sɛ be se amun kɛ an di junman b'ɔ sran nyin yi-mɛn i'n, an `di. Nán an bu amun wun ngwlɛlɛfuɛ .

Rɔmfuɛ Mun 15:13

Man Nyanmiɛn bɔ é nyin o i sin'n ɔ man amun klun jɔ, yɛ an di alaje i su bɔ an lafi'n ti nan Nyanmiɛn Wawɛ'n i fanngan nun amún nyin trɛn i sin tititi.

Rɔmfuɛ Mun 15:3

Afin Krist ɔ'a yo-man like ng'ɔ jɔ i bɔbɔ i klun'n, yɛlɛ kɛ be klɛli i kɛ: «Nzowa nga be ko kpɛ wɔ'n, min yɛ be fa kpɛli min-ɔn .»

1 Korɛntfuɛ Mun 1:10

Aniaan mun, e Min Jésus-Krist ti n ´srɛ amun, man amún nuan sɛ, nán an bubu amun wun nun, sanngɛ man amun akunndan'n nin amun nɛn'n ɔ yo kun.

2 Korɛntfuɛ Mun 13:11

Aniaan mun, min ndɛ'n i atabo'n yɛ: Nyanmiɛn man amun klun jɔ. An `kaci, an `yo sran kpa, an `fa min ndɛ'n su, man amún bo yo kun, yɛ an `di anuansɛ. Yɛ Nyanmiɛn b'ɔ klo sran'n b'ɔ man e di alaje'n, ɔ nin amun ´tran.

2 Korɛntfuɛ Mun 7:6

Sanngɛ Nyanmiɛn b'ɔ cici be bɔ bé wla bo'n be wla'n, ɔ man kɛ Tit bali'n, ɔ wa guali ye anwlɛn su nzue.

Efɛzfuɛ Mun 5:2

Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

Filipfuɛ Mun 1:27

Sa'n kwlaa nun'n, an `yo sa ng'ɔ nin Krist jasin fɛ'n ti kun'n nan sɛ m ba amún wun wunlɛ o, sɛ m ba-man o, m'an ti amun ngan kɛ amun kwlaa amún bo ti kun kpa amun jran kekle, yɛ amun akunndan'n ti kun, yɛ an mian amún nyin jasin fɛ'n bɔ an lafi su'n ti.

Filipfuɛ Mun 2:2

I sɔ'n ti'n, an `yo man n klun ´jɔ kpa. Man amun akunndan'n yo kun, yɛ an `klo amun wun, man amún nuan sɛ.

Filipfuɛ Mun 3:16

Lika kwlaa nga y'a ju'n, kannzɛ ɔ ti sɛ, man ajalɛ kunngba nga e fa boli i bo'n, e `fa wɔ.

Filipfuɛ Mun 4:2

Evodi nin Sintis, n ´tu amun fɔ, yɛ n ´srɛ amun kɛ man amun akunndan'n yo kun, afin e Min'n ti an ti niaan.

1 Piɛr 3:20

Be nga laa kɛ Noe ´bobo mmeli'n be yoli nyin kekle Nyanmiɛn su'n, b'ɔ trɛli i anwlɛn bé wun'n, be wawɛ mun-ɔn. Sran mɔcuɛ cɛ yɛ be fuli mmeli sɔ'n nun be trannin nzue'n i nyin su lele be nyannin be ti-ɔ .

1 Piɛr 3:8

Min ndɛ'n i atabo'n yɛ, man amun akunndan'n yo kun, man amun nuan `sɛ, an `klo amun wiengu kɛ amun niaan sa, an `si i aunnvuɛ, yɛ an `yo amún wun aenvuɛ.

2 Piɛr 3:15

An `nian e Min'n i anwlɛn b'ɔ trɛ amun wun'n, amún ti nyanlɛ ti-ɔ. E niaan Pɔl b'ɔ ti e sran kpa'n, bɔ Nyanmiɛn mɛnnin i ngwlɛlɛ'n, kɛ ɔ klɛ i sɔ blɛli amun-ɔn.

2 Piɛr 3:9

Like nga e Min'n se kɛ ɔ ´yo, ɔ cuɛn-cuɛn-mɛn i ase kɛ sran'm be bu i'n sa. Sanngɛ ɔ trɛ i anwlɛn amun wun, ɔ klo-man kɛ sran kun sa mlin, ɔ klo kɛ sran'm be kwlaa be kaci be nzuɛn'n.