Rɔmfuɛ Mun 15:4 - NYANMIƐN NDƐ'N 1998

⁴ Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

Nyanmien nde Ufle

⁴ Nde kwlaa nga bé klee bé laa'n, bé kle i so ke bé fa klé é ngwlele, nan Nyanmien fe i nde so'n wla é fanngan, nan é tra é awlen, é fa é wla'n gue i su.

Rɔmfuɛ Mun 15:4 ပူးပေါင်းရင်းမြစ်များ

Jue Mun 102:18

Ɔ ´sie i su be nga afɛ o bé su'n be srɛlɛ'n i bo. Be srɛlɛ sɔ'n su yo-mɛn i tɛ.

Jue Mun 119:50

Kɛ n wo nyrɛnnɛn nun'n, i yɛ n fa cici min wla-a. Ɔ ndɛ bɔ a kan'n yɛ ɔ man nguan-an.

Abakik 2:2

Kpɛkuun Anannganman'n tɛli min su kɛ: «Sa nga n su wa yi be nglo n kle wo yɛ'n, klɛ be tɛbua bue kanngan'm be su kɛ ɔ ko yo nan b'a kwla kanngan be weiin'n ti.

Rɔmfuɛ Mun 12:12

Amún nyin b'ɔ wo e Min'n i sin'n ti, an `gua amún wla ase. Sɛ sa tɔ amun su'n, an `tra amun anwlɛn. Amun nin Nyanmiɛn an `koko yalɛ titi, nán amun kpɔnzɔ.

1 Korɛntfuɛ Mun 10:11

Sa sɔ'n bɔ be tɔli bé su'n, be kle sa b'ɔ wa ba'n, yɛ be klɛli be kɛ be ´fa tu e bɔ y'a ju mɛn'n i bue nuan'n e fɔ.

1 Tɛsalonikfuɛ Mun 1:3

E akunndan o like nga Krist su bɔ an lafi'n ti an yo'n, nin junman nga an di klolɛ bɔ an fa klo Nyanmiɛn nin sran'n, ɔ nin amún wla bɔ an fa gua e Min Jésus-Krist su kpa'n be su, yɛ e kan kle e Si Nyanmiɛn.

1 Piɛr 1:13

I sɔ'n ti an `bu akunndan, an `nian amun wun su, man amún nyin tran like nga cɛn nga Jésus-Krist ɔ wa yi i wun nglo'n ɔ ´fa man amun'n su kpa.