Rɔmfuɛ Mun 15:3 - NYANMIƐN NDƐ'N 1998

³ Afin Krist ɔ'a yo-man like ng'ɔ jɔ i bɔbɔ i klun'n, yɛlɛ kɛ be klɛli i kɛ: «Nzowa nga be ko kpɛ wɔ'n, min yɛ be fa kpɛli min-ɔn .»

Nyanmien nde Ufle

³ Afin Christ wa yô'a liké ng'o dyo i bobo i klun'n, yele ke bé klee ke: «Nzôwa nga bé kô fa kô kpe wo'n, bé fa kpee min.»

Rɔmfuɛ Mun 15:3 ပူးပေါင်းရင်းမြစ်များ

Jue Mun 69:20

A si nzowa nga be kpɛ min'n. A si nyannzuɛn nga n wo nun'n nin sokpalɛ bɔ m'an sokpa'n. Min kpɔfuɛ mun yɛ ɔ́ nyin ta be lɛ-ɔ.

Jue Mun 69:9

Ɔ man m'an kaci sran ngbɛn min niaan'm be nyrun. M'an kaci aofuɛ mín nin mma'm be nyrun .

Matthieu 10:25

Sɛ sran b'ɔ suan like'n ɔ yo kɛ sran b'ɔ kle i like'n sa'n, i sɔ'n ti kpa, yɛ sɛ sran b'ɔ su sran'n ɔ yo kɛ i min'n sa'n, i sɔ'n ti kpa. Sɛ be flɛ i awlo kpɛn'n kɛ Beɛlzebil'n, be wa flɛ awlofuɛ'm be kusu sɔ kpɛ blu .»

Matthieu 26:39

Yɛ ɔ ɔli i nyrun lɔ kaan nan ɔ'a la ɔ'a utu i nyin ase, yɛ ɔ seli i Si kɛ: «N Si, sɛ nyrɛnnɛn wie nga kwla to fuan min'n, man ɔ to fuan min, nán yo nga n klo kɛ ɔ `yo su'n, sanngɛ yo nga a klo kɛ ɔ `yo su'n.»

Matthieu 26:42

Ɔ yaci be ɔli ekun nan ɔ'a se i Si kɛ: «N Si, sɛ ɔ ti-man bɔ nyrɛnnɛn wie nga to fuan min'n, man n wun nyrɛnnɛn sɔ'n. Sa nga a klo kɛ a ´yo'n, yo.»

Matthieu 27:44

Kodiawiefuɛ bɔ be boboli be nin i'n be kusu be dili i tɛ wie.

Jean 15:10

Sɛ an fa min ndɛ'n su'n, amun ´si kɛ n klo amun tititi. Kɛ n fa n Si ndɛ'n su sɔ-ɔ, ɔ man n si kɛ ɔ klo min tititi.

Jean 15:24

Sɛ m'an yo-man like nga sran fi nian yo-mɛn i le be nyrun b'a wun-mɛn i'n, wuun be su bu-man bé sa tɛ yofuɛ. Sanngɛ kɛ n wa yoli bɔ be wunnin i'n ti'n, be kpɔ min nin n Si.

Jean 4:34

Jésus seli be kɛ: «Min aliɛ'n yɛlɛ sran ng'ɔ sunmannin min'n i klun sa'n yolɛ nin junman ng'ɔ mannin min'n i bo guagualɛ.

Jean 5:30

«M bɔbɔ n kpɛ-man ń ti nun yo-man like fi, jɔlɛ i wafa nga Nyanmiɛn kle n kɛ n di su'n yɛ n di-ɔ. Ɔ man jɔlɛ nga n di'n ti nanwlɛ, afin nán m bɔbɔ n klun sa yɛ n ´klo kɛ n yo-ɔ, sanngɛ sran ng'ɔ sunmannin min'n i klun sa yɛ n yo-ɔ.

Jean 6:38

afin n fin nyanmiɛn su lɔ bali, m'an ba-man m bɔbɔ n klun sa yolɛ, sanngɛ sran ng'ɔ sunmannin min'n, i klun sa yɛ n yo-ɔ.

Jean 8:29

Sran ng'ɔ sunmannin min'n, ɔ jin ń sin. Ɔ'a jao-man ń sin, afin n yo i klun sa cɛn kwlaa.»

2 Korɛntfuɛ Mun 8:9

Afin an si ye dan nga e Min Jésus-Krist yoli ye'n: i b'ɔ ti anyanbeunfuɛ'n, ɔ kacili i wun yalɛfuɛ amun ti nan i yalɛ sɔ'n nun an kaci anyanbeunfuɛ.

Filipfuɛ Mun 2:5

An `bu akunndan kunngba nga Krist-Jésus buli'n wie.

Filipfuɛ Mun 2:8

Kɛ ɔ kacili i wun sran sɔ'n, ɔ yoli i wun aenvuɛ, ɔ yoli anyiyiɛfuɛ lele ɔ fa wuli, waka'n su yɛ ɔ wuli-ɔ.