Rɔmfuɛ Mun 15:26 - NYANMIƐN NDƐ'N 1998

²⁶ Afin Maseduanifuɛ'm be nin Akaifuɛ'm b'a bu akunndan kɛ be ´yiyi sika nan be fa ko man Nyanmiɛn i sran'm bɔ be o Zerizalɛm lɔ'n be nun nga be ti yalɛfuɛ'n.

Nyanmien nde Ufle

²⁶ Afin Macédoinefue'm bé nin Achaïefue'm ba bu akunndan ke béh yiyih sika nan bé fa kô man Nyanmien i swran bo bé ô Jérusalem lo'n bé nun nga bé ti yalefue'n.

Rɔmfuɛ Mun 15:26 ပူးပေါင်းရင်းမြစ်များ

Nyanndra Mun 14:21

Sran ng'ɔ yo i wiengu finfin'n, wuun ɔ'a yo sa tɛ, sran ng'ɔ wun nyrɛnnɛnfuɛ'm be aunnvuɛ'n, i liɛ su ti ye!

Nyanndra Mun 14:31

Sran ng'ɔ mian-mian yalɛfuɛ mun'n, wuun ɔ su kpɛ Nyanmiɛn b'ɔ yili be'n i nzowa. Sran ng'ɔ si yalɛfuɛ'n i aunnvuɛ'n, ɔ bu Nyanmiɛn sran .

Nyanndra Mun 17:5

Sran ng'ɔ sri yalɛfuɛ mun'n, wuun ɔ'a lo Anannganman b'ɔ boli be'n i ngasi. Sran nga bɔ sɛ ndɛ nyɛn i wiengu-ɔ ɔ sri i'n, Anannganman su yaci cɛ-mɛn i .

Zakari 11:11

Kpɛkuun aenguɛ'n ka lɛ wieli. Kpɛkuun be nga be fia be yo bua'm be atɛ'n bɔ bé nyin wo min su'n, be wunnin kɛ kannzu ndɛ nga n kannin'n, Anannganman'n yɛ ɔ fa wlali mín nuan yɛ n kannin-ɔn.

Zakari 11:7

Kpɛkuun bua nga be ti dilɛ liɛ bɔ be yo annvɔ sɔ mun yɛ n kankannin be-ɔ. N fali kpɔnman nnyɔn yɛ n fa kankannin be-ɔ. N flɛli kun kɛ: «Aenguɛ fɛfɛ tralɛ.» Yɛ n flɛli kun ekun kɛ: «Anuansɛ,» yɛ n fa kankan nnɛn mun-ɔn.

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Matthieu 26:11

Afin amun nin yalɛfuɛ mun yɛ amun ´ka titi-ɔ, sanngɛ n liɛ'n, min nin amun su tran-man wa titi .

JÉSUS-CHRIST I DYASIN FE'N BO LUC KLELI'N 14:13

Sanngɛ sɛ a ´di cɛn'n, flɛ yalɛfuɛ mun flɛ be bɔ bé sa nin bé ja ti wuwa'n, nin cɛcɛwafuɛ mun, nin anyansifuɛ mun.

JÉSUS-CHRIST I DYASIN FE'N BO LUC KLELI'N 6:20

Jésus niɛnnin i sɔnnzɔnfuɛ mun yɛ ɔ seli be kɛ: «Amun bɔ an ti yalɛfuɛ'n, amun liɛ su ti ye, afin Nyanmiɛn yɛ ɔ wa sie amun-ɔn!

Sa nga bé yôli'n 16:12

E fin lɛ e ɔli Filip b'ɔ ti Maseduani i akpasua nga e juli su klikli'n i klɔ dan bɔ Rɔm yɛ ɔ sie i'n su. E dili le nnyɔn kun klɔ sɔ'n su.

Sa nga bé yôli'n 16:9

Kɔnguɛ Pɔl wunnin aolia nun like, ɔ wunnin Maseduani bian kun kɛ ɔ jin lɛ, bian sɔ'n srɛli i kpa se kɛ: «Sin Maseduani wa uka ye.»

Sa nga bé yôli'n 18:12

I nun'n bɔ Galiɔn sie Akai'n, Zuif'm be kwlaa be bo yoli kun be jaoli Pɔl wun, be fɛ i fa ɔli jɔlɛ diwlɛ lɔ, yɛ be seli kɛ:

Sa nga bé yôli'n 19:21

Kɛ sa sɔ'n yoli sɔ'n, i sin Pɔl buli akunndan kɛ ɔ ´sin Maseduani nin Akai nan ɔ ´kɔ Zerizalɛm. I waan sɛ ɔ ju lɔ'n, san ɔ ´ju Rɔm lɔ.

Sa nga bé yôli'n 9:13

Ananias seli kɛ: «Nannan, n tili tɛtɛ nga bian sɔ'n yoli ɔ sran mun Zerizalɛm lɔ'n i kwlaa. Sran sunman bé nuan nun yɛ n tili-ɔ.

1 Korɛntfuɛ Mun 16:15

An si kɛ Stefanas nin i awlofuɛ mun yɛ be ti Kristfuɛ klikli Azi asa'n su lɔ-ɔ, yɛ Nyanmiɛn mma'm be lika nianlɛ'n mian be kpa. Aniaan mun, n ´srɛ amun kpa kɛ

1 Korɛntfuɛ Mun 16:5

Kɛ n ko sin Maseduani lɔ'n, n ´ju amun wun lɔ, afin Maseduani lɛ yɛ n ´sin-ɔn.

2 Korɛntfuɛ Mun 11:9

Kɛ n wo amun wun lɔ bɔ min sa miannin'n, m'an kaci-man sran fi ti su trɔ yɛlɛ kɛ e niaan nga be fin Maseduani bali'n, be mannin min like ng'ɔ mian min'n i kwlaa. N sasa min wun kpa kɛ nán man m mian sran fi, n ´sasa min wun sɔ titi .

2 Korɛntfuɛ Mun 2:13

sanngɛ ɔ nin i sɔ'n ngba'n, kɛ m'an to-man min niaan Tit lɛ'n, min wla a gua-man ase, i sɔ'n ti n srɛli lɛfuɛ'm be atin nan m'an ɔ Maseduani.

2 Korɛntfuɛ Mun 7:5

Afin kɛ e juli Maseduani lɔ'n, y'a nyan-man alaje bɔ kaan sa, sa kekleekle'n kwlaa sin yiali ye. Ndɛnngan'n jin e wun, srɛ kunnin ye.

2 Korɛntfuɛ Mun 9:12

Afin Nyanmiɛn i sran'm be lika nianlɛ sɔ'n, nán kɛ bé wun nyanman nun tilɛ ngunmin ti-ɔ, sanngɛ ɔ man Nyanmiɛn asenna'n ɔ ´yo dan.

2 Korɛntfuɛ Mun 9:2

N si amun aklunye dan'n b'ɔ man n fa amun di min nuan kle Maseduanifuɛ mun'n, n seli be kɛ afuɛ sin yɛ Akaifuɛ'm be buli akunndan kɛ be ´yo sa sɔ nin-ɔn. Amun akunndan sɔ'n man be kpanngban lika be waan be ´yo wie.

2 Korɛntfuɛ Mun 9:4

Sɛ amu'an yo-mɛn i sɔ'n, sɛ Maseduanifuɛ'm be wie'm be ba n sunmanlɛ'n nan like nga e lafi amun su kpa kɛ amun ´yo'n amu'an wie-mɛn i yo'n, wuun amu'an gua é nyin ase dan kpa yɛ kusu amun liɛ sin-ɔn.

Filipfuɛ Mun 4:15

Filipfuɛ mun, amun bɔbɔ an si kɛ kɛ n tuli m bo Maseduani lɔ bɔ e boli jasin fɛ'n i bolɛ bo'n, san amun asɔnun'n i nunfuɛ'm be kunngba cɛ yɛ be nin min é bo yoli kun e mannin é wun like-ɔ.

1 Tɛsalonikfuɛ Mun 1:7

Kɛ an yoli sɔ'n, ɔ man be kwlaa nga be lafi Krist su Maseduani nin Akai lɔ'n be nian amun liɛ'n su be yoli.

1 Tɛsalonikfuɛ Mun 1:8

Kɛ Nyanmiɛn ndɛ'n fin amun wun lɔ b'ɔ juli Maseduani nin Akai lɔ'n, ɔ'a ka-man lɛ ngunmin, sanngɛ amun Nyanmiɛn sulafilɛ ndɛ'n ɔ'a tru lika'n kwlaa, ɔ man e bo-man wɛ e kɛn-mɛn i kun.

1 Tɛsalonikfuɛ Mun 4:10

Ɔ man kɛ amun nin e niaan nga be o Maseduani mɛn wunmuan nun'n be kwlaa an klo amun wun sɔ-ɔ, sanngɛ aniaan mun, e ´srɛ amun kɛ an yo i sɔ tra laa'n.

1 Timote 1:3

Kɛ n ´kɔ Maseduani'n, n seli wɔ kɛ a ka Efɛz lɔ nan a tu sran wie'm be fɔ kɛ nán man be kle like uflɛ,

Filemɔn 1:5

afin n ti klolɛ bɔ a fa klo e Min Jésus nin Nyanmiɛn sran'n kwlaa'n nin sulafilɛ nga a fa lafi be kwlaa be su'n i ndɛ.