Rɔmfuɛ Mun 15:19 - NYANMIƐN NDƐ'N 1998

¹⁹ yɛ sa kekleekle mun, nin atrɛ mun, nin abonuan sa mun bɔ Nyanmiɛn Wawɛ'n i fanngan nun n yoli be'n, be cɛ yɛ n kan-an. Kɛ m boli Krist i jasin fɛ'n kwlakwlakwla sa. M boli i Zerizalɛm bue liɛ'n su lele fa juli Iliri.

Nyanmien nde Ufle

¹⁹ ye sa kéklééklé, nin atre, nin abônuan sa bo Nyanmien Wawe'n i fanngan nun n yôli'n, i tye ye n kaan. Ke m bô Christ i dyasin fe'n kwlakwlakwla sa, Jérusalem bué lie'n su lélé fa dyuu Illyrie.

Rɔmfuɛ Mun 15:19 ပူးပေါင်းရင်းမြစ်များ

Matthieu 12:28

Sanngɛ sɛ Nyanmiɛn Wawɛ'n i dunman nun yɛ n fuan asiɛ usu mun'n, wuun kannzu Nyanmiɛn i sielɛ'n ɔ'a to amun wa.

Jean 4:48

Jésus seli i kɛ: «Sɛ amu'an wun-man atrɛ mun nin abonuan sa mun'n, an su lafi-man n su mlɔnmlɔn! »

Sa nga bé yôli'n 1:8

Sanngɛ kɛ Nyanmiɛn Wawɛ'n ko ba amun wun'n, ɔ ´tin amun, an wa kan min ndɛ Zerizalɛm wa, nin Zide mɛn wunmuan'n nun, ɔ nin Samari lɔ lele fa ju asiɛ'n i awieliɛ .»

Sa nga bé yôli'n 13:14

Kɛ be fin Pɛrz lɛ'n, be ɔli Antiɔs b'ɔ o Pizidi mɛn'n nun'n su. Wunmiɛn-delɛ-cɛn nun'n, be wluli Nyanmiɛn ndɛ suanlɛ nin i srɛlɛ sua'n nun be trannin ase.

Sa nga bé yôli'n 13:51

Pɔl nin Barnabas be kpukpuli bé ja wun ndutre'n guɛli be wun, nan b'a ɔ Ikoni.

Sa nga bé yôli'n 14:10

ɔ seli kɛ: «Jao jran ɔ́ ja'n su seiin!» Ɔ jaoli waka, kpɛkuun ɔ su nanti.

Sa nga bé yôli'n 14:20

Sanngɛ Jésus sɔnnzɔnfuɛ'm bɔ be o Listri lɛ'n, be sin yiɛli i nan ɔ'a jao a sɛ i sin klɔ lɔ ekun. Kɛ aliɛ cɛnnin'n, ɔ nin Barnabas be ɔli Dɛrbu.

Sa nga bé yôli'n 14:25

Kɛ be kannin Nyanmiɛn ndɛ Pɛrz lɛ'n, be ɔli Atali.

Sa nga bé yôli'n 14:6

be wunnin i wlɛ, be wanndi ko fiali Likaoni mɛn'n nun klɔ wie bɔ be flɛ be Listri nin Dɛrbu'n, ɔ nin lika nga be mantan be lɛ'n be nun.

Sa nga bé yôli'n 15:12

Be kwlaa nga be yiali lɛ'n, be guali bliin, be sieli be su Pɔl nin Barnabas be nuan bo. Yɛlɛ kɛ be su kan atrɛ nin abonuan sa bɔ Nyanmiɛn fali be yoli be bɔ be ti-man Zuif'n be afiɛn'n.

Sa nga bé yôli'n 16:18

Ɔ yo i sɔ tititi ɔ man ɔ flannin Pɔl, le kun liɛ'n, ɔ kpɛ i nyin seli bla sɔ'n i like'n b'ɔ su i su'n kɛ: «Jésus-Krist dunman nun, nán su bla nga su kun.» Nan ɔ'a tu i wun bé ja osu kunngba'n nun.

Sa nga bé yôli'n 17:10

Kpɛkuun e niaan'm be man Pɔl nin Silas be ɔli Bere kɔnguɛ. Kɛ be juli lɔ'n, be wluli Zuif'm be Nyanmiɛn ndɛ suanlɛ nin i srɛlɛ sua'n nun.

Sa nga bé yôli'n 17:15

Be nga be ɔli Pɔl sunmanlɛ'n, be ɔli lele juli Atɛni. Kɛ be ´sa be sin'n, ɔ mannin be ngaliɛ kɛ be se Silas nin Timote kɛ be bla trɛlɛlɛ.

Sa nga bé yôli'n 18:1

I sin Pɔl fin Atɛni ɔli Korɛnt.

Sa nga bé yôli'n 18:19

Kɛ be juli Efɛz lɔ'n, Pɔl yacili be lɛ, ɔ wluli Nyanmiɛn ndɛ suanlɛ nin i srɛlɛ sua nun lɔ, ɔ nin Zuif mun kokoli yalɛ.

Sa nga bé yôli'n 19:1

Kɛ Apolɔs o Korɛnt lɔ'n, wuun Pɔl kusu ´wlan-wlan Azi mɛn'n nun, ɔ juli klɔ'n bɔ be flɛ i Efɛz'n su.

Sa nga bé yôli'n 20:20

An si kɛ sa kwlaa b'ɔ ko yo amun kpa'n, m'an fia-man wie fi su amun wun. N kɛn i kwlaa kleli amun, n yiyi nun weiin kleli amun nzra nun nin awlo'm be nun.

Sa nga bé yôli'n 20:6

E kusu, kɛ kpaun bɔ be gua-man nun kpaun ayre'n i cɛn'n sinnin'n, e fali mmeli Filip lɛ. Kɛ e dili le nnun'n, e toli be Troas nan y'a di le nso lɛ.

Rɔmfuɛ Mun 15:13

Man Nyanmiɛn bɔ é nyin o i sin'n ɔ man amun klun jɔ, yɛ an di alaje i su bɔ an lafi'n ti nan Nyanmiɛn Wawɛ'n i fanngan nun amún nyin trɛn i sin tititi.

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Rɔmfuɛ Mun 15:24

I sɔ'n ti'n kɛ n ´kɔ Ɛspanyi'n, n klo kɛ m ´bo nun amun wun lɔ nan e yi awlaloɛ kan le nnyɔn kun nan an gua min atin klanman.

1 Korɛntfuɛ Mun 2:4

Min ijɔlɛ'n nin Nyanmiɛn ndɛ bɔ n kɛnnin i lɔ'n, ɔ'a yo-man ngwlɛlɛ ndɛ bɔ sɛ sran ti-ɔ ɔ fa su-ɔ, sanngɛ ɔ yoli ndɛ b'ɔ yi Nyanmiɛn Wawɛ'n nin i kwlalɛ'n nglo.

2 Korɛntfuɛ Mun 12:12

N kusu sa ng'ɔ kle kɛ i yɛ ɔ sunmannin min'n yɛlɛ sa b'ɔ tɔ n su bɔ n tra min anwlɛn i kwlaa nun n yi atrɛ'n, n yo abonuan sa'n, yɛ n yo sa kekleekle amun nyrun'n.

Galasifuɛ Mun 3:5

?Nyanmiɛn b'ɔ fɛli i Wawɛ'n mannin amun b'ɔ yo sa kekleekle man amun'n, mmla'n bɔ an fa su'n ti yɛ ɔ yo i sɔ-ɔ, annzɛ jasin fɛ'n bɔ an tili an fali su'n ti-ɔ?

Kolɔsfuɛ Mun 1:25

Nyanmiɛn fa min sieli Asɔnun i junman difuɛ nan n `kɛn i ndɛ'n kwlakwla kle amun.

1 Tɛsalonikfuɛ Mun 1:5

Afin kɛ e kan jasin fɛ'n i ndɛ kleli amun'n, y'a kɛn-mɛn i é nuan nun ngbɛn, Nyanmiɛn Wawɛ'n yɛ ɔ tinnin ye-ɔ, ɔ man ye wun i wlɛ kpa kɛ ndɛ nga e kan'n ti nanwlɛ, yɛ Nyanmiɛn Wawɛ di junman amun afiɛn. Kɛ e o amun wun lɔ'n an si e wun wafa nga e yoli'n, amun ti yɛ e yoli e wun sɔ-ɔ.

2 Timote 4:17

Sanngɛ e Min'n yɛ ɔ jran min sin, yɛ ɔ wlali n fanngan yɛ man n kwla kɛnnin i ndɛ'n kwlaa yɛ man be kwlaa nga be ti-man Zuif'n be tili-ɔ. Ɔ deli min asɔmɔli'n i nuan nun.

Hébreu 2:4

Kɛ Nyanmiɛn yi atrɛ b'ɔ yo abonuan sa nin sa kekleekle fanunfanun'n, b'ɔ fa like nga i Wawɛ'n man sran yo'n man sran kɛ i klun klo'n sa'n, ɔ guali be ndɛ'n su.

1 Piɛr 1:12

Nyanmiɛn kan kleli be kɛ i ndɛ ng'ɔ fa wla bé nuan kɛ be kan'n ɔ ti-man be bɔbɔ be liɛ, sanngɛ amun liɛ-ɔ. Be nga be kan jasin fɛ'n Nyanmiɛn Wawɛ b'ɔ sunmɛnnin i'n i fanngan nun'n, ndɛ sɔ'n yɛ be kan kleli amun nin-ɔn. Anz'm be bɔbɔ be klo kɛ be ´wun sa sɔ'm be wlɛ.