Rɔmfuɛ Mun 15:18 - NYANMIƐN NDƐ'N 1998

¹⁸ N lɛ-man ndɛ fi n kan-man san ndɛ nga Krist man n kan kle be b'ɔ man bé nyin yi Nyanmiɛn'n,

Nyanmien nde Ufle

¹⁸ N le'a nde fi n kanman, san nde nga Christ man n kan klé bé b'o man bé nyin ye Nyanmien'n,

Rɔmfuɛ Mun 15:18 ပူးပေါင်းရင်းမြစ်များ

Nyanndra Mun 25:14

Sran nga b'ɔ di i nuan sin kɛ ɔ cɛ sran like sanngɛ kusu ɔ yo-man'n, ɔ ti kɛ nzue b'ɔ mlan b'ɔ tɔ-man'n sa.

Matthieu 25:16

Kɛ ɔ yoli sɔ'n, nga be mɛnnin i talan nnun'n, ɔ fa ko dili aata nan ɔ'a nyan su nnun.

Marc 16:20

Yɛ be ko kannin ndɛ'n lika'n kwlaa nun. E Min Nyanmiɛn nin be dili junman, ɔ man be yili atrɛ b'ɔ kle kɛ be ndɛ'n ti nanwlɛ.]

Sa nga bé yôli'n 14:27

Kɛ be juli lɔ'n, be yiali asɔnunfuɛ mun, be kannin sa nga Nyanmiɛn yo mannin be'n i kwlaa kleli be. Kɛ ɔ yoli b'ɔ man be nga be ti-man Zuif'n be lafili Jésus su wie'n, be kan kleli be ekun.

Sa nga bé yôli'n 15:12

Be kwlaa nga be yiali lɛ'n, be guali bliin, be sieli be su Pɔl nin Barnabas be nuan bo. Yɛlɛ kɛ be su kan atrɛ nin abonuan sa bɔ Nyanmiɛn fali be yoli be bɔ be ti-man Zuif'n be afiɛn'n.

Sa nga bé yôli'n 15:4

Kɛ be juli Zerizalɛm lɔ'n, asɔnunfuɛ'm be nin be bɔ Jésus sunmannin be'n, be nin kpɛnngbɛn mun be sɔli be nun, yɛ be kannin sa nga Nyanmiɛn yo mannin be'n i kwlaa kleli be.

Sa nga bé yôli'n 21:19

Pɔl yoli be like, yɛ sa nga Nyanmiɛn yo mannin be bɔ be ti-man Zuif'n i junman'n ti'n, ɔ kɛnnin i kwlaa kleli be.

Sa nga bé yôli'n 26:20

N dun mmua kan ndɛ kleli Damasfuɛ mun, i sin n kan wie n kleli Zerizalɛmfuɛ mun. N kannin wie Zide mɛn wunmuan'n nun yɛ n kan wie n kleli be nga be ti-man Zuif'n kɛ be `kaci be nzuɛn'n nan be `sa be sin Nyanmiɛn wun yɛ be `yo sa b'ɔ kle kɛ b'a kaci be nzuɛn'n.

Rɔmfuɛ Mun 1:5

I ti yɛ Nyanmiɛn bu n sran-an, ɔ sunmannin min kɛ n kɛn i ndɛ'n kle nvle-nvle'n kwlaa i bɔbɔ dunman nun nan be lafi i su yɛ bé nyin yi i.

Rɔmfuɛ Mun 16:26

Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i.

Rɔmfuɛ Mun 6:17

N ´yo Nyanmiɛn i kwla o, afin laa'n, sa tɛ'n ti amun nzuɛn, sanngɛ siɛn'n, amu'an fa ndɛ nanwlɛ nga be kleli amun'n su kpa.

2 Korɛntfuɛ Mun 11:31

E Min Jésus i Si Nyanmiɛn bɔ be bo i dunman tititi'n, ɔ si kɛ m bua-man ato.

2 Korɛntfuɛ Mun 12:6

Sɛ n waan n ´di min nuan'n, nán lufle yɛ n ti-ɔ, afin nanwlɛ yɛ n di-ɔ, sanngɛ kɛ ɔ ko yo nan sran fi a bu-man n sran a tra-man wafa nga be fa wun min'n, nin ndɛ wafa nga be fin min nuan fite bɔ be tili'n ti'n, m ´muan min nuan.

2 Korɛntfuɛ Mun 3:5

Nán kɛ e kwla sa wie yo b'ɔ man e bu e wun kɛ e bɔbɔ e kwla yo like wie-ɔ. Sanngɛ sa nga e yo be'n, Nyanmiɛn yɛ man e yo-ɔ.

2 Korɛntfuɛ Mun 6:1

I sɔ'n ti'n, e bɔ e nin Nyanmiɛn e di junman kun'n, e ´srɛ amun, nán man ye nga Nyanmiɛn yoli amun'n ɔ yo ngbɛn,

Galasifuɛ Mun 2:8

Sran ng'ɔ sieli Piɛr kɛ ɔ ´sunmɛn i be nga be wla klɛn'n bé sin'n, i kunngba'n yɛ ɔ sunmannin min be nga be ti-man Zuif'n bé sin-ɔn.

Kolɔsfuɛ Mun 3:17

Sɛ amun ´yo like wie o, sɛ amun ´kan ndɛ wie o, like kwlaa nga amun ´yo'n, an `yo i e Min Jésus dunman nun, yɛ i ti an `la e Si Nyanmiɛn'n i ase.

2 Tɛsalonikfuɛ Mun 2:17

be wla amun yakpa, man an jran kekle yo sa kwlaa ng'ɔ ti kpa'n, yɛ an kan ndɛ kwlaa ng'ɔ ti kpa'n.

Hébreu 11:8

Nyanmiɛn su bɔ Abraam lafi'n ti, kɛ ɔ flɛli i kɛ ɔ wɔ nvle nga i waan ɔ ´fa mɛn i nun'n, i nyin yili i, ɔ si-man lika ng'ɔ kɔ'n, sanngɛ ɔ ɔli.

Hébreu 5:9

Kɛ ɔ yoli sran wafa nga Nyanmiɛn klo kɛ ɔ `yo'n, ɔ man be kwlaa nga bé nyin yi i'n, be ´nyan bé ti mlɔnmlɔn,

Jacques 1:22

Nyanmiɛn ndɛ nga an ti'n, an `lafi su. Sɛ an tie i ngbɛn bɔ an fa-man su'n, wuun an su laka amún wun.

1 Jean 3:18

M mma mun, nán man amun sran klolɛ'n yo amún nuan bui su, nin nuan nun fɛ su, sanngɛ man be wun i sakpa like nga amun yo'n nun.

Jude 1:9

Sanngɛ i nun nga anz kpɛnngbɛn Misɛl nin mmusu'm bé si Satan be ´kpli Moiz fuɛn'n, bɔ be ´si akplowa'n, anz sɔ'n ɔ'a kwla kɛn-mɛn i ndɛ tɛ, sanngɛ ɔ seli i kɛ: «Min Min'n ko wun wɔ !»