Rɔmfuɛ Mun 15:14 - NYANMIƐN NDƐ'N 1998

¹⁴ N niaan mun, m bɔbɔ n lafi amun su kpa kɛ an ti klun-ufuefuɛ kpa, n lafi amun su kɛ amun wun sa'n kwlaa wlɛ yɛ an kwla tu amun wiengu fɔ.

Nyanmien nde Ufle

¹⁴ N niaan mun, m bobo n lafi amun su kpa ke an ti klunufuéfue kpa, an wun sa'n kwlaa wle, ye an kwla tu amun wiéngu fo.

Rɔmfuɛ Mun 15:14 ပူးပေါင်းရင်းမြစ်များ

1 Korɛntfuɛ Mun 1:5

Afin kɛ amun nin Krist amu'an yo sran wunmuan'n, like kpakpa'n kwlaa ti a sin a yia amun, an si i ndɛ'n kwlaa kan, an wun i ninnge'm be kwlaa be wlɛ.

1 Korɛntfuɛ Mun 12:8

Afin Nyanmiɛn Wawɛ'n man sran'n wie ngwlɛlɛ ɔ fa si ijɔ, yɛ i Wawɛ kunngba'n man sran'n wie kusu wun sa wlɛ ɔ kan kle sran wie mun.

1 Korɛntfuɛ Mun 13:2

Man n yo Nyanmiɛn nuan ijɔfuɛ, man n si sa nga Nyanmiɛn fiɛli i sran'm be nyrun'n i ngba, yɛ man n wun sa'n kwlaa wlɛ, yɛ sɛ n lafi Nyanmiɛn su kpa bɔbɔ b'ɔ man n kwla se oka'm be kɛ be tu bé bo wɔ'n, sanngɛ sɛ n klo-man sran'n, wuun m'an yo-man like fi.

1 Korɛntfuɛ Mun 8:1

Nga b'ɔ ti amuɛn nnɛn'n i ndɛ liɛ'n, e si kɛ e kwlaa e si i. Sanngɛ sa silɛ sɔ'n man sran tu i wun, sanngɛ sran klolɛ'n ɔ man sran yo sran.

1 Korɛntfuɛ Mun 8:10

?Afin sɛ sran wie b'ɔ nian wun-mɛn i wlɛ kpa'n ɔ wun kɛ ɔ bɔ a wun i wlɛ'n a o amuɛn sua'n nun a su di like'n, i kusu ko di-man amuɛn nnɛn sɔ'n wie ɔ dunman nun?

1 Korɛntfuɛ Mun 8:7

Sanngɛ sran ngba si-mɛn i sɔ. Afin amuɛn ndɛ'n tɛ o wie'm be klun, ɔ man kɛ be ´di nnɛn'n, ɔ yo be kɛ amuɛn nnɛn yɛ be su di sa. Kɛ be wun-mɛn i wlɛ kpa'n ti, be klun titi be.

2 Korɛntfuɛ Mun 8:7

Like kpakpa'n kwlaa ti a sin a yia amun: an lafi Krist su kpa, an si ijɔ, an wun sa wlɛ, an lɛ anwlɛn sa'n kwlaa nun, yɛ an klo ye dan. N klo kɛ an yo aklunyefuɛ dan kusu.

Efɛzfuɛ Mun 5:9

Afin be nga be o wia'n nun'n, be yo sran ye, be yo sa kpa, yɛ be di nanwlɛ.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Filipfuɛ Mun 1:7

Kɛ m bu amun kwlaa amun akunndan kɛ nga sa'n, ɔ ti kpa, afin amun ndɛ lo n kpa. Kɛ e ´se yɛ'n bɔ n wo bisua nun'n, nin laa bɔ n nyan ń ti n jran jasin fɛ'n su man ɔ taka kpa'n, ye nga Nyanmiɛn yoli min'n, ɔ yo amun kwlaa amun wie,

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

1 Tɛsalonikfuɛ Mun 5:11

I sɔ'n ti, an `cici amun wiengu wla man ɔ yo sran, afin kɛ an yo i sɔ-ɔ.

1 Tɛsalonikfuɛ Mun 5:14

Aniaan mun, e ´srɛ amun kɛ an tu be nga be yo sa sukusuku'n be fɔ, an `wla be nga be anwlɛn sɔ-man'n be yakpa, an `uka be nga be lɛ-man wunmiɛn'n, an `tra amun anwlɛn sran'm be kwlaa be wun .

2 Tɛsalonikfuɛ Mun 1:11

I sɔ'n ti, e srɛ e Nyanmiɛn'n titi kɛ ɔ jran amun sin nan kɛ ɔ wun amun'n, ɔ wun kɛ flɛlɛ ng'ɔ flɛli amun'n ɔ ti kpa. Man Nyanmiɛn man sa kpa nga an klo kɛ amun ´yo'n, nin sa nga an lafi su kɛ ɔ ´yo'n, ɔ yo ye.

2 Timote 1:5

N wla o ɔ Nyanmiɛn su bɔ a lafi kpa'n su, ɔ nannan Lois nin ɔ nin Enis be yɛ be dun mmua lafili i su sɔ-ɔ. Yɛ n si kɛ a lafi i su sɔ wie kusu.

Filemɔn 1:21

Fluwa nga n ´klɛ m blɛ wɔ yɛ'n, n si kɛ sran bɔ a bu min'n ti like nga n se wɔ kɛ a yo'n, a ´yo tra su.

Hébreu 5:12

Amu'an cɛ, yɛ amu'an ju sran uflɛ'm be like klelɛ, sanngɛ kusu an tɛ kunndɛ kɛ be fa Nyanmiɛn ndɛ'n i bo bolɛ'n kle amun ekun. Amun ti sran bɔ amun nin nyɔnflɛn nɔnlɛ fata, an kwla di-man aliɛ.

Hébreu 6:9

N sran kpa mun, kannzɛ e kan sɔ'n, e lafi su kɛ amún sa liɛ nga kɛ amun nyan amún ti'n an yo'n, ɔ ti kpa tra be nga'm be liɛ'n.

2 Piɛr 1:12

An si sa sɔ mun, yɛ an lafi ndɛ nanwlɛ nga an tili'n su kpa, sanngɛ n su yaci-man amun wla kpɛnlɛ sa sɔ'm bé su.

1 Jean 2:21

Nán kɛ an si-man ndɛ nanwlɛ'n ti yɛ n klɛ fluwa sɔ'n m blɛ amun-ɔn, sanngɛ i silɛ bɔ an si i'n ti-ɔ, yɛ an si kɛ ato'n nin nanwlɛ'n be san-man nun.