Rɔmfuɛ Mun 15:13 - NYANMIƐN NDƐ'N 1998

¹³ Man Nyanmiɛn bɔ é nyin o i sin'n ɔ man amun klun jɔ, yɛ an di alaje i su bɔ an lafi'n ti nan Nyanmiɛn Wawɛ'n i fanngan nun amún nyin trɛn i sin tititi.

Nyanmien nde Ufle

¹³ Man Nyanmien bo é nyin ô i sin'n o man amun klun dyo, ye an di aladyé i su bo an lafi'n ti, nan Nyanmien Wawe'n i fanngan nun amun nyin tren i sin tititi.

Rɔmfuɛ Mun 15:13 ပူးပေါင်းရင်းမြစ်များ

Ezai 55:12

Nanwlɛ, kɛ amun ´fin Babilɔni lɔ fite'n, amun klun ´jɔ, be ´fa amun ba amún mɛn'n nun wɛtɛɛ su. Sɛ oka mun nin kpɔlɛ mun be ti sran'n, wuun n ´se kɛ be ´bo sro, yɛ sɛ blɔ lɔ waka'm be ti sran'n, wuun n ´se kɛ be ´bo ndɛ.

Zeremi 14:8

?Wɔ bɔ ɔ su yɛ Izraɛlfuɛ'm be fa be wla'n gua'n, wɔ bɔ sɛ sa tɔ be su-ɔ, wɔ yɛ a ti be defuɛ'n, ɔ yo sɛ ti yɛ a yo ɔ́ wun kɛ aofuɛ wie sa sɔ-ɔ? ?Ɔ yo sɛ ti yɛ a yo ɔ́ wun kɛ sran wie b'ɔ su sin kɔ i lika yɛ wa a sike sran cɛn kun sa sɔ-ɔ?

Jean 14:1

Nán amún wla bo. An `lafi Nyanmiɛn su, yɛ an `lafi n su wie.

Jean 14:27

N ´yo man amún wun ´jɔ amun fɔuun, yɛ amun ´di alaje kɛ min sa. Alaje nga mɛn nunfuɛ'm be yra bé nuan kɛ sran di'n, ɔ nin n liɛ'n ti-man kun. Nán amún wla bo, nán srɛ kun amun.

Rɔmfuɛ Mun 12:12

Amún nyin b'ɔ wo e Min'n i sin'n ti, an `gua amún wla ase. Sɛ sa tɔ amun su'n, an `tra amun anwlɛn. Amun nin Nyanmiɛn an `koko yalɛ titi, nán amun kpɔnzɔ.

Rɔmfuɛ Mun 14:17

Nán kɛ like bɔ sran di'n nin nzan bɔ be nɔn'n yɛ ɔ kle kɛ Nyanmiɛn sie be-ɔ, sanngɛ i Wawɛ'n b'ɔ man sran kaci sran kpa'n, b'ɔ man be di alaje'n, b'ɔ man be klun jɔ'n, yɛ ɔ kle kɛ ɔ sie be-ɔ.

Rɔmfuɛ Mun 15:19

yɛ sa kekleekle mun, nin atrɛ mun, nin abonuan sa mun bɔ Nyanmiɛn Wawɛ'n i fanngan nun n yoli be'n, be cɛ yɛ n kan-an. Kɛ m boli Krist i jasin fɛ'n kwlakwlakwla sa. M boli i Zerizalɛm bue liɛ'n su lele fa juli Iliri.

Rɔmfuɛ Mun 15:5

Man Nyanmiɛn b'ɔ wla sran fanngan b'ɔ man be tra be anwlɛn'n, ɔ man amun akunndan'n yo kun kɛ Krist-Jésus bɔbɔ kle ye kɛ e yo'n sa.

1 Korɛntfuɛ Mun 2:4

Min ijɔlɛ'n nin Nyanmiɛn ndɛ bɔ n kɛnnin i lɔ'n, ɔ'a yo-man ngwlɛlɛ ndɛ bɔ sɛ sran ti-ɔ ɔ fa su-ɔ, sanngɛ ɔ yoli ndɛ b'ɔ yi Nyanmiɛn Wawɛ'n nin i kwlalɛ'n nglo.

2 Korɛntfuɛ Mun 9:8

Nyanmiɛn kwla man amun like kpakpa'n kwlaa lele bé ti sin yia amun. Ɔ man cɛn kwlaa amun ´nyan like ng'ɔ mian amún sa'n i kwlaa, yɛ amun ´nyan wie kpanngban amun ´fa yo aklunye,

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Efɛzfuɛ Mun 1:2

Man e Si Nyanmiɛn nin e Min Jésus-Krist be man an nyan ye, yɛ man amún wun jɔ amun fɔuun!

1 Tɛsalonikfuɛ Mun 1:5

Afin kɛ e kan jasin fɛ'n i ndɛ kleli amun'n, y'a kɛn-mɛn i é nuan nun ngbɛn, Nyanmiɛn Wawɛ'n yɛ ɔ tinnin ye-ɔ, ɔ man ye wun i wlɛ kpa kɛ ndɛ nga e kan'n ti nanwlɛ, yɛ Nyanmiɛn Wawɛ di junman amun afiɛn. Kɛ e o amun wun lɔ'n an si e wun wafa nga e yoli'n, amun ti yɛ e yoli e wun sɔ-ɔ.

1 Timote 1:1

M Pɔl bɔ e Defuɛ Nyanmiɛn man Krist-Jésus bɔ e fa é wla guɛ i su'n ɔ sunmannin min'n,

Hébreu 6:11

Sanngɛ e klo kɛ amun kwlakwla an mian amún nyin yo kɛ an yo i laa'n sa guɛ i ti nin i bo, yɛ amun ´nyan like nga amún wla o su kɛ amun ´nyɛn i'n i kwlaa-a.

1 Piɛr 1:8

Amu'an wun-mɛn i le, sanngɛ an klo i. Kannzɛ an nian wun-mɛn i'n, an lafi i su, ɔ man amun klun jɔ dan kpa, ɔ man an wun-man ndɛ nga an kan-an.

1 Samiɛl 1:18

Ani tɛli i su kɛ: «Ɔ kusu suan mín bo sa titi.» Kɛ bla sɔ'n wɔli'n, ɔ ko dili like siɛn'n, yɛ i nyrun b'ɔ ti mlanwa'n ɔ titili.