Rɔmfuɛ Mun 15:12 - NYANMIƐN NDƐ'N 1998

¹² Ezai kusu seli kɛ: «Izai i anunman'n ɔ ´ba, ɔ wa jao sie be nga be ti-man Zuif'n. I su yɛ be ´fa bé wla'n gua-a .»

Nyanmien nde Ufle

¹² Ésaïe kusu séé ke: «Isaï i anunman'n oh bah, O wa dyaô sié bé nga bé ti'a Juif'n, I su ye béh fah bé wla'n guaa.»

Rɔmfuɛ Mun 15:12 ပူးပေါင်းရင်းမြစ်များ

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

1 Be Nyoliɛ 2:12

Bɔaz wuli Obɛd. Yɛ Obɛd wuli Izai.

Jue Mun 72:17

Nán famiɛn'n i dunman'n nunnun le. Man ɔ cɛ kɛ wia'n sa. Man sran'm be fɛ i dunman'n be yra be wiengu nguan. Man mɛnmɛn'm be nunfuɛ'm be kwlaa be se i kɛ: «Nja ɔ liɛ su ti ye!»

Ezai 11:1

Sran kun ɔ ´jaso su Izai osu'n nun kɛ waka sama'n ɔ fɛfɛ waka'n i bo'n su'n sa. Ɔ wa jaso su kɛ waka nɔnman'n ɔ fɛfɛ waka i olui'n su'n sa .

Ezai 11:10

I cɛn sɔ nun'n, sran ng'ɔ wa jaso su Izai osu nun'n, ɔ wa yo sran'm be nzɔliɛ like. Nvle-nvle'm be nunfuɛ'm be ´kpɛ bé nyin i wun lɔ. Yɛ i tranwlɛ'n ´yo anyrunnyan lika.

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 7:14

Be fali kwlalɛ'n be mɛnnin, be mɛnmɛnnin i, yɛ be fali famiɛn diwlɛ'n be wlɛli i sa nun. Nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa'n, be suli i. I kwlalɛ sɔ'n ɔ ´tran lɛ tititi, i blɛ'n su sin-man le, yɛ i sielɛ'n su nunnun-man le .»

Mise 5:4

I yɛ ɔ ´fa fɔundi ba-a. Sɛ Asiri sonja'm be wlu e mɛn'n nun'n nan bé ja tia é sua kpakpa'm be nun'n, e ´sunman e sonja kpɛnngbɛn kpanngban kpa kɛ be nin be be ko kun.

Matthieu 12:21

Nvle-nvle'm be wa fa bé wla guɛ i su .»

1 Korɛntfuɛ Mun 15:19

Sɛ blɛ nga e o nun yɛ'n ngunmin yɛ é wla o Krist su'n, bɔ kɛ e ko wu'n wuun ɔ'a wie'n, e nyrɛnnɛn liɛ'n tra sran'n kwlaa.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

1 Piɛr 1:21

Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.

1 Jean 3:3

Sran kwlaa nga i wla o su sɔ'n, ɔ yo man sa tɛ kaan sa trɛn-mɛn i wun, afin sa fi nun-man Krist wun.

Sa nglô yile 22:16

Min Jésus, n sunmannin min anz'n kɛ ɔ wa kan sa sɔ'n kwlaa kle amun asɔnun'm be nun. N fin David osu'n nun, i anunman yɛlɛ min. Min yɛ n ti awuɛ nzraama nin-ɔn .»

Sa nglô yile 5:5

Yɛ kpɛnngbɛn'm be nun kun seli n kɛ: «Nán sun. Nian asɔmɔli'n b'ɔ fin Zida osu nun'n, b'ɔ ti David anunman'n, ɔ kwlali, ɔ man ɔ ´kwla kpɛkpɛ like nso nga be fa cicili fluwa'n, yɛ ɔ ´nyannji nun .»