Rɔmfuɛ Mun 15:1 - NYANMIƐN NDƐ'N 1998

¹ E bɔ e wun sa sɔ'n i wlɛ kpa'n, man e uka be nga be wun-mɛn i wlɛ kpa'n, nán man e `yo like ng'ɔ jɔ e bɔbɔ e klun'n.

Nyanmien nde Ufle

¹ É bo é wun sa so'n i wle kpa'n, man é uka bé nga bé wu'en i wle kpa'n, nanh man é yô liké ng'o dyo é bobo é klun'n.

Rɔmfuɛ Mun 15:1 ပူးပေါင်းရင်းမြစ်များ

Rɔmfuɛ Mun 14:1

Sran nga kɛ ɔ lafili Krist su'n ɔ nian wun-man sa ng'ɔ yo-ɔ ɔ ti su'n i wlɛ'n, an `bu i amun niaan, nán amun nin i si akplowa.

Rɔmfuɛ Mun 14:2

An `nian, sran wie o lɛ'n, ɔ lafi su kɛ ɔ kwla di like'n kwlaa, sanngɛ sran ng'ɔ nian wun-man sa ng'ɔ yo-ɔ ɔ ti su'n i wlɛ'n, aliɛ ngunmin yɛ ɔ di-ɔ, ɔ di-man nnɛn.

Rɔmfuɛ Mun 4:20

Kɛ ɔ buli like nga Nyanmiɛn seli i kɛ ɔ ´yo'n i akunndan'n, i akunndan'n ɔ'a yo-man nnyɔn-nnyɔn, sanngɛ ɔ jrannin kekle Nyanmiɛn su b'ɔ lafi'n ti, yɛ ɔ mɛnmɛnnin i.

1 Korɛntfuɛ Mun 4:10

Krist ti y'a kaci sinnglinfuɛ, sanngɛ amun liɛ'n, sran wunmuan bɔ amun nin Krist amu'an kaci'n ti'n, an ti ngwlɛlɛfuɛ! E ti fuɛn, sanngɛ amun liɛ'n, an ti kekle! An lɛ nyrun, sanngɛ e liɛ'n, be bu-man e sran!

1 Korɛntfuɛ Mun 9:22

Kɛ n ko yo nan m'an nyan be nga be nian wun-man Nyanmiɛn ndɛ'n i wlɛ kpa'n, n yo min wun kɛ be sa. Sran wafa'n kwlaa bɔ n to be'n, kɛ n ko yo nan m'an de be'n, n yo min wun kɛ be sa, yɛ n yo like kwlaa nga n kwlɛ i yo'n.

2 Korɛntfuɛ Mun 12:10

I sɔ'n ti'n, sɛ n lɛ-man wunmiɛn o, sɛ be ´kpɛ min nzowa o, sɛ ń sa ´mian o, sɛ be ´kle n yalɛ o, sɛ n ´wun nyrɛnnɛn o, Krist ti n klun jɔ afin kɛ m bu i kɛ n lɛ-man wunmiɛn'n, i li bɔ yɛ n nyan wunmiɛn nin-ɔn.

Efɛzfuɛ Mun 6:10

Min ndɛ'n i atabo'n yɛ: Man e Min'n tin amun sran wunmuan bɔ amun nin i amu'an kaci nin i kwlalɛ b'ɔ lɛ-man wunsu'n ti.

Filipfuɛ Mun 2:4

Nán amun nun sran fi bu i bɔbɔ i ninnge'm be ngunmin be akunndan, sanngɛ man amun wiengu'm be liɛ'n lo amun wie.

1 Tɛsalonikfuɛ Mun 5:14

Aniaan mun, e ´srɛ amun kɛ an tu be nga be yo sa sukusuku'n be fɔ, an `wla be nga be anwlɛn sɔ-man'n be yakpa, an `uka be nga be lɛ-man wunmiɛn'n, an `tra amun anwlɛn sran'm be kwlaa be wun .

2 Timote 2:1

I sɔ'n ti ɔ liɛ'n, ń wa, ye nga kɛ e nin Krist-Jésus e kacili sran wunmuan'n ɔ yoli ye'n ti, jran kekle.

1 Jean 2:14

Ba kanngan mun, n ´klɛ fluwa nga m ´blɛ amun yɛlɛ kɛ an si e Si'n. N si mun, n ´klɛ fluwa sɔ'n m blɛ amun yɛlɛ kɛ an si sran ng'ɔ o lɛ i bo bolɛ nun'n. Gbanflɛn mun, n ´klɛ fluwa sɔ'n m ´blɛ amun yɛlɛ kɛ an jran kekle, an fa Nyanmiɛn ndɛ'n su, yɛ an kwlali Klunwifuɛ'n.