Rɔmfuɛ Mun 14:9 - NYANMIƐN NDƐ'N 1998

⁹ Kɛ ɔ ko yo nan Krist ɔ'a yo be nga be wuli'n nin be nga bé nyin o su'm be Min'n, ɔ wuli, yɛ ɔ cɛnnin.

Nyanmien nde Ufle

⁹ Ke o kô yô nan Christ wa yô bé nga bé wuli'n nin bé nga bé nyin ô su'n bé Min'n, o wuli, o tyennin.

Rɔmfuɛ Mun 14:9 ပူးပေါင်းရင်းမြစ်များ

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

JÉSUS-CHRIST I DYASIN FE'N BO LUC KLELI'N 24:26

?B'a se-man kɛ Krist ´wun nyrɛnnɛn nan ɔ'a trɛn i bia'n su?»

Jean 12:24

Nanwlɛ, sɛ ble mma kun ɔ'a tɔ-man asiɛ wun ɔ'a saci-man'n, ɔ kɛ i kunngba, sanngɛ sɛ ɔ saci'n, ɔ wlɔ yɛ ɔ yo kpanngban.

Sa nga bé yôli'n 10:36

Ɔ fɛ i ndɛ'n blɛli Izraɛlfuɛ mun, yɛ ɔ kannin alaje bɔ be wa nyɛn i Jésus-Krist b'ɔ ti sran'm be kwlaa be Min'n i ti'n i ndɛ kleli be.

Sa nga bé yôli'n 10:42

Yɛ Jésus kaleli ye cinnjin kpa kɛ e kan kle sran'm be kɛ i bɔbɔ yɛ Nyanmiɛn sieli i kɛ ɔ di be nga be nyin o su'n nin be nga be wuli'm be ndɛ nin-ɔn.

Rɔmfuɛ Mun 10:9

Sɛ ɔ fite ɔ́ nuan kɛ Jésus ti ɔ Min'n, yɛ sɛ a lafi su kpa kɛ Nyanmiɛn cɛnnin i'n, a ´fite nun.

2 Korɛntfuɛ Mun 5:14

Sa kwlaa nga e yo'n, e yo i klolɛ bɔ Krist fa klo sran'n ti. E si kɛ sɛ sran kun wuli sran'm be kwlaa bé ti'n, wuun be ngba yɛ be wuli-ɔ.

1 Tɛsalonikfuɛ Mun 4:14

Afin e lafi su kɛ Jésus wuli yɛ ɔ cɛnnin, ɔ man e lafi su kɛ Nyanmiɛn man be nga be lafi i su bɔ be wuli'n, be nin Jésus be ´ba.

1 Tɛsalonikfuɛ Mun 5:10

E ti yɛ ɔ wuli-ɔ, ɔ man kɛ ɔ ´ba'n, sɛ é nyin o su o, sɛ y'a wu o, e nin i e ´nyan nguan.

2 Timote 4:1

Ndɛ nga n wa kan kle wɔ yɛ'n, Nyanmiɛn nin Krist-Jésus b'ɔ wa di be nga be wuli'n nin be nga bé nyin o su'n be ndɛ'n, be ti n lalofuɛ. I balɛ b'ɔ wa ba'n nin i famiɛn b'ɔ wa di'n ti, n ´srɛ wɔ kpa,

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

1 Piɛr 1:21

Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.

1 Piɛr 4:5

Sanngɛ be wa kan sa nga be yoli'n kle Nyanmiɛn b'ɔ wa di be nga bé nyin o su'n, nin be nga be wuli'n be jɔlɛ'n.

Sa nglô yile 1:18

N ti anannganman, n wuli, sanngɛ n cɛnnin, siɛn'n, mín nyin o su, yɛ n ´ka lɛ tititi. Min yɛ n sie Wie nin-ɔn, yɛ blɔlɔ lɔ lakle'n wo ń sa nun.

Sa nglô yile 2:8

«Nian ndɛ nga n klo kɛ a klɛ ko man Smirni asɔnun'n i anz'n yɛ: ‹M bɔ n ti like'n kwlaa i klikli nin i awieliɛ'n, bɔ n wuli, n cɛnnin'n, n se kɛ yoo :