Rɔmfuɛ Mun 14:6 - NYANMIƐN NDƐ'N 1998

⁶ Sran ng'ɔ sie cɛn kun man e Min'n, e Min'n i akunndan b'ɔ bu'n ti yɛ ɔ sie i sɔ-ɔ. Yɛ sran ng'ɔ di like'n kwlaa'n, e Min'n i akunndan b'ɔ bu'n ti yɛ ɔ di-ɔ, afin ɔ la Nyanmiɛn ase. Sran ng'ɔ di-man like ngba'n, e Min'n i akunndan b'ɔ bu'n ti yɛ ɔ yo i sɔ-ɔ, i kusu la Nyanmiɛn ase .

Nyanmien nde Ufle

⁶ Swran ng'o sié tyen kun man é Min'n, é Min'n i akunndan b'o bu'n ti ye o sié i soo. Ye swran ng'o di liké'n kwlaa'n, é Min'n i akunndan b'o bu'n ti ye o dio, afin o la Nyanmien asé. Swran ng'o di'a liké ngba'n é Min'n i akunndan b'o bu'n ti ye o yôé soo, i kusu la Nyanmien asé.

Rɔmfuɛ Mun 14:6 ပူးပေါင်းရင်းမြစ်များ

Ezipt Lɔ Tulɛ'n 12:14

Amun `fa cɛn sɔ'n amun `fa kpɛn amún wun wla. Kɛ ɔ ko ju'n, amun kwlaa amun `yia, amun `manman min Anannganman sa nga n yoli'n ti. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi. Ɔ ti mmla kun bɔ be kwla kaci-mɛn i.»

Ezipt Lɔ Tulɛ'n 12:42

Kɛ Anannganman niannin Izraɛlfuɛ'm be su kɔnguɛ sɔ'n nun'n b'ɔ fali be Ezipt lɔ fiteli'n, i ti, afuɛ kwlaa nun'n, kɛ kɔnguɛ sɔ'n i blɛ'n ko ju'n, Izraɛlfuɛ'm be nian su be fa di cɛn be man Anannganman, afin ɔ ti i liɛ klonglo.

Ezipt Lɔ Tulɛ'n 16:25

Moiz seli be kɛ: «Amun `di i ndɛkɛn, afin ndɛ ti wunmiɛn-delɛ-cɛn bɔ e fa man Anannganman, amun su nyan-man wie ngblaliɛ'n sin lɔ.

Ezai 58:5

?Nglɛmun cilɛ nga n klo i'n, bɔ be ci i cɛn nga be kan bé wun ase'n i nun'n, yɛlɛ ng'ɔ o lɛ'n? ?Bé ti bɔ be klu i kɛ ndɛ mma sa'n, bajɛ su bɔ be la'n, nzuɛn nun bɔ be la'n, i sɔ'n yɛ amun flɛ i kɛ amun su ci nglɛmun cɛn kun b'ɔ jɔ Anannganman i klun'n i nun nin-ɔn?

Zakari 14:21

Zerizalɛm klɔ'n su blalɛ sɛ mun nin Zida nvle'n nun blalɛ sɛ'm be kwlakwla be ´yo Anannganman b'ɔ sie mɛn wunmuan'n i liɛ klonglo. Be kwlaa nga be ´ba tɛ yilɛ'n, be ´tɔn tɛ nnɛn'n sɛ sɔ'm be nun. I sɔ blɛ nun'n, aata difuɛ fi su tran-man Anannganman b'ɔ sie mɛn wunmuan'n i sua'n nun kun.

Matthieu 14:19

Jésus yoli man sran'm be trannin ase ijre'n su lɛ, ɔ fali kpaun nnun'n nin kpatra nnyɔn'n, ɔ mɛnnin i nyin su niannin nyanmiɛn su lɔ nan ɔ'a la Nyanmiɛn ase. I sin ɔ bubuli kpaun'n nun, ɔ fa mɛnnin i sɔnnzɔnfuɛ'm be kɛ be `fa cɛ sran mun, nan b'a fa cɛ be.

Matthieu 15:36

Ɔ fali kpaun nso'n nin jue mun, kɛ ɔ lali Nyanmiɛn ase'n, ɔ bubuli nun fa mɛnnin i sɔnnzɔnfuɛ mun nan b'a fa cɛ sran mun.

Jean 6:28

Be usɛli i kɛ: «Nguɛ yɛ e `yo nan y'a kwla yo like ng'ɔ ti Nyanmiɛn klun su nin-ɔn?»

Galasifuɛ Mun 4:10

An ci cɛn'n wie, nin anglo'n wie, nin le mɔcuɛ'n wie, ɔ nin afuɛ'n wie!