Rɔmfuɛ Mun 14:4 - NYANMIƐN NDƐ'N 1998

⁴ ?A ti ɔ liɛ sɛ bɔ a kan ɔ niaan wie i junman difuɛ'n i wun ndɛ-ɔ? Sɛ i nzuɛn ti kpa o, sɛ ɔ ti-man kpa o, nán ɔ ndɛ-ɔ, i min'n i ndɛ-ɔ. Ɔ ´yo kpa, afin e Min'n kwla suɛn i bo man ɔ yo kpa.

Nyanmien nde Ufle

⁴ ?A ti o lie se bo a kon o niaan wié dyunman difue'n i wun ndeo? Se i nzuen ti kpa ô, se o ti'a kpa ô, nonh o ndeo, i min'n i ndeo. Oh yôh kpa, afin é Min'n kwla suen i bô mon o yô kpa.

Rɔmfuɛ Mun 14:4 ပူးပေါင်းရင်းမြစ်များ

Jue Mun 17:5

N kali wɔ atin'n su, n trannin cinnjin, m'an yaci-man atin nga a kleli min'n.

Jue Mun 37:17

Afin klunwifuɛ'm be kwlalɛ'n ɔ wa wie. Sran kpa'm be liɛ'n, Anannganman suan be bo.

Jue Mun 37:24

Sɛ ɔ tɔ'n, ɔ ka-man asiɛ wun lɛ, afin Anannganman suɛn i bo.

Jue Mun 37:28

Afin Anannganman klo kɛ be yo like mun sɛsɛsɛ. Ɔ yi-mɛn i sufuɛ bɔ be ti nanwlɛfuɛ'm be ase. Ɔ nian be su tititi. Sanngɛ sa tɛ yofuɛ'm be mma mun nin be anunman mun be ´nunnun mlɔnmlɔnmlɔn.

Ezai 40:29

Sran nga ɔ'a fɛ'n, ɔ mɛn i wunmiɛn. Yɛ ɔ wla sran ng'ɔ ti fakafaka'n i nun fanngan .

Sa nga bé yôli'n 11:17

Kɛ e lafili e Min Jésus-Krist su'n, like nga Nyanmiɛn fa mannin ye'n, ɔ fɛ i kunngba'n mannin be wie. ?I sɔ'n ti'n, wan yɛlɛ min bɔ n kwla se Nyanmiɛn kɛ nán man ɔ yo-ɔ?»

Rɔmfuɛ Mun 11:23

Yɛ Zuif'm be kusu'n, sɛ be kaci nan be lafi Nyanmiɛn su'n, ɔ ´fa be taka be osu nun, afin Nyanmiɛn kwlɛ i sɔ yo.

Rɔmfuɛ Mun 14:3

Nán man sran ng'ɔ di like'n kwlaa'n, ɔ yo sran ng'ɔ di-man'n i finfin, yɛ nga kusu b'ɔ di-man'n, nán man ɔ kan sran ng'ɔ di'n i ndɛ, afin Nyanmiɛn bɔbɔ a sɔ i nun.

Rɔmfuɛ Mun 16:25

Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su.

Rɔmfuɛ Mun 9:20

?Ɔ bɔ a usa sɔ'n, a ti ɔ liɛ sɛ bɔ a yiyi Nyanmiɛn nuan nun-ɔn? ?Like nga be fa ufa wu'n, ɔ kwla usɛ i ufuɛ'n kɛ: «Ɔ yo sɛ ti yɛ a wuli n sɔ-ɔ ?»

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.

Jude 1:24

Nyanmiɛn b'ɔ kwla nian amun su b'ɔ man an fɔn-man'n, bɔ kɛ ɔ man amun ´kɔ i wun lɔ'n sa kaan sa bɔn-man amún wun'n, yɛ amun klun jɔ'n,