Rɔmfuɛ Mun 14:22 - NYANMIƐN NDƐ'N 1998

²² Ɔ sa wlɛ'n bɔ a wun i sɔ'n, man ɔ tran a nin Nyanmiɛn amun afiɛn. Sran ng'ɔ wun like ng'ɔ yo'n i wlɛ b'ɔ wun kɛ sɛ ɔ yo-ɔ i klun su ti-mɛn i'n, i liɛ su ti ye!

Nyanmien nde Ufle

²² O sa wle bo a wuin so'n, mon o tran a nin Nyanmien amun afien. Swran ng'o wun liké ng'o yô'n i wle b'o wun ke se o yôo i klun su timen'n, i lie su ti yé!

Rɔmfuɛ Mun 14:22 ပူးပေါင်းရင်းမြစ်များ

Sa nga bé yôli'n 24:16

I sɔ'n ti yɛ man n kusu m mian mín nyin kɛ min anwlɛn'n nun yo weiin titi Nyanmiɛn nin sran'm be nyrun nin-ɔn.

Rɔmfuɛ Mun 14:14

Sran wunmuan bɔ min nin e Min Jésus e ti'n ti, n si weiin kpa kɛ ninnge nga be o lɛ'n be kwlaa'n, be wie fi ti-man like tɛ, sanngɛ sɛ sran kun bu like kun kɛ ɔ ti-man kpa'n, wuun ɔ ti-man kpa i nyrun.

Rɔmfuɛ Mun 14:2

An `nian, sran wie o lɛ'n, ɔ lafi su kɛ ɔ kwla di like'n kwlaa, sanngɛ sran ng'ɔ nian wun-man sa ng'ɔ yo-ɔ ɔ ti su'n i wlɛ'n, aliɛ ngunmin yɛ ɔ di-ɔ, ɔ di-man nnɛn.

Rɔmfuɛ Mun 14:23

Sanngɛ sran ng'ɔ wun-man like ng'ɔ di'n i wlɛ kpa sɛ ɔ ti kpa o, annzɛ sɛ ɔ ti-man kpa o, nan ɔ di'n, Nyanmiɛn wa se kɛ ɔ'a di fɔ, yɛlɛ kɛ like ng'ɔ yo'n, ɔ wun-mɛn i wlɛ. Afin like kwlaa nga be yo bɔ be wun-mɛn i wlɛ kɛ ɔ ti kpa nan b'a yo'n, ɔ ti sa tɛ.

Rɔmfuɛ Mun 14:5

Sran wie bu kɛ cɛn'n wie ti kpa tra wie, sanngɛ wie nyrun'n, i kwlaa ti kun. I sɔ'n ti'n, man sran kun wun like ng'ɔ yo'n i wlɛ nan ɔ'a yo.

Rɔmfuɛ Mun 2:1

I sɔ'n ti'n, amun kwlaa bɔ an bu sran fɔ'n, an lɛ-man ndɛ fi. Afin kɛ an bu sran fɔ bɔ an yo sa kunngba nga sran sɔ'n yo'n, an bu amun bɔbɔ amun wun fɔ.

Rɔmfuɛ Mun 7:15

Nanwlɛ, sa nga n yo be'n, n wun-mɛn i wlɛ, like nga n klo kɛ n ´yo be'n, nán be yɛ n yo be-ɔ, sanngɛ like nga n klo-man be'n yɛ n yo be-ɔ.

Rɔmfuɛ Mun 7:24

Eee, n ti nyrɛnnɛnfuɛ dan! ?Wan yɛ ɔ ´tu min nzuɛn nga b'ɔ man n ´wu'n, i su-ɔ?

1 Korɛntfuɛ Mun 8:7

Sanngɛ sran ngba si-mɛn i sɔ. Afin amuɛn ndɛ'n tɛ o wie'm be klun, ɔ man kɛ be ´di nnɛn'n, ɔ yo be kɛ amuɛn nnɛn yɛ be su di sa. Kɛ be wun-mɛn i wlɛ kpa'n ti, be klun titi be.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

Galasifuɛ Mun 6:1

Aniaan mun, sɛ an wun kɛ amun niaan kun su yo sa wie b'ɔ ti-man kpa'n, amun bɔ Nyanmiɛn Wawɛ'n sie amun'n, an `kle i atin ng'ɔ ti kpa'n amanniɛn su. Sanngɛ an `nian amun bɔbɔ amun wun nan amu'an yo-man sa kunngba sɔ'n wie.

Jacques 3:13

?Amun nun onin yɛ ɔ si ngwlɛlɛ b'ɔ wun sa wlɛ-ɔ? Man be wun i sɔ i nzuɛn kpa'n nin sa kpa ng'ɔ yo be'n nun, yɛ man be wun kɛ ɔ yo i wun aenvuɛ yɛ ɔ ti ngwlɛlɛfuɛ.

1 Jean 3:21

N sran kpa mun, sɛ e si e klun lɔ kɛ y'a yo-man sa tɛ'n, e wla'n kwla gua ase Nyanmiɛn nyrun.